عطيت السهر عيني وسلمته الاهداب !

**عجآيب** · 13-03-2013, 06:48 AM

عطيت السهر عيني وسلمته الاهداب
وانا اليائس اللي يلمحك فـ اتجاهاته

تهادت دموع وسرّته ضيقته وارتاب
لو ان ماعرف وش يربط الدمع بأهاته

مايحتاج يذكر لك جروح ويزيد اعتاب
ملامحه تحكي عن سوايا معاناته

مايملك من الدنيا سوا عزه وجلباب
لكنه معاك يغوص في بحر غاياته

معلق عليك اماله اللي تساوي ارقاب
وش اعظم من انك تسلبه معنوياته !

لو ان مايعدك فرحته واجمل الاحباب
ماكانت تبيّن صورتك بـ ابتساماته

يفتّح لك ابواب الضلوع ويسد الباب
على اول علاقاته واخر علاقاته

يلبّس من اوصافك حروف القصيد ثياب
وتسهر عشاشيق الهوا من كتاباته

حضوره مع الشعار فارق ولا من غاب
تبيّن على روض القصايد غياباته

ولا همته شهرة قصيد وغلا واعجاب
كثر مايهمه فرحتك لابتكاراته

لقاك بوجيه الناس لو انها اغراب
ومع كل طاري يشغله قبل نظراته

حمل وجهك الطاهر صباح وزهر واعناب
ولا الوم من تاه وتضايق بجناته

لا تترك حبيبك للضما والضما غلاب
خطاويه ماتعرف سوا درب ضيعاته

بكفه ورود وينتظر جية الغياب
لاتترك ضلوعه تنقتل قبل ورداته

ترا حالته من غيبتك عنه دون اسباب
مثل حالة الشاعر بعد سرقة ابياته

**هـــــــاني** · 14-03-2013, 03:01 AM

اشكرك اختي على روعة الابيات
الذي تترجم مافالقلب

**غيبوبه عشق** · 14-03-2013, 03:39 AM

سّلِمتِ يًدِآكْ
عّلِى جميًلِ طرٍحكْ وَحسّن ذآئقتِكْ
يًعّطيًكْ رٍبيً ألِف عّآفيًه
بإنتِظآرٍ جدِيًدِكْ بكْلِ شوَق
لِكْ منيً جزيًلِ آلِشكْرٍ وَآلِتِقدِيًرٍ
موَدِتِيً