ياشوق أنا قلبي لهوف.. على الليالي المقبلة..
أخاف تطري لك ظروف..وأخاف حبي تجهله..
وأخاف أنا عينك تشوف.. غيري وحسنك يذهله...
واحد أنا ضمن الألوف..منك الوداد أتأمله..
الله أكبر يالهنوف.. دمي لكم من حلله..
أنكرتي لي قلب شغوف.. وأصبح فؤادك يخذله..
ان كان لك جدت صروف.. بأنسى غرامي وأهمله..
مادام قلبك مايروف.. مافي المحبة مشكلة..
خلك على قلبي عطوف.. منك الجفا ماتحمله..
في داخلي شوق وخوف.. طالع فؤادي وأسأله..
أرجوك ياعذب الوصوف.. قلب الغلا لاتميله..
لابد لحظاتك تطوف .. تنهي بحياتك مرحله..
المفضلات