اللقمه اللي لجلها يظهر الشيب
ماجات بين المصلحه والنهايب


الذيب ما ياقف على لقمة الذيب
الا ليا زادت . . عليه المصايب

والرزق لو ياتي من الله مكاتيب
صارت قلوب الناس يمكّ حبايب

واللي تقلّد في زمانه عذاريب
دايم على كل المواجيب غايب

حنا نتعلىّ فوق روس المراقيب
لا صار للشجعان فعل وحرايب

ياخال لا شفتك على طيبك اطيب
لنيّ ولد عودٍ مع الناس طايب


الرجل لا منّه تخلى عن الطيب
ماكنّ ربي خالق له قرايب

لو كل رجالٍ يشوف الردا عيب
ما كان شفنا فالرياجيل خايب !
الشاعر / رائد بن هلاّل