اخر البـــــوم صوتــــــــــي للشــــاعر محمــــد بن مريبد العــازمي
حزن الطـــــــــريــق
الموقف اللي جر حـزن الطواريـق
لـو مايسلـي خـاطـري مابديـتـه
طعنه ولكن طعنةٍ(ن) فـي المعاليـق
ماهوب جرح(ن) لاسمرنـي كويتـه
من أول اضحك لو على خاطري ضيق
واليوم ضاق الصـدر واهتـز بيتـه
حصاه طاحت من حصى قمة طويـق
مـن بعدهـا رجـم الغـلا مارقيتـه
انام من طول السهر وأرجـع افيق
واجمع خواطر ليلـي اللـي سريتـه
أبيات فيها مـن قصيـد العشاشيـق
وابلغ منه واصدق من اللـي قريتـه
انفسروها قلـت مـن غيـر تعليـق
وان بينـت لـي بـن عـم ونخيتـه
ملفـاي مقـدام الوجيـه المطالـيـق
اللي ليـا مـن دبـر الوقـت جيتـه
ماهوب ملفق حولـي الهـرج تلفيـق
فـي لازمـي لارحـت يمـه لقيتـه
من لابت(ن) مثل الجبـال الشواهيـق
وعلى الظروف اعزومهـا مستميتـه
ربعي مضاميـن العهـد والمواثيـق
وان طمع جار البيت في جـار بيتـه
حققت شيء وشيء يحتـاج تحقيـق
حلم(ن) بقالـي حـي لـو ماخذيتـه
إن قالـهـا الله واليـالـي توافـيـق
لا اقطع ضرم نفسي ولـو مارويتـه
ماهو ضرم فنجال دلـه مـع بريـق
ضـرم وصـال اللـي لعلـه ياليتـه
تسمح له ضروف الزمـان الواحيـق
اللـي تناسينـي وانــا مانسيـتـه
فوق الخطر دون الوصل نشفت الريق
وحبـل اللقـاء لـو ماربعتـه ثنيتـه
البعد شلفـى ذيـاب سـم الصناديـق
والقرب يرفى جـرح لـو ماهتنيتـه
مخلـوق لكـن دون كـل المخاليـق
حتـى عقالـي دون حزنـه رميتـه
موقف حزيـن وبددتهـا الطواريـق
وانـا وقفـت بموقفـي واحتميـتـه
سكر نبات
تعـال ياسكـر نبـات العشـق ياملـح القصيـد
غيبتك لي مـده وانـا اغنـي علـى طاروقهـا
قصيدة(ن) موالها تهتز له خظر الجريـــد
ترخي همايل المزون اللي تلوح بروقها
ماهي دراما او مسلسل تكتبه فجر السعيد
مشاعر(ن) تليق بي وانت وغلاك تلوقها
ناديت لك وانت القريب مـن المحانـي والبعيـد
وسقت القـدم والا لغيـرك مستحيـل اسوقهـا
ومديت لك كف الرضا والعشق والعمـر الزهيـد
ومدللـك مثـل الرجـال اللـي تدلـل نوقـهـا
واصبحت تسري وسط شرياني وترجع فاالوريد
تقفي وتقبل وانت لـي طعـم الحيـاه وذوقهـا
ياراس مالي يـوم مالـي لاحسـاب ولارصيـد
فالبنـك والاسهـم نمـوت ولادخلنـا سوقـهـا
تعال قربك عيـد والبعـد ضربـه مـن حديد
يامن تشب النـار بغيابـي وانـا اطـى فوقهـا
اشعلت بردي في دفاك وذابـت امـواج الجليد
اللـي شواطيهـا تحـرا فيّـتـك وشروقـهـا
وكتبت فيك اغلـى القصيـد يفيـد
والا مايفيد ابيـات لاغنيتهـا تــروق لــي واروقـهـا
ارجع والاابغى لك عذر من دون شرط ودون قيد
يااول هـوا نفسـي وتاليهـم وغايـة شوقهـا
احايـل رفقتـك والعـمـر ينـقـص مايـزيد
سنيـن ادوّر رفقـة اللـي رفقتـه مابوقـهـا
تعـال وافعـل ماتبـي والله يفـعـل مايـريـد
اترك كلام اللـي علـى السيـره تبـل حلوقهـا
وضح النقى
تجمعنا على وضح النقا من كل حدب وصوب
وكلن يسرج خيوله وكلن يشعب اركابه
جعلنا الله من عدة قبائل واختلاف شعوب
وجينا للمكان اللي عقيد القوم غنابه
حضرنا كلنا اخوان لاغالب ولا مغلوب
حرار كل واحد لا انتهض عشاه مخلابه
احد يكتب على البحر الطويل ويترك المسحوب
واحد يكتب على بحر الهجيني ويتورابه
واحد يحدي حدا واحد على المنكوس نوب ونوب
يغنيله على طاروق شعبي لحن وجابه
سطع نجم وافل نجم وبقى وجه القصيد ينوب
وسرنا والسهوم مقدره والدرب متشابه
يجمعنا هدف واحد وكلن له نمط واسلوب
على باب الكريم اللي مشرع بالسما بابه
هدفنا الشعر ماغيره وبيته ها هنا منصوب
يمر الوقت ما هزت هبوب الغربي اطنابه
لو انه مر في صورة غريب(ن) عارضه مشحوب
لكنه في وجية اللي رموا به كشر انيابه
ملاذ اجيالنا لانه بعد شمس الشروق غروب
وتراث اسلافنا حنا بهذا الوقت اولى به
نقدنا وانتقدنا واستفدنا والخطا محسوب
وكلن من هذولا بالمواجه نحسب حسابه
لأن النقد شي(ن) سهل والشاعر كثير عيوب
امبركها وسوق الشعر سوامه وجلابه
لكن اكبر فخر اننا كسبنا بالحياه قلوب
وقنعنا والقناعه كنز والأذواق غلابه
واذا عين السخط تقرا الكلام الصح بالمقلوب
مابي عين الرضا تقرا الخطا صايب وترضى به
صحيح اني اجابه وقت واكتم سر وارفى ثوب
وكثير اللي تنكر لي وانا اللي كاسب اعجابه
لكن حبلي رهاوي والردي حبله معي مكروب
واذا يغتابني في غيبتي مانيب مغتابه
على الله يالغيوم الراعده والبارق المشبوب
تعدى شرق وتهل المطر وتحدر اشعابه
على دارن اسوقلها المطايا وانتهجها دروب
وقلبي فيه شي من الغرام وشي ينتابه
انا ياللي عزمت اتوب عنك ولاقدرت اتوب
بعد سالت بساتين الغلا واخضرت اعشابه
قسم بالله لوتدري وش اللي بالورق مكتوب
قصيد(ن) تسمعه دايم ولاتدري وش اسبابه
لتكسب من وراي ذنوب واكسب من وراك ذنوب
وخلق الله لها خوخه ورمانه وعنابه
ولايمكن افسر لك شطر يالجادل الرعبوب
كن صفق مع العالم وخل السيف بجرابه