تحذير لجميع البنات اللي مسجلين في حــــافز

**مومهم اسمي** · 20-12-2011, 05:32 AM

تحذير لجميع البنات اللي مسجلين في حــــافز ،,
الموضوع منقووووووول )

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،

السلام عليكم ورحمه ورحمه الله وبركاته

راح اتكلم بالموضوع بـــمثل ماهو مكتوب بالعنوان بدون مقدمات
والتحذير من صاحبة الموضوع على لسانها شخصياً

.. بسرد لكم ما حصلي .. وياليت لم يحصل

اليوم صباحاً على الســـاعه 10:30 وصل اتصال على ثابت البيت
وكان الرد من الوالده الله يحفظها (( كبيره بالعمر ))
اتصل شاب عرف بنفسه انه من حافز
( لانه سمع صوت امرأه كبيره ) سولت له نفسه واستغلها فرصه
سألها اذا في من ابنائها مسجل بحافز وذكرت له كل شي بالتفصيل العدد ومؤهلاتهم
((ولاني خريجه جامعه والاولاد ثانوي)) قال لها راح نبدا بالجامعات والثانوي بعدين ننظر لهم بعد الجامعه
صدقت كلامه ( يارب ارزق والدتي على قد نيتها ) طلب منها انه يكلمني قالت له نايمه
قال لها ابي تاكيد اسمها وعمرها وسنه كم تخرجت قالت له ياولدي كل شي مسجل عندكم بالموقع
تحجج وقال لها المعلومات راحت لمسؤولين المكافأت وماعنده اي شي منها الحين ورجع يطلبها المعلومات وماقصرت الوالده
بعدها سألها عن الوالد ووظيفته والحي السكني (( للاسف بحجه انه بيدور وظيفه قريبه من الحي ))
المهم سألها عن الوظائف الي ابحث عنها وبما ان الوالده ماتعرف قالت له هي كاتبتها لكم بالموقع
قال لها مجبور اكلمها عشان استفسر عن الوظائف هاتي رقمها حاليا مو موجود عندي
ولما اخذ الرقم سال الوالده الله يحفظها رقمي طالع عندك (( يبي يعرف في كاشف او لا ))
على نياتها قالت له لا هات الرقم اسجله قال بكلمك بعد شوي واعطيك اياه وقفل وماكلمها.

((( الولد المدعي انه من حافز )))
تشبع بمعلومات كامله عني واستغل طيبه الوالده وجهلها وكبر سنها
بدأ بالاتصالات الاول الساعه 11 الثاني 12 الثالث 1:29 الرابع 1:46 < لم يتم الرد لاني نايمه وسايلنت
الاتصال الخامس الساعه 3:10 كنت صاحيه بس مارديت ووصلني مسج مباشره الاخت ......... الرجاء الرد انها اجرأتك بحافز
اتعجبت من كميه الاهتمام اتصالات ومسج ..!!!
لاني اعرف انهم يرسلون مسج بموعد مقابله مكانها بحكم تجارب البنات بالمنتدى مو اتصال
وبعد10 د يرجع الاتصال ورديت ماعرف بنفسه مثل ماقال لامي لا اكتفى بس بكلمة ( انا من حافز واعتذر على ازعاااجك) وبيناتك الان امامي على الكمبيوتر
وجلس يذكر لي معلوماتي (( طبعا مافي شي امام الاخ الا ورقه مسجل فيها كل شي ذكرته له الوالده الله يحفظها )) وطلب مني تاكيد وبعدها سأل عن نوع الوظائف الي قدمت عليها قلت له مكتوب قدامك اختياراتي بالمجال الوظيفي
قالي يااختي انتي مقدمه على المكافأت مو الوظائف ومو مبين عندي (( هنااااا انا غلطت قلت له اختياراتي بالمجال الوظيفي )) قلت له اختياراتي كذا .... ومتاكده منها
((((((((( بينت له طلبي بالموقع .. انسان كلمك وقالك معلوماتك حرفياً شو رده فعلك .. !! ))))))))
استغلها وقال صحيح هذي هي ماانتبهت لها اعتذر بس مابينتي مكانها بالرياض ولا عادي خارج الرياض رديت بالرياض فقط قال الرياض مزحومه بس بشوف لك وظيفه داخلها قد مااقدر ومو اكيد تكون على قد طلبك بس بحاااول وانتظريني على المغرب ارد لك خبر ((( هنا قلت لنفسي في دوامات المغرب .. !! )))
بس لا مااتصل المغرب ساعه ورجع اتصل يعني 4:5 هلا لقيت لك وظيفه بس برماح بنفس طلبك (( يستهبل ))
قلت له انا قبل شووي قلت داخل الرياض .. قال اي صحيح هذا المتوفر بس اذا انتي مصره يعني بشوف لك داخل الرياض تقدرين تصبرين علي لحد مااشوف لك وظيفه وارجع اكلمك وقفلت
5 د ووصلني مسج
هلا وغلا ................ لقيت لك وظيفه بالمكان الفلاني وثاني بالمكان الفلاني (( هالمكانين قريبين من البيت طبعا هو مو غبي يبي يستغل الوضع))
انتي عارفه الزحمه بس بحرج نفسي حتى اخلص موضوعك بدون ماحد يدري وماهو مو من حقي اسوي هالشي بحكم اني موظف
((((((((((( حطيت مليون علامة تعجب شوو هالاهتمام ويحرج نفسه وبحكم انه موظف ..؟ ))))))))
يا ............. لو دبرتك بأحد هالمكانين الليله تقدرين تتواصلين معي بالجوال ارغب باجابه واضحه برساله وانا من الناس الي تحفظ الاسرار
رديلي برساله بدون علم احد
(((((((((( ابتزاز عيني عينك اتواصل معه وبدون علم احد ..؟ )))))))))))
ومارديت على المسج
ارسل بعد ربع ساعه > انا اسف اذا ازعجتك بس مارديتي ..؟
((((( الرسالتين كلهم الاملاء لك عليه )))))
وتجااااااهل

حسبي الله ونعم الوكيل على امثاله
رجاااااااااااااااااااااااااااااااء
انتبهووووا يا بنات وحذرووا امهاتكم ( الله يحفظهم يارب ) من اي مكالمه تطلب معلومات
جالسين يستغلون الفرص بقد مايقدرون ياخواتي نقلتها لكم عشان تنتبهون من هالفئه وتاخذوا حذركم حتى الشباب حذروا امهاتكم من مثل هالاتصالات خوفاً على اخواتكم

و حاليا .. اخوي جالس يبحث عن معلوماته .. لعلى وعسى
بس هذا مايكفي ابي اسمع خبر >> > تم القبض عليه

اللهم استرني فوق الارض ويوم العرض
اللهم ارني الحق حقا و ارزقني اتباعه وارني الباطل باطل وارزقني إجتنابه

آمـــــــــــــــــــين ياااااارب
منقوول

**سولافه** · 20-12-2011, 05:40 AM

حسبي الله عليه
شي يرفع الضغط ناس ماتخاف ربي
الله يستر عليها
جزاك الله خير 004 :82:

**الحقيقة بصمت** · 20-12-2011, 06:23 AM

والله شيئ يجعلك تتردد هو من نسج الخيال ولا واقع
ولكن بكل الاحول لا تعد مشكله حتى على الضعيف حلها متوفر وبسيط
ولا تحتاج بقوة وحجم هذا العنوان
الله يستر على الجميع

**غيمة شتآء !~** · 20-12-2011, 07:14 AM

الله يسترنا بالدنيا والآخرة
اتوقع القصة لها فترة ظهرت مع بدايات حافز

،
بعض الشباب بدوووون ماينتظرون فرص زي كذا
بعضهم عندهـ مرض إزعاج بنات الناس
حتى كرامة ماعندهـ ولا كأن ربي خلق له محارم بالدنيا
،

الله يستر ع الجميع
ويستر عليك خيتووو :82:*

**اميرهـ بأخلاقي** · 20-12-2011, 11:58 AM

لا حول ولا قوة الا بالله
اذا كان الكلام صدق . . الله يكفينا شر هالعينات
من جد زي ماقالت غيمه
ولا كأن ربي خلق لهم محاارم . .
يعطيك العافيه ياعسووله . .||

**شمس ألاحلام** · 20-12-2011, 02:52 PM

حسبي الله ونعم الوكيل فى هاذي الاشكال

لاحول ولاقوة الابالله

**منارالكون** · 22-12-2011, 01:53 PM

لاحول ولاقوه الا بالله

**جنوني غير** · 22-12-2011, 11:33 PM

والله صأأرت مششأأككل ودوشه ورجه باهـ الحــأأفزز
>< أممـأ لههدرجه الشعب مفرط تفرط ومنتف! ..

وأمما ذأ ححسبي الله علييه والله ييجززيهـ
متخلف الله يخخلف علييهـ وع أمثأأله

يسلمموـأأ ع النقل يَ ببططل ..