ضيقوا صدره وشكك في غلاه
وابتعد عني وكني لا احد



مادرى اني في هواه اطلب رضاه
اعترف لي في غرامي أو جحد



السؤال اللي قهرني وش بلاه
كيف ظن كيف صدق واستفد



والجواب ان الوفاء طبعي معاه
ياخطايا الوقت هاتي مابعد



عند ربي علم هالبير وغطاه
وعندك ادرى وش بقلبي من جلد



وعندي ادرى من يكابد في اساه
وعندك أدرى ما اطرد المقفي أبد



السعيد اللي تحقق مبتغاه
الحياة أرزاق واهبها الأحد



والتعيس اللي سحب همه وراه
غمض العينين واخطاء في العدد



انقتل حلمي قبل يبلغ مداه
حلم وردي حلم في وسط المهد



ااآه ياجرح معك يصعب شفاه
ظالم نفسك وظالمني بعد