صادفتها صدفه بـمستوصف القمه

[فروووحه]

السلام عليكم

هذي سالفه صايره بالسعودية- الزلفي -

زوجين يحبون بعض وصارت مشاكل بسبة ام الزوج و اصرّت عليه انه يطلقها

وطلقها غصب عنه عشان يرضي امه

وتلاقى معها بالصدفه في المستوصف

اترككم مع القصيده

اترككم مع القصيده

صادفتها صدفة بمســــتوصف القمة
بالعين راعيتها لحــظة وتـرعانـي
شميت أنا عطرها ويا بخت من شمه
يدوخ ويسكر ولو ما هوب شرباني
قــمت أتـذكر زمــان فــــات وألمــــه
لاعــادة الله نصــيب يوم ودانـــــي
هـلت دمــوع العــيون ولابــقى غـمة
ممـا جــرى لي نسيت ألآم الأسنـاني
معهـا أخــوهـا رفع كفة عـلى فمــــه
كنه يقـــول الله الستـــــار ياقـانــــي
نفس الملامـــح ويشبه دمهـا دمــــه
سبحان رب خلقــهم دعــج الاعيـاني
يدري بحبي وتدري أمــــــة وعـمــة
حـال القدر بيننا والحـب سلـــــطاني
يبكي ويمسح دمـــوع عيونه بكمـه
يبكـي علــى شانها ويبـكي على شاني
والله لولا الحــياء والـدين لاضـمــة
وأسمــعه شهقــة من قــلب شفقـانـــي
والحب بلوى ومـنة النفس ملـــتمة
وش حيلتي والغضـي دمـي وشريـانـي
أسمي يروح ويجــي والقلب من يمة
القلـب عندة يبـية ولايبـــي ثــــــانـــي
أقسم بربي وأنـا لـــي مذهـب وملــة
لاعيش أحبــة ولــو حبــه علــي جاني
شربت كاس الهوى ورويت من سمة
مامت وارتحت ولاهـوب اللي أحيانــي
وأضحك مع الناس والأحزان منضمة
كني سعيــد وأنا مبلـــي بالاحــزانــــي
عنـدي وصية وتـال الهــــرج يـايمـة
المــوت حق على القاصـي مـع الدانـي
وأن صرت فوق النعش والناس ملتمة
مــروا علـى بيتها وتشـوف جثمــانــي
قولوا لها المــوت زم صـويـحبك زمـة
ما مات حـبة ولــو هو بالنعـش فـانـــي
شلنـــاه للمــقبرة وأدعيــلة القمــة
خوذي جوابه وجودي له بالإحســانــي
يالله يالمقــتدر ياكـاشــف الغمــة
تفــرج لمـن حالــته دوم بنقصــانـــــي

رجعها بعد ما اسمعت امه القصيده طلبته يرجعها الله يسعدهم

آمين

[غيمة شتآء !~]

سبحان الله :tears:
الحب الصادق مايموت 004

تسلميييين ي عسسسل
الله لايحرمنا رووعة طرحك 004

[سولافه]

ماااره احبها هالقصيده
سمعتها اول مره شيله عند عمي امتحنت الرجال كل شوي اقوله شغلها > :3:
الله يسعدهم
تسلمين يابعدي
يعطيك العافيه 004 :82:

[فروووحه]

[عجآيب]

يعطيك العافيه
صح لسانه وسلم لنا نقلك
اشكرك :82:

[فروووحه]

[شمس ألاحلام]

[read]طرح جمييل جدآآ وانتقا بقمة الرروعه
بارك الله فييييييك وفي قلمك المميز
سلمت اناملك على حسن نقلك
بنتظارجديدك بكل الشوق
كـل الياسميــن لروحــك[/read]

[فروووحه]