والله ماجامل واحدا يلحق مطير

[قمر الشرقية]

عبر ياهجسي من حسيّن التعابير
البس لتوصيل التعابـير تاجي
*من دون جزل القاف خل الـمعاذير
هذا هواي ورغبتي واحتجاجي
ملزوم ثم ملزوم حشمه وتقدير
الـله يـسلم مطلـقين الحـجـاجـي
*أمطير باعه مقحمين الطوابير
لاركزاً سـرد المـهار العـجاجـي
إرجال شان الواردين المصادير
لاشـافوا اللي ماركـدله مزاجي
*خلوه عقب الزوم شاف المعاثير
لو كان جنبه مثل ضلعت سواجي
ياطيبنا ياهل الصخى ياهل الخير
وغير الطيابه بالمقـابل هـجاجـي
*نثني خلاف معسكرات المسامير
يوم الوطيس ورايب الدم راجي
*اليا لتفت شيخ السلف والمضاهير
في ساعتاً مافيه عذر وملاجي
*وين الرماه اللي تبوج المعـابير
هوشو عسى الهواش يلـقى خراجي
يصيرفي بعض المواقف مخامير
إلا مطير اليا حـصـلـبه حلاجي
والخيل من حمو المشوّك منافـير
كم فارساً عن حارك الخيل ماجي
الفارس المغوار يسقا صعاطـير
طشان كبده مثل طش الزجاجي
اليا أقبلو ذولا وذولا مدابـير
ياقل منهو من هاك اليوم ناجي
ويوم الرسايل جاتنا و المـداوير
من واحداً مخه ومخ الدجاجي
كز الرسايل دون حجه وتفـكير
يبا يتلجا بـس ما هـوب لاجي
وحنا علينا ردها بالـفواتير
شكله ومثله مايسبب حراجي
مانقبل الزلات لوجاب تبرير
وعيباً علينا ما نذوق الهماجي
أرسل مراسيله على مواصل أسير
بضلوفها أم أقرين فيها انعراجي
قام يتحجج عند ساق المواخير
يقول جاني من هاك القوم هاجي
جمعه غدا مشقور من قوت مـطير
خـلوه حمران النواظر يجاجي
ولع بدافوره وقدمه دوافـير
اضلوعنا مثل الحديـد السياجي
*عطوه لقمه شر ببره بتخديـر
وهاذي علاجه كان قل العلاجي
حنا نشوفه شوف بعيوننا صغـير
ماتنفعه كثـر الحيل والمناجي*
*نصعب عليه بكل معنا وتفسـيـر
حره طـويل وبالسراجيف لاجـي
*وهاذي بلاوي من بلاوا المقاديـر
قامت تهقوانا الضعاف السماجي
*امعلقن بذنه بروس الشناكـير
ماله على كـل الدعـاوي مداجـي
*أنوقعه ونطيره طير ثم طـير
جعله مراح اللي تذب الزراجي
عقوبت الله حين حلوبه مـطـير
برضه غدا اللقاع حدره رجاجي
ومطير مذهبت الشيوخ المشاهـير
تـاريخـنـا فيـما نـقـوله يناجي
اللي عطانا الوجه نقبل مـناحـير
متعـوديـن وخـاسراً من يفاجي
واللي يصورها على الكيف تصوير
الـذيـب مايـشـبه لسمر النعـاجي
والله ماجامل واحداً يلحق مطير
و مطيـر صبحاً لسود الليل باجي
الشاعر / عـلي مـحـمـد الـجـش*

[نقاء الروح]

سلمت يداك على الطرح
لا عدمنا هذا التميز

[نقاء الروح]

سلمت يداك على الطرح
لا عدمنا هذا التميز

[دارين]

لا جديد سوى رائحة التميز
تثور من هنا ومن خلال هذا الطرح
الجميل والمتميز ورقي الذائقه
في استقطاب ما هو جميل ومتميز

[مشتاقه للجنه]

يسسسسسسسسلمو
على الطرح الرائع
دائما تتحفونا بالجديد
ننتظر جديدك دائما
لك شششششكرى

[شعاع الاكوان]

يعطيكـ آآلف عآآفيه ,,
باقآت الورد
لقلبك ولروحكـ

[حكايه قلب]

رائعه هي اطروحاتك كروعتك ودائماً تأتينا بكل ما هو جميل ورائع
لك تحية من صميم قلبي

[مزيونه]

موضوع رائع ومميز
طرحت فابدعت دمت ودام عطائك
سلمت اناملك الذهبيه على ماخطته لنا
اعذب التحايا لك
لكـ خالص احترامي