في خاطري كلمة < ويمكن > تبكيك

**تعابير خجولهـ..** · 04-04-2010, 08:26 PM

وشلون ماأحبك ولا عدت مغليك
............... وانت الدوا لـ انسان دونك يعاني

وشلون رحت وكل صوتي يناديك
............... ياهيييه اسمعني ترى العمر فاني
ماقلت لك من قبل ماني مخليك
............... ياكيف تنساني ــ وقلبك نساني ؟
كتبت لك في صدر الايام ... ابغيك
............... وكتبت لي :.. خلاص غيرك خذاني
حتى جدار الصمت لو التفت فيك
............... بكيت من صمته .. وضيق الثواني
عشقت كل لحظات عمرك وماضيك
............... ومعك : عرفت ان الأماني .. أماني
وسويت لك في داخلي شي يرضيك
............... وان كان مايرضيك ؟؟ ... سويت ثاني
نزعت فرحت خاطري .. ليت تكفيك ؟
............... وزرعتها في داخلك .......... ماكفاني
ضحكت لك وآنا من الحزن أسليك
............... وحبست دمعي لجل أقدم حناني
وصديت وقت الضيق .. مابيك مابيك
............... تشوفني أضحك .. وأنا اللي أعاني
ياهـ الزمن تكفى - طلبتك - وأرجيك
............... لاتبخل بـــ وصل الحبيب الـ أناني
قد قلت له : مقدر أفارق وأحاتيك
............... وقد قلت له : هـ البعد ياما كواني
لكن حسافه كل صوتــن يطريك
............... ياما معا نفسي ذكرتك .... أغاني
بـ ايديك كل اللي حصل اييه بـ ايديك
............... بديت احسك شي ... خااارج زماني
ودامك زرعت انسان غيري بـ أراضيك
............... فـ أنا ماحب يكون غيري ..... مكاني
بـ تغيب ؟ غيب ولكن اسمع محاكيك
............... قبل السفن تنوي بــــــ هجر المواني
في خاطري كلمة < ويمكن > تبكيك
............... ابيك تسمعها / . دقايق عشاني
لو الزمن يعطيك - ماهوب معطيك
............... شخص يحطك بين عوج المحاني

**جبرني الوقت** · 04-04-2010, 09:50 PM

تعابير خجوله
لحروفك الماسيه جاذبيه تجيد ...
اعادتنا من جديد لهدر المعاني ...
المتربعه على سطرك .كليث يرابض بصحرائك...
ويقتات الخجـل من أحـرف مديحي...
خوفا الا يفي بايصال دهشتي لجمال حرفك...
كن كما انت فاانت المبدع دائما ...
تحيااتي لسموكـ ...

**تعابير خجولهـ..** · 04-04-2010, 10:01 PM

يسلموووو عالتوآآآآجد المميز والرآآآآئع ف صفحآآآآتي

**ــــــــ** · 05-04-2010, 03:12 AM

لو الزمن يعطيك - ماهوب معطيك
............... شخص يحطك بين عوج المحاني

آآآآآآآآآآآآآآآآآآآآآآآآآآآآآآآآآآآآآآآآآآآآآآآآه :55:
والله عذاااااااااااااااااااااااب الابيات
يعطيك الف عافيه يارب على الابداع المتواصل
تقبلي مروري 004

**غالية الاثمان** · 05-04-2010, 06:14 AM

لو الزمن يعطيك - ماهوب معطيك
............... شخص يحطك بين عوج المحاني

اليييييييييييييييييييييم البيت وربي ..
ابداااااااااااع وربي ..
الله يعطيك العااافيه ع القصيده الروعه ..

**محمودى** · 05-04-2010, 06:18 AM

نزعت فرحت خاطري .. ليت تكفيك ؟
............... وزرعتها في داخلك .......... ماكفاني
ضحكت لك وآنا من الحزن أسليك

تعابير خجولة

مشكورة يالغلا

على الخاطرة الجميلة والحزينة

دتِ ودام نزفكِ الرائع

مودتى وتقديرى