قصيدة وشاعر

[امير الجنون]

مساء الخير

تمر القصائد على مسامعنا

نتذوقها نستمتع بها

بكلماتها

تطربنا بعض الاحيان

ونحاول ان نسمك بحروفها

احيانا" اخرى

ربما لانعرف من كتبها

ولانعرف متى او اين كتبها

من هنا

جالت في راسي فكرة

ان نحتفظ هنا بقصائد جميله

نختارها جميعا"

ونكتب اسم شاعرها

لتكون كطيات الاوراق نقلبها متى نشاء

وسابدا" انا بالمشاركه


مودتي للجميع

[امير الجنون]

اذكرك ياعزوتي وابكـي عليـك
والوله عدى على اسوار الخجـل

كل يوم اجلس على الدرب احتريك
وانتظر يشرق سنـاك ولاحصـل

كان غيري باع قلبـي مشتريـك
انت وحدك بـس للخافـق امـل

عود لي ارجوووك يرحم والديـك
الغصن سهل انكسـاره لاذبـل..

ادري انك تدري اني ذبـت فيـك
وتدري ان الكون من دونك ملـل

وادري انك تدري اني يوم اجيـك
كنت بردااااان اطلبك دافي وصـل

وادري انه من قبل هذي وذيـك
تدري اني للمـوداع مـاحتمـل

طالبـك لقفيـت لاترفـع يديـك
واسـألـك بالله لاراح الـزعـل

اذكرن لاضاقـت الدنيـا عليـك
نادني لأحتجت واجيـك بـعجـل

لونساك الكـل قلبـي مانسيـك
ياقرب من الحرف وابعد من زحل




بدر الشمري

[امير الجنون]

شكواي لـ(اللي) عليه الضيق وإفراجه
اللي إذا شاء..يرحمني ويرزقني

أما أنت يا أبو جبين عقد حجاجه
لا عاد تسأل "علامك ما أنت طايقني؟"

الناس كل على دربه ومنهاجه
وأنا عن الناس ما به شي يفرقني

ألا أني دايم أحب الصدق وأواجه
مخلوق..والله على هـ(الوضع) خالقني

حتى رفيقي ضماد القلب وعلاجه
على كثر ما أتمسك فيه..صدقني

لو أدري أنه مرافقني على حاجة
لــ(أمسّكه" حاجته..وأقول"فارقني"


فهد المساعد

[امير الجنون]

ماقلت " احبك " ولا قد قلت " ماأحبك "
احب مالي عيوني " وانت تسواها "

لوتدري وش كثر تعنيلي تعرف انك
آخر أمل في حياتي وأول منــــاها

ياكثر احس ان بك منــي وبي منك
روح قسمها على شخصيــن مولاها

لاتقول شتحب فيني " أعشقك كلك "
من ليل شعرك لشمسك واخر اقصاها

سميتني نصفك الثاني وياشحك ...!!!
أنـا بسميك " كلــي وأنــت معنـاها "

تعبت اوديـــــك له يــاقلب ويـردك
لااخذ حلومي ولا خلاني انساها

كل الحمام استراح وناح في ظلك
والورد الأصفر سقته الروح من ماها

ليتك بعمري ثلاث اشخاص ماملك
واحد معي دوم و واحد روحي يـملاها

والثـالث " بجفن عينــي " لا فقد حسك
او غمض الجفن جاني فيــك يتباهى

مو بس احبك انا والله من احبــــك
" احب حتـــى ثرى الله اللي تاطاها

طلال الرشيــــــد

[امير الجنون]

][®][^][®][لـــــيـــــــه][®][^][®][

ليــه..؟؟!!

هذا هو اللي تبيه..اني ارحل من حياتك..

واشعل عيوني بـ ليه..!

بس خلاص..!!

هذا هو اللي قدرته وقدرك ربي عليه...؟

بذمتك هذا كلام ..؟

اني ارجع من جديد ..

ارجع افرش كل تعب عمري وانام..

زين لحظه.. لسألوني الناس وينك..؟

وان دروا ضحكه عيونك عن عيوني فارقت..

سافرت ردت لعينك.. بذمتك وش اقول..!!

قول..قول..

قول قول الله يخرب بيت بيتك.!

توني يادوبي بديت ..بعت عمري واشتريتك..

خطوه ..خطوه...واشتريتك

توني باطراف البدايه!

مدري وشلون انتهيت..

ياأخي حسّ ..والله عيب إللي تيبه..

إني ارحل من حياتك وأشعل عيوني بـ ليه..لا

لاجبينك شمس واحساسك مطر..

لاعيونك شوق وشعورك دفا..

جبت لك بإيدي ابتسامات العمر ..

ليه تكسرها على اطراف الشفا...

شوف.. شوف بعثرني احتياجي بالنظر..

شوف وجهي إمتلا منك بـ أفا ..!!

ما تجي منك ولكن يابشر:

منت اول من طعني بالجفا..

إبركتهن كل جروحي بالسهر..

ولا افكر من ورا قلبك شفا..

ولّ ياقلبك ما يجيب الا القهر ..

ولّ ياعمرك ماعرف طعم الوفا..

وإلا انا مثل النهر ابقى نهر..

من تحوسه ..ترجع تشوفه صفا..

فيني والله احساس لامنه ظهر..

يشعل ضلوعك اذا قلبك طغا..

هذا هو اللي تبيه ..؟ وهذا هو اللي قدرته؟؟

وقدرك ربي عليه ..بذمتك هذا كلام ..؟

اني ارجع من جديد..

ارجع افرش كل تعب عمري وانام..!!


وين اروح....؟!

شلون اجيب لقلبي المجروح روح !


هذا هو اللي تبيه....

من روائع ماكتبه الشاعر سالم سيار

[امير الجنون]

الله اللي راد والعقده قطعها اللي عقدها
لاعلى الدنيا سلام ولا لباقي العمر زينه
الفضا ماكنه الا خيمةٍ طاحت عمدها
والفرح ماكنه إلا شيخٍ أنقصت يدينه
والعمر قطعة زجاج انكسرت ولاطال امدها
والعرب في العيد بدموع اليتامى مستهينه
والشوارع لفها ثوب الظلام إللي هجدها
والبيوت اطلال من عقب المحبه والسكينه
والشتاء. والليل . والبرد . وسماء يصرخ رعدها
والعيون اللي ورا الشباك مذعوره حزينه
طوّلوا في الكهف الأصحاب وبقت روحي وحدها
كنها في كوكبٍ ثاني خلى من ساكنينه
وينها ليه اتركتني ليه ما جت في وعدها
والقمر لي طل خابرها تجي بيني وبينه
رحت انادي واتلمس في مهب الريح يدها
كني حصان بلا صاحب طوى البيدا حنينه
رحت اصيح الصبح وينه والعرب ما رد احدها
ما سمعت الا صدى صوتي يقول الصبح وينه
كنهم من يوم ذيك الشمس غابت عن بلدها
طلعوني في النفوذ وصكو ابواب المدينه
كنهم من يوم ذيك الذاهبه محدن وجدها
كل رجال من الشرهه قلع في الدرب عينه
اثرها ماتت وماتت كل فرحه في مهدها
والربيع اقفت به الي كانت التاج لجبينه
جاورت عقب الحدايد حفرة مقسى لحدها
حفرة ماني مصدق كيف ضمت ياسمينه
للحزن فيني مثل ما للطهاره في جسدها
ويش اسوي لا فتشت الي لها وسط الخزينه
زخرفت حلم وبنت له مسكن وسمت ولدها
اه لو غرت ولدها في خميلة والدينه
عاهدتني واطفرت يمين اقوى من عهدها
والسبيل لا خير فيه ان كان ما نفذ يمينه
ما تتقى عن رثاها عرق اكتض بشهدها
ولا تبقى خلف قضبان الجفن عذرا سجينه
كيف عند العالم ايام العزى ما احصى عددها
والا لا طالت شهوره والله اعلم كم سنينه
للثرى فيها نبات وللمشيخ افضل نكدها
بس ما فيها طيور ولا البحر يمه سفينه
للقمر هذا مساه وللعصي هذا رغدها
وللزهر هذا شذاه وللذهب هذا رنينه
قالو الشيخ الفلاني مرجع القوم وسندها
قال يبشر بالعوض والعلم جينا ناقلينه
ساقلك بدر البدور الي نشدها من نشدها
جادل هزت عروش خيبت روس ذهينه
قسمها في رسمها في جسمها الا في رشدها
واسمها انجال الغضب قومه على الالسن رطينه
اترك الناي وعطيت شيخينا غن من سعدها
وانبسط ياعم وانسى الي ورا التربه دفينه
قلت ولصدري تناهيت تروع من شهدها
اه ويلاه من يجلب على قلبي ضنينه
خلو اغلى ذاهبه ترعى ربيع الي فقدها
والعطى راعيه محدن صوبها الله لا يهينه
لو ضمنت الجنه تفاحة القلب وشهدها
قلت من بكره عسى مجنونها تاقف سنينه
الله الي راد والعقده قضاها الي عقدها
ولا على الدنيا سلام ولا لباقي العمر زينه


ناصر القحطاني

[امير الجنون]

يا قلب لا تحزن ولو طال ممشاي
خاو الصبر والاّ (التعب طبع دربي)

وش بك تحسب خطاي يا حادي خطاي ؟
الذنب ذنبك واصبح الكرب كربي

لو عشمك بالمجد واهدى لك الراي
الهاجس اللي مل طرحي وضربي

لا تاخذك ورديّة احلام دنياي
يكفيني اللي لمني وانتثر بي

والا سرى ليلك مع راعي الناي
الجرح غطّه كل ما هب غربي

كله عشان اذنٍ شفوقه لشكواي
وعيون حسادٍ تلد النظربي

ادنيت يمي قاصي همه ارضاي
وابعدت عني داني هان قربي

أضمى ولا ارجي حاسدي شربة الماي
لا قرّب الله من يد ال... شربي

حرام اعيش ولو شفع طيب مجناي
ان ما جعلت ادنى العرب يفتخربي

يا قلب توعدني بالامجاد يمناي
ويلوي ذراعي غيري اللي غدربي

وان راعتك ضلما على سكة مناي
قلت لقدم رجلي بلا قلب سربي


ناصر القحطاني

[امير الجنون]

بنادق مهجتي معبا فشقها والغلا نيــشان
..............................ابطـلق روحـي في قلب القصيد وانظم ابياته
ابذبح حزني من اقصى الشعور لاول الاخوان
................................واسيل عمرة وتشرب عيون العمر دمعاتـــه
وحيد ولا معي الى اخوي بداخلي غفـيان
................................تـرفرف ضحكته واطلق نعاس لصبح ضحــكاته
في بالي ارقد وادري حزين وبارد وشردان
.................................وانا انثر برده من فوق الخيال وجمر ســجاته
ينام..ينام واعقد بعين الاغاني جمرة التحنان
.................................ينام واعـقد بعــين البداية كل نهايـاتة
يدور القلب يتفتت ضلوعة يطحنه حرمـان
................................يجـوع القلب يحظني في جوعي واكل فـتاته
واطل من الالم احظن حياة الشارع الولهان
...............................يلملم حسرتي ويكسر وجودي بشوق اضائاتـه
تعبت تمليني طعون تصيب من خنجر الخلان
..............................تعبت استــنزف عيوني دمع لعـــين طـعناتـــه
ياخيي اقعد الدنيا رمت من تحتي النيران
..............................وهذا العـمر مايحمل بجوفي الا انـكساراتـه
ياخيي ليه تغيب ولية تتركني وانا شفقان
..............................في قـرم يقلب جبال الهموم في عزة ثـباته
اعرفة لاوصل كنه صقر من صفوة الويلان
...........................يكش جلد السما ان شـافت مخــــاليبة وهداته
رجال تربط حزام القبيلة وتنفلت شجعان
...........................وانا اخـوي يربط رجال القبيلة حزام هـقـواته
كريم ماهو من يبني فعيال صيته الديوان
..............................في صـدره دلته وهـيلة وفناجيلة وتمـراته
اذا كان الكرم حمس الهلا في مهجة الضيفان
.........................اخــوي من حمس قلبة لضيفه وصب فزعـاته
وكم تكف ورمت بين البشر ممزوعة الوجدان
........................اخـوي قـبل لاترمى علـية قـط نخـواته
حزين السيف بكفوف الاوادم طافي ذبلان
..........................بعد مانـام دم اللـي سقا فعله ومضـاته
ياخيي اقعد وقعد خضوع بداخل الشريان
.......................تنـام ولا بقى هم قطف من دمـي هـقواته
غريبة شلون يكسرك الغياب ويطربك نسيان
..........................ودفـتر جيتك ياخيي طوى من عمر صفحاته
يجيني وماادري ولكن اعرفه لاوصل جيعان
..........................قسم وان جانـي لانحرني لجوعه تحت خطواته
وصل زوله هذاك اللي وصل مايشبهه انسان
...........................هـذاك اللي وصل شايل عــذاب العمر واهـاته
جيت الحين ياخيي بعد ماشالتك امتان
.........................بعـد ماوقفـوا غسل الجسد عن كل نـزواته
ابد لاينغسل هذا الشهم مغسول بالفرسان
..........................اخـوي من غسل روح الجسد في طهر نياته
ايا دفان دخيل الله لاتدفن ايا دفان
.........................دخـيلك خلني ادفن في بالي جمر بسمـاته
وهب بسماته من هذا المكان لاخر الاحزان
.......................وانا اطحـن موته في جـوع الكلام واخبز سكاته
انام شلون؟لاصار الاخو جايع وانا شبعان
......................اخـوي اللي كـسر قلبه لجوعه وجاع لحظاته
اخوي اللي يمزمزني معاليقة اذا عطشان
......................اخـوي اللي ثنا عمره من اجل اطلع مسافـاته
يدين القبر ضميني وسط حزن الاخو نعسان
..........................اه ابرقـد دام لي قلـب دفن وياه نبضاته
اكيد انه وسط قبره سمع طق الخطاوي الان
.......................الا ياليت انا المـدفون واسمع طـق خطواته



سالم سيار

[امير الجنون]

أمي من يوم ولدتني تضحيات فتضحيات
شي أشوفه وشي احسه وشي ماعنه دريت
يالله انك ترحم امي فالحياة وفالممات
وما تخليها فحاجه دامني فارضك بقيت


لو يقولوا في هدية لصاحبة أجمل صفات
كان فازت فيها امي هقوة وحدة هقيت
مانستني من دعاها كل ما تنوي صلاة
والله لو تطلب عيوني ما بخلت ولا بطيت


ياالآهي كان عندك كلتب فعمري بقاة
ليت امي تهتنيبه وانا ماعمري حييت
من شمال ومن جنوب وغرب في كل الجهات
حد يعادل ظفر امي في غلاها مالقيت


شفتها مره حزينه تدعي الله بعبرات
قلت مامن شر يامي يابعد كل من فديت
قالت استودعتك اللي مايضيّع مودعات
قلت باذن الله راجع يعل منك لاخليت


جنتي فاقدامك امي لا؛ ولي فيها نجاة
هذا تفسير اني شبرٍ لا وطيتي به هويت
لو بغيت اوصف غلاتك يللي مامنها غلاة
مابوفي في قصيدي لوحكيت ولو حكيت


العشر ماظني يوصل من جميع التضحيات
لك عيوني ياعيوني لو عطيتك مل عطيت
مالي عقب رضاك عني من سعادة ومن غناة
لورضيتي عني انتي بس يكفيني رضيت


مرجعي في كل اموري حتى منها المعضلات
يللي الدمعة مسحتي من عيوني لو بكيت
تسهر بجنبي ليالي لوسهيرٍ ما ابات
والأرق يسهرها حتى لو انا عنها غفيت


علمتنا كيف دنيانا تقيمها الصلاة
وانه محّد مثل ربي سامعني لودعيت
واني مانزل جبيني حتى لو فالنايبات
وماترجى غير ربي لو تمنيت ورجيت


وانه ربي بيتقبل مني بس الطيبات
وانه ربي عارفني لو اطيع ولو عصيت
حببتنا فالرسول وفالامور الصالحات
وفالصراط المستقيم اللي على نهجه مشيت


علمتني فالمصايب كيف اواجهها بثبات
واني ما بوصل مرادي لوانا بس قلت ليت
وعلمتني ماتشكّى لابن آدم مشكلات
وانه ربي هوعزيزٍ لو انا العزّة بغيت


وقالت الدنيا ياجاسم شي ممزوج بحلاة
لايحزنك لو خذت ولايغرك لوخذيت
والظلم دايم ياجاسم صاحبه فالمظلمات
وقالت الشيطان شاطر بس تحذر ماقويت
وقالت بحبي ورضايه لاتهاون فالصلاة
واقرا م المصحف لأنه أفود اللي به قريت


يكبر بقلبي غلاها دام راسي فالحياة
يعل ربي لابقاني لو لحق أمي نسيت
يكفي من يوم ولدتني تضحيات فتضحيات
شي أشوفه،وشي احسه،وشي ماعنه دريت


جاسم الحمادي

[امير الجنون]

وجع حب وجع شعر وجع شوق وجع ضيقــــة
على كيفك وهاك اختار هذي سـلة أوجاعـي

غلا واسمع نزيف الجرح كلام الصمت ما طيقه
انا محتاج أسولف لك عن أول وآخر أوضاعـــي

وابد لا يجرحك صوتي حياة الــطير تحلـيـقه
عليك الله يــصـير الكون والمسباق والداعـــي

أنا أصدق طير بالدنيا عشق حتى مسابيقه
ولكني بديت أذكر مـعاك أيام مرباعــي

تعال أفتح كفوفك حلم.. وأمـوت بيوم تحقيـقـه
تعال أرسم بحور الشعر..وكسر لو تبي شراعي

تعبت أفتش بدفتر وأحس بحزن تطبيقه
دخيلك غمض عيوني وخل الشوق لصباعي

أبي غيم سرق ربعي ودللـهـم بتشريقـــه
أكون أول بشر مجنون تزوره بالعطش قاعــي

حتى لو وهم تكفى أبي أتوهم بـتصـديـقه
أبي ذات أبي مولد يوازي صرخة الناعــــي

أحس بداخلي عالم حرام أكتم مـخاليقــه
حرام أسكت وأنا صوتي نذر وجهه لاتباعـي

تغرب بي قوافل موت اقول العمر تشريقــــه
أعيش بشبه غيبوبه وأعرف ان الزمن واعـــــي

أكمل لك وجع خوف ووجع فقر ووجع ضيقـــة
وعلى كيفك ترتبني حلالك بالغلا أوجــــاعي


سليمان المانع

[امير الجنون]

عــز القـصـيد وزاعـلـتـنى حـروفـه
من يوم غاب اللي قصيدي ... مهاويه

غـابت به الـدنـيـا وخـلـت طـيـوفه
عـزي ... لـمـن مـثـلى زمـانـه يعاديه

عقب الـملاقـي بـس بالـقـلـب اشـوفه
وعـقـب الـمـناجي ... بس بالـفكر انـاجيه

كـلامـي وشـوفي لغيره ... حـسوفه
مـن غـيـره يـخـاوي غريبي واخـاويـه

يالـوعه الـمـشـتاق تصفق كـفـوفــه
لين الـتـفـت مـاشـاف بالـدار غــالــيه

كـن الـعـيون بكل شــيــن محذوفـــه
والـقـلب كـن جموع ... الأيام تـرمـيـه

تسابقـنــي من زمــاني ســيوفــه
تــجــرح مــرادي .. في حـياتي وترمــيه

ياعـونـه الرحـمـن ... ويـن الـنكـوفـه
لـيـن انـتـحي ... الـخـفاق وش عـاد يثنيه

مارحت ادور عـــنـد خــلــى مــروفـــه
مــايرحــم ... الا الله فــلا شـك مـغـلـيـه


دايــم الـسـيـف

[امير الجنون]

لليل أحبك .. مابقى في السما نور
والى ضواني الليل .. للصبح أحبك
واللحظة اللي كلها صد وغرور
اشوف قبري بين عينك وقلبك
في صدري اسراجٍ حزين ومكسور
رغم المطر والريح ... شلته افدربك
والله مابه غير لوعاتي قصور
وخوفي عليك الله ربي ..وربك
إلى متى ببني على صمتك جسور
لاحيرتني اسباب سلمك وحربك
العمر احبك... مابقي فينى شعور
ومتى جفاني العمر ... وشلون أحبك

بدر بن عبدالمحسن

[امير الجنون]

مـا درت عـن حبهـا ياليتهـا تــدري
ليتهـا ياليتـهـا لــو قــدرت مــره

ان قلبي من كثر شوقـي مـلا صـدري
وان صدري من كبر قلبـي نفـذ صبـره

من ( صباح الخير ) لين الشمس ما تسري
ومن ( مساء الخير ) لين نصير في بكـره

والغلا في داخلـي مثـل النهـر يجـري
ليتهـا تـدري بغلاهـا داخلـي شكـثـره

هي تحسب اني طلبت الشهـره بشعـري
والله ان حبـي لهـا نسـانـي الشـهـره

من يقول ان الشعر بيزيـد مـن قـدري
بس انا شعـري لهـا بيزيـد مـن قـدره

ليتغزلـت بحلاهـا يصطفـق بـحـري
والقصيد يروق لي في عجـزه و صـدره

وان بديت الوصف دوم اختار في امـري
م الجبين او م العيون او أ وصـف الغـره

والخدود اللـي مـن الله لونهـا زهـري
وفمها مـن زود زينـه زاد فـي صغـره

مشيهـا لـو هـو فتنـي والله بـعـذري
قدهـا الميـاس يشبـه ميـلـة الـزهـره

كل شي فيهـا مـن الله خلقتـه مغـري
وقلبهـا خيـره يغطـي دايـمـاُ شــره

العطرهـو يشتريهـا لـو نـوت تشـري
وردة ٍ والـورد دايـم يعـرف بعـطـره

هي هواي وهي بعد لي قلبـي وعمـري
وابتسامـة خاطـري لـو خانـت العبـره

ليتها تدري عن اللي يدور فـي صـدري
وليتهـا تـدري بغلاهـا داخلـي شكثـره

فيصل اليامي

[امير الجنون]

راسي يبيله برج ايفل يطوله
لاصرت فوق البرج لقيت راسي

لا تحسب اني بنت عجله جفوله
ارعب انا دنيا نوت بفتراسي

ياهيه لي بالطيب صوله وجوله
سود الليالي ماثنت قو باسي

الروح من كثر المواجع ملوله
والشعر صغته من جروح وماسي

من مسرح أفكارة ونشوة خيوله
تخيل أنه بالخديعه يواسي

لي مـوقـفً واحد ولي الف صوله
وتاريخـك اللي يذكرونه مراسي

في مرقبً ياصعب والله وصوله
ولا كل طيحات الزمان امتواسي

ماكل قولً واجب انك تقوله
والناس ماهي بالطبايع سواسي

الطيب موقف والمعاني رسوله
وقمة شموخي بددت ليل ياسي

شوف الانوثه لاكساها رجوله
مليون مثلك مايجيبون راسي

وكأنك تمثل بالقصايد بطوله
أنا ورثته عن أبويه وناسي


سحايب العازمية

[امير الجنون]

عساك بخير..

وش اول واخر جروحك..

وش اخر واول فراقي..

يقولوا من المسا تلملم بقايا نبرتي وتروح..

على اول ذكرى بالشارع..

نسينا كل سوالفنا عليه و كل مواجعنا..

وصرنا فيه ندورنا..

ندور من ملامحنا ملامحنا..

تشتتنا تشردنا..

الين انا ندور في وجيه الناس..

تصور..

ولا قطره بوجيه الناس تشبهنا وتشربنا..

وارد ضاميك..

وبعد مثلي ترد ضامي..

واقول ان المسا كاسك..

واصب عيوني لإحساسك..

وانا اتكسر..

مع كل اغنيه تفتح هدبها والمح عيونك..

يا عون الله تلاقينا..

تصور..

بأغانينا تلاقنيا..

عساك بخير..

وش أول واخر جروحك؟؟

وش آخر وأول فراقي؟؟

يقولوا من المسا تلملم بقايا قمرتي وتموت..

نسيت أسأل ؟؟

صحيح تمووت ؟؟؟!


سالم سيار