ياقلب جيتك وافهم العلم ياقلــــــــــــب
اللي تحبه يموت في حب غيــــــــــرك
*****


كم قلتلك ياقلب خله على جنــــــــــــب
يمكن مسيرة ما يستوي مع مسيـــرك
*****


الدرب واضح بس لا تجهل الــــــدرب
اللي يحبك دايمٍ يستشيـــــــــــــــــــرك
*****


ما هو مثل صاحبك عايش على الكذب
وان ماكذب.. يموت الله يجيـــــــــــرك
*****


تبي الصراحه مالك ومال هالقـــــــــرب
ماهو كفو شرواه يصبح عشيــــــــــرك
*****


انا ادري انه ترف وصغيــــــــــر وذرب
لكن مصيره يختلف عن مصيـــــــــــرك
*****


لا تحسبن السالفه كلها لعـــــــــــــــــــب
اصحى معي عشان يصحى ضميـــــــرك
*****


اللي تحبه صعبه شوي ينحــــــــــــــــــب
قله:يروح وكثر الله خيـــــــــــــــــــــــرك
*****


تدري وش اللي يذبح القلب ياقلــــــب؟؟؟
إنك تحب انسان وهو يحب غيـــــــــــــرك