السلام عليكم ورحمة الله وبركاته
شخباركم ,, عساكم طيبين ؟؟
الموضوع مهم
لأنه يخص الجنسين ( البنات و الشباب )
أنتو عارفين أن مافي انسان كامل بس فيه ناس مميزين بأشياء بأعمال أو حتى بصفات تخليهم يقدرون يعيشون حياتهم مثل الباقين
حتى لو فيهم نقص أو عيب خَلقي
هذا هو موضوعي
الانسان لما يكون فيه عيب خَلقي ,, مو من حقه يعيش ؟
مو من حقه يعيش بدون نظرات الشفقه اللي تجي من الناس اللي من حوله ؟؟
كل السالفه أن ربي خلقه كذا لحكمه
و يمكن تكون هالحكمه فيها مصلحه للمجتمع
بس الناس هالايام الناس بهالجيل ما يشوفون الا الظاهر و بس
لا تقولون لا
الا هذا اللي أنا أشوفه
صحيح أن الظاهر مهم و يعكس شخصية الانسان من داخله
بس هذا مو معناه كل شي
المهم
بجيب لكم مثال :
لو وحده فيها عيب خَلقي
العيب الخَلقي هذا مو باين للناس << يعني مو عرجاء أو عينها فيها حول لاااااا
العيب الخَلقي اللي فيها مخفي , مثل : تتلعثم في الكلام
عيب بلسانها
رايكم ....
تقدر تتزوج ؟؟
تقدر تتوظف ؟؟
تقدر على الأقل .. تدرس ؟
بغض النظر عن نظرة الناس لها و استحقارهم و شفقتهم عليها
بالمختصر ...
تقدر تعيش مثل باقي الخلق ؟؟
و نفس الكلام للرجل ..
يقدر يتزوج إذا هو يتلعثم ؟ بيلقى له شريكة الحياة اللي ترضى فيه كما هو ؟
يتلعثم = يتأتأ بالكلام
يقدر يتوظف أو تقبل فيه أي جهه حكوميه توظفه أو أي شركه أو مؤسسه ؟
بيقدر يدرس و يجيب معدل يرفع راس أهله ؟
والي خلاني اكتب الموضوع ( عندنا بالجامعه كثير فيهم عيب خلقي والحمدلله انه اشوفهم رافعين راسهم ويجاهدون ولا عليهم من احد .. بس مرات نظرات الناس تجرح )
وهم وياي شخص بالدوام فيه هالعيب الي ذكرته فوق ان يتأتأ بس اخلاقة واسلوبه وتعامله يغطي على هالشي كله وبعدين يمكن يكون هالشي حلو مميز مع انه عيب خلقي بس ان في شي يميزه عن غيره
باب النقاش مفتوح
المفضلات