أوآآآه من دمعه تمادت بالأهداب,,
طاحت مواجعها على أطراف منديل..
 الجرح كافر والألم يطرق الباب,,
والحزن يجتاح السهر بالمواويل ..
 يعني كذا غيم المواعيد كذاب ,,
يقسى على جفنٍ شكى هدةالحيل ..
 ذبلت على شفاة التعب صرخة عتاب ,,
ليه انكسر حلمي على مسرح الليل ؟!
 واليا اجتمعنا بالصدف (نصفنا غاب) ,,
 كنا على موعد لقانا تماثيل..
 شف ساعتي تتنفس بـ صبح غيّاب ,,
تحضن جفافك.. غيبتك.. والتفاصيل ..
 كنا حبايب وانتهى الوقت بـ أغراب,,
ماعاد يغرينا المسا والقناديل ..