قصة النهاردة قصة خيالية جدا ........هدفها ببساطة اننا نعرف الاطفال اهمية و فوائد الاجهزة الكهربائية في حياتنا ......😃😃😃
حدوتة النهاردة ...( الثلاجة جوجو )
كان يا ما كان ......كان في زمان .......😃😃😃 بيت جميل عايش فيه أسرة صغيرة فيها الام و الأب و اولادهم بنت وولد ........ 😊😊😊 و كان البيت الجميل دة فيه ثلاجه اسمها جوجو و بوتجاز اسمه زوزو و تليفزيون اسمه تي تي و غسالة اسمها سوسو ..........😉😉😉
و في يوم من الايام كانت الاسرة دي مسافرة اسبوع مصيف .......و اول ما اخدوا الشنط بتاعتهم و خروجوا و قفلوا الباب .....🚪🚪🚪 صرخ التليفزيون تي تي و قعد يتنطط هييييه هيييييه اخيرا ........📺📺📺📺 هاخد اسبوع اجازة و راحه ............مش مصدق نفسي .......بصيتلوا الثلاجة جوجو و قالتلوا ماشي يا عم تي تي يا بختك ........ لانهم شالوا الفيشة بتاعتك قبل ما يسافروا ....📺📺📺
لكن انا للاسف مش هرتاح و لا يوم واحد حتي ...مش اسبوع زيك ........😃😃😃 راحت الغسالة سوسو و البوتجاز زوزو قعدوا يغيظوا الثلاجه جوجو ........و يقولولها و احنا كمان هناخد اجازة و راحه لمدة اسبوع 😃😃😃 ......يعني مفيش شغل و لا تعب هنام و نلعب و نرتاح حبة بقي 😜😜😜
اتضايقت منهم الثلاجة جوجو اوووي و قالتلهم علي فكرة ........انتوا كلكم اخدتوا اجازة و انا الوحيدة اللي سابوني شغالة ........ لاني اهم جهاز في البيت دة ......🏠🏠🏠..و اصحاب البيت ميقدروش يستغنوا عني .....حتي و هما مسافرين و مش موجودين في البيت ......😝😝😝 لكن انتوا يقدورا يستغنوا عنكوا طبعا .
اتغاظ البوتجاز زوزو و قالها ........لا علي فكرة .......انا اهم جهاز في البيت دة ......😡😡😡 و اصحاب البيت ميقدروش يستغنوا عني ....
لان انا اللي بسوي و بسخن الاكل بتاعهم .......يعني من غيري مش هيعرفوا يأكلوا اكل سخن و مستوي و لذيذ .........يعني هما مثلا ممكن يأكلوا سمك او لحمة او الفراخ و هي مش
مستوية ....🍮🍨🍧🍡🍢🍡🍨
ردت جوجو و قالتلوا ........يا سلام .....علي فكرة و من غيري انا مكنوش هيعرفوا يحافظوا علي الاكل بتاعهم دة ........😉😉😉😉 لان انا اللي بثلج لهم الفراخ و اللحمة و السمك اللي بتقول عليه ............😊😊😊 و انا اللي بسقع لهم الماية اللي بيشربوها في الصيف و بتخفف عليهم الحر ......و اي اكل او فاكهه بيخافوا عليها انها تبوظ بيحطوا فيا علشان احفظهالهم .....😏😏😏
...ومن غيري كان الاكل بتاعهم باظ و هيترمي في الباسكت .....😉😉....بصيلها التليفزيون تي تي و قالها ......يعني انتي يا جوجو و انت يا زوزو كل واحد فيكوا شايف نفسه اهم جهاز في البيت دة 😂😂😂. اومال انا ابقي ايه بقي 📺📺📺 هو انتوا مش واخدين بالكوا و لا ايه .......
انا اصحاب البيت بيشغلوني من ساعه ما بيصحوا لحد ما يناموا ........و الاطفال بيحبوني جدا و بيتفرجوا فيا علي الكارتون و اغاني الاطفال اللي بيحبوها جدا 😃😃😃 و كمان الكبار بيتابعوا المسلسلات و البرامج و الاخبار اللي بتحصل في كل الدنيا علي الشاشة بتاعتي انا 😅😅😅😅
ردت الثلاجه جوجو و قالتلوا هههههه بأمارة انهم بيبقوا مشغالينك و ماسكين التاب اوالموبايل و بيلعبوا عليه و مش مركزين معاك اصلا ههههههه😜😜😜😜
بصت لهم الغسالة سوسو و قالت لهم ........لا و الله كل واحد فاكر نفسه اهم جهاز في البيت و نسيتوني انا خالص 😃😃😃
رد البوتجاز زوزو و قالها هههههه انتي بتشتغلي مرة و لا مرتين في الاسبوع و بتقعدي ترتاحي باقي الاسبوع .......لكن احنا بنشتغل كل يوم 😃😃😃 قالتلوا سوسو بس دوري مهم جدا ........لاني انا الي بغسلهم هدومهم وانظفهالهم ........يادوب بيحطولي المسحوق و انا بغسل الملابس و اشطوفها و اعصرها كمان ...ّّ...و من غيري اصحاب البيت كانوا مش هيعرفوا يلبسوا ملابس نظيفة و ريحتها جميلة .....👗👚👘🎽👖👔👕.
ردت الثلاجه جوجو و قالتلهم .....خلاص خلاص احنا كدة هنتخانق مع بعض 😱😱😱 انا عندي فكرة حلوة اوي .......احنا نستني لحد الاسبوع ما يخلص و اصحاب البيت يرجعوا ........و نشوف من اول جهاز فينا هيجروا عليه و يستخدموه اول ما يدخلوا من باب البيت 🏠🏠🏠.
وافقت الاجهزة علي فكرة جوجو ........و بعد الاسبوع ما خلص .......😔😔😔😔 و اصحاب البيت رجعوا ..........و كانت بقي المفاجأة ........اول ما دخلوا اصحاب .......😉😉😉
راح الاب علي الثلاجة بسرعه و فتحها اصلوا كان عطشان جدا و عايز يشرب ماية ساقعه ........🍷🍷🍷 و راحت الام بسرعه علي البوتجاز علشان تشغلوا و تسخن عليه الاكل بسرعه ........لانهم كانوا راجعين من السفر جعانين جدا ........🍨🍨🍨🍡🍡🍡.
و جريت البنت علي الغسالة بسرعه و حطيت فيها الملابس اللي كانت معاهم في المصيف علشان مامتها تشغلها بسرعه ....... 😱😱😱 لان كلها لبسوها هناك و مبقتش نظيفة خالص....
اما الولد جري علي التليفزيون و شغله بسرعه علشان يلحق معاد الكارتون بتاعه اللي بيحبه و يتفرج عليه قبل ما يخلص 😊😊😊. كل دة حصل في نفس الوقت
الاربع اجهزة بصوا لبعض و كانوا مكسوفين من بعض اوووي ......😖😖😖 لما اكتشفوا انهم كلهم مهمين زي بعض .......مفيش حد اهم من حد ....😂😂😂😂 و ان لكل جهاز فيهم دور مهم بيقوم بيه في كل بيت ...👍👍👍 يعني بيكملوا بعض .
و توتة توتة خلصت الحدوته
تأليف وكتابه /شيماء عبد العال
خلوا اولادكم يجوبوا علي الاسئله
1_التليفزيون اسمه جوجو (❎▫✔)
2_الغساله اهم جهاز من الاجهزه الكهربائيه الموجود في البيت(❎▫✔)
3_مين صاحب فكره انهم يستنوا الاسبوع لما يخلص ويشوفوا مين اهم واحد?
4_هل كل الاجهزه مهم في حياتنا ولا ?