لزآنيا ..

[منارالكون]

اللزآنيا ..






~
,
~

المقـآدير :..

الطبقة الاولى..

مكرونة اللزانيا..

الطبقة الثانيه..( الحشو )

- بصلتين..
-3 فصات ثوم ..
- فلفل حار ..
- فلفل رومي ملون ( اصفر , اخضر, احمر)
-حبتين طماط..
- لحم مفروم ..
- زيت الزيتون ..
- بقدونس + نعناع+ كزبرة+الشبت..
- حبة ونص ماجي ( او حبتين ع كيفج )
- ترومين تستخدمين الاعشاب اليابسه .. بس لاتزودين ..انا احط الاوريغانو..

الطبقة الثالثه ( حشو الباشميل)

- 3 قفشات زبده ..
- قفشتين ونص طحين ابيض..
- كوب حليب
- 4 حبات بن كيري ..
- جبن مشور ..
- ملح وفلفل ابيض..


الطريقة ..

اولا
..تترسين القدر بماي وشوية زيت زيتون وملح ..
يوم يسخن الماي حطي مكرونة اللزانيا .. تقريبا 6 دقايق يوم تحسين انه نضي ..
وعقب تيبين قدر ثاني وتترسينه ماي بارد وثلج ويوم تظهرين اللزانيا من الماي الحار حطيها بالبارد..


ثانيا نيي للحشو ..

تحطين زيت زيتون ع المقلى ويوم يسخن حطي البصل والثوم والفلفل ويا بعض .. خليهم يتحمسون..
عقب حطي اللفلفل الرومي وخليه شوي وبعدين حطي اللحم المفروم .. قصري النار وخليهم ربع ساعه او اقل .. وكل شوي قلبي الخلطه ..
بعدين حطي الطماطتين بقدر ماي ويوم يغلى الماي قشريهم وحطيهم بالخلاط وحطي فوقهم شوي ماي وزيت الزيتون وصلصلة طماط..
احينه حطي خلطه الطمام فوق خلطة اللحم وقلبي شوي شوي ..
بعدين حطي الماجي والاعشاب .. وترومين تحطين فلفل اسود واحمر ع مزآجج .
وذرة سكر .. تحملي تحطين فنيال ..
وبالاخير قصي النعاع , البقدونس , الكزبرة والشبت ويا بعض ورشي فوق الصلصلة ..وبس

ثالثاً..

طريقة الباشميل ..

ترومين تستخدمين الجاهز اللي يبعونها بكياس مآجي او انج انتي تسوينها بنفسج..
والطريقة كالتالي ..
تحطين ثلاث قفشات زبده بالقدر وتحركينهم عقب تحطين قفشتين ونص طحين ابيض وتحركينهم عدل تحملي لا يحترق عليج .. فحاولي تقصرين ع النار ..
عقب تحطين كوب حليب و4 حبات جبن الكيري وشوية من جبن المبشور.. وفلفل ابيض وملح ..
وتحركينه عدل .. لين ماتحسينه غلظ بندي النار ..


الطريقة الاخيرة ..

يبي صحن بايركس .. وحطي طبقة مكرونة اللزانيا + عقب حشوة اللحم مفروم + وفوقة صلصلة البشميل حاولي تمددينهم ورشي فوقهم جبن مبشور ..
حطي مره ثانيه طبقة مكرونة اللزانيا + عقب حشوة اللحم مفروم + وفوقة صلصلة البشميل حاولي تمددينهم ورشي فوقهم جبن مبشور ..
واخر شي حطي طبقة من المكرونة اللزانيا وصلصلة باشميل وجبن مبشور فقط ..
ودخليه الفرن لين ماتحمر شوي وعقب ظهريها

[بنت المدينهـ|~]

شكلها مششششششششهي مررررره


يعطيك العافيه

ودي

[منارالكون]

قوافل ورد تغلف شكري لكِ
على تواصلكِ الرائع
والله لا يحرمني من تواجدكِ الدائم
تحيتي والورد