هقولكم علي اداه في التربيه الايجابيه اسمها
خفه الدم 😂
اه والله 😄
الاداه دي تربويه جدا وبتساعدني جدا في اني اخرج الضغوط اللي جوايا من غير ما انكد عليهم 🎈🎈🎈🎈🎈 مثلا ولادك عمالين يتأمروا علي الغدا ويقولولك اعمليلنا ملوخيه بالفراخ وهما شايفينك بتحمري البانيه 😂
بدل حرام عليكم كلوا اللي بعمله الواحد ناقص يولع في روحه
اقلبيها هزار
مطعم الامهات يقدم البانيه هذا اليوم وسوف نقوم بزغزغه المعترض حتي يقول بحبك يا سوسو 😂
لما تلاقيهم عمالين يحاسبوكي علي حاجه نسيتها
بدل قدروني واشكروني ومتكلمونيش كده
اقلبيها هزار
بصيلهم أكنك دايخه وقولي بتحاسبوني وانا في عز شبابي قولوا ورايا
شكرًا شكرًا شكرًا شكرًا يا امي😂😂
واقعدوا غنوا واضحكوا
لما تبقي عماله تندهي ومحدش بيرد عليكي
بدل صوتي أتنبح حرام عليكو الجو حر ارحموني😥
اقلبيها هزار وقولي
اللي مردش عليا يجي فورا عشان يتقاله توت في ودنه لن تهربوا من قبضه يدي 😂
الخلاصه الجو حر
محتاجين شويه طراوة 😂
هيكبروا اسرع مما نتخيل وهيوحشنا اوي ضحكهم اللي من القلب وبقهم وسنانهم الصغيره
Enjoy your kids 😊😊
#عضوهم هم 😂