ليه الحزن يسكن مداين سكونك .؟ . . .وليه بحديثك هم..ياكاظم الحرف
وليه المواجع بارق ٍ شق كونك . . .لمعه سحابه والسمآ اسود الطرف
تبغى الصدق ماشفت دمعة عيونك . . .لكني اعرف وش ورا حابس الذرف
ان كان ظنك اقدر احيآ بدونك . . .ماجاد بك من ظن خرف ٍ على خرف
انا مكبل من طهورك للونك . . . ياكاسب الثنتين .! ماللجفى عرف
اذكرك وان فكرت مره اخونك . . .اسلى مع طيفك اذا باعد ٍ ظرف
واخبرك .. واتناسى اذا يذكرونك . . .وابخل بهرجي مير في داخلي صرف
صرف ٍ من ابياتي يليق بلحونك . . .الين يجرفني الشعر عندكم جرف
واقوللك ..اهواك واكره سكونك . . . سولف وخل الاه يالاكن بالحرف .!
المفضلات