ضيفنا على كرسي الاعتراف سمو المشاعر

**سمو المشاعر** · 03-04-2010, 04:42 PM

بسـم اللـه ^_^

عبااره دايم نسمعها (الطيب ماله مكان بالدنيا ) شتفسيرك وهل صدق هالشي ؟؟؟
عباره خاطئه فالطيبه صفه مطلوبه
ولكن اهم شئ ماتصل الى درجة السذاجه
لو كنت عازم ربعك بمطعم فخم حيل وتعشيتوا طبعا بالعافيه يارب عليكم وصار وقت الحساب واكتشفت ان الحساب مو نفس المبلغ اللي عندك طبعا زياده حييل شتسوي؟؟
مطعم فخم يعني فيه شبكة
ماعندي مشكله الله يخلي بطاقات الصراف

لو انك امير (طبعا انت امير باخلاقك) شنو راح تصدر قانون تحسه بيعدل الديره ؟؟
عدم تعين المعلمات بالمناطق النائيه

طلعلك مارد الفانوس وقالك تمني 3 امنيات شنو راح تكون هالامنيات ؟؟
الصحه...العافيه...الستر

لمن تعطي هذه المسميات :-مع ذكر الاسباب؟

القلم الذهبي :دلوعه بكيفي>>> نشاط مستمر
مكنسه :لايوجد احد
شهاده تقدير:هيبة ملك >>>لاسلوبه الراقي
ورده حمراء كافي جروح >>>لانها وردة المنتدى
ورده بيضاء:كافي جروح>>> عشان تحطها جنب لحمراء وتسوي تشكيله
ورقه بيضاء :لكل عضو >>>ابيه يكتب رايه بكل صراحه بسمو المشاعر ويرسله على الخاص

ما هي سلبيات المنتدى برايك ؟. وكيف يمكن تجاوزها ؟
دخول بعض الاعضاء وعدم المشاركه بمواضيع تفيد المنتدى وكل همهم يدورن رفع عدد المشاركات والحل يكون من داخل انفسهم قبل ان تكون هناك قوانين تحكمهم

تحب البنت الغيوره او اللي ما تهمه؟ وليش؟
الغيوره تحسسك بحبها

شنو تفضل البنت الغبيه ام البنت الذكيه؟ وليش؟
الذكيه لكن مو اللي تستغفل وتسوي استهبال

تفضل البنت العصبيه واللي ما تتفاهم ولا البارده والقنوعه؟ وليش؟
لا للاثنتين لان حلاوة البنت بهدوئها وروعتها بنشاطها

الغيره والحسد بين الحريم اكثر ولا بين الرجآجيل؟
الحريم وبنسبة مليون بالميه
ايش رايك فيني ؟؟
بصراحه احتكاكي فيك قليل ومااقدر احكم عليك ولكن من سوال الاعضاء عنك فترة غيابك حسيت انك محبوبه ولك مكانه
نصيحه تقدمهااا لي ؟؟:18:
لا ترجعي تسالي فتروحي ضحيه موضوع قادم للساحه قريبا

شنو تعنيلك

(1)دمعة الطفل:قهر
(2)دمعة المراه:الم
(3)دمعة الرجل:ذل

لو بتغير نك نيمك شنو بيكون ؟
هدوء البحر

متى تكـــون حنـــون ؟
صفة لا تفارقني

ومتى تكـــون قـــاسي ؟
عند الخطا

شنو اهي اصعب كلمه قلتها؟
مع السلامه

من هو الشخص إللي تكون ضعيف قدامه؟
مشاعري

شنو رايك بالحريم اللي يحطون مكياج زيادة عن اللزوم؟
ياشين السرج على البقره

اكتب لي اخر ثلاث مسجات وصلو لك
كول مي
مرني باداوم معك
كلمني شكرا

اخر ثلاث مسجات آرسلتـهم
باتصل بعد نص ساعه
بينا اتصال على الساعه3 ونص
مشغول عندي محاضره

اخر ثلاث مكالمات صادره
راضي
ام تركي
ماجد علي
واخر ثلاث مكالمات وارده
ابو شهد
ام تركي
راضي

واخر ثلاث مكالمات لم يرد عليها
راضي
ماجد علي
ام تركي

اكتب لي بيت شعر عجبك؟
مرتاح احبك ولا علمت حتى انت عيت ابين لك
اكتب لنا قصيده عجبتك وتهديها لمنو ؟
حبيبتي قصيدها ماتكفيها يمكن ديوان وحقها ماعطيها

امم
ابي اكتب لك كـم مسج وآرسلهم للاعضاء الي تبيهم

من راح من كيفه وكيفه يوديه .. خله على كيفه وكيفه يجيبه اللي يصد وهاقي اني بناديه .. اقطع لساني لو لساني يحكيبه الموت ارحمله فلاني طبيبه

لا يوجد احد
شخص تلاشى صـورته
(( بعد فرقاه ))
اللي مايلفت النظر
وشخص تموت بصورته
(( ما نســـــيته ))
اعوذبالله ن الموت>>>>>>>تصريفه
وشخص تباشر بالمطر
(( يوم تلقاه ))
ولو في يدك تعطيه
>>>> عــمــرك<<<<
(( عطيته ))

العضو اللي كان سببب وجودي هنا

بعض المواقف تجي وتروح ماتبقى...وبعض المواقف صداها بالعمر
باقي...ياصاحبي لامعي تتعب ولاتشقى...يتبدل الوقت واخلاقي هي
اخلاقي...إن جيت"أرحب"واذاما جيتني"تبقى...انت اكثر انسان عزيته من اعماقي".

خيالي

أناالجـــنون بحد ذاته وصلته٠
أصل الجـــنون هيام عاشق بمعشوق٠٠
إحساس لك في داخلي لووصفته٠
يعجز لساني مايعــبر بمنطوق٠٠
وتبي الحقيــقه آخر الحب خفته٠
؟؟
خـوفي من الله لاأعبدك وأنت مخلوق.

استغفر الله العظيم

" ماللعمر في بعض الأيام قيمة.."
" لاغاب عنك من تعزه وتغليه.."
"تصبح حياتك في بعاده سقيمه.."
''ويفز قلبك كل ماجاك طاريه.."
''دام المحبه تمطر الوجد غيمه "
''وصل الحبايب عهد لازم نوفيه.."
منتدى فوضى

**ђmŜю GђłΆ** · 03-04-2010, 08:56 PM

سموووو وين مارديت على اسئلتي
يالله بنزل الجزء التاني هههههههههههههههههههههه

انتظرك خخخخخ

**ــــــــ** · 03-04-2010, 09:02 PM

ياجماعه الخير ارحمو من في الارض
لا تكثرون اسئله
وبكره بغلق الموضوع ارجو من سمو الاجابه على
كل الاسئله باسرع وقت ممكن

**سمو المشاعر** · 03-04-2010, 09:10 PM

لا كافي
لا تقفلي الموضوع مرتاح كذا
ههههههههههههههههههههههههههه

**ــــــــ** · 03-04-2010, 09:18 PM

لا مو بكيفك وراك اعضاء كثير
خلاص اخليه يومين والثلاثاء اقفله :31:

**asmhan** · 03-04-2010, 09:52 PM

السلام عليكم ورحمه الله وبركآآته:smile:

امممممممم بصراحه ماقد سألت احد وهو باالكرسي بس قلت اجي اسألك:tongue:

مارأي سموو المشآعر بصداقآت النت,,في نظرك صديق النت هل يكوون وفيآآ؟؟

ماودي اكثر اسأله لاني فضلت اسألك بشيء ودي اشوف وجهه نظرك فيه لانك اكبر مني فااكيد اعقل:fawda.c022:
ولاني مااحب اسأل اسأله جاهزه بدون هدف:tongue:

وزي مايقول المثل اكبر منك بيوم اعقل منك بسنه:18:

تمنيآتي لك بكل التوفيق خيوووو:smile:

**سمو المشاعر** · 03-04-2010, 09:59 PM

يسعد مسآك بكل خير
كيفك؟
يسعد أيامك...بخير دامك بخير
شو تغديت اليوم؟
كبسة دجاج

وشو تعشيت الاسبوع الي راح في نفس اليوم؟
ناسي وش تعشيت البارحه

تلات كلمات على طول ترددهم؟
استغفر الله العظيم

شورايك بي كرة القدم ؟
متابع لها باستمرار وتذكرني بالمثل اللي يقول :البنت زي الكوره تشوتها بجدار ترجعلك هههه
عطني عشر دول تبتدي بحرف الألف
البانيا..اسبانيا...ايطاليا..المانيا..انجلترا..اندو را...امريكا...اسكتلندا...ايسلندا..استراليا..انجولا

كلمة الجلكسي من شو مشتقة؟
الجل : ماده لزجه
ك: حرف تشبيه
سي: حرف انجليزي
واحمد ربك اني فسرتها كذا والا كنت باوديها الرادار بتفسير اخر يعجب الشامخ

صف لي الحياة بسطر واحد؟
جميله عندما نفهمها على حقيقتها
بيت شعر يبتدي بحرف النون؟
نوى لك القلب نيه مانواها لاحد غيرك
نوى يمشيلك على السمع والطاعه
تلات وردات حق مين تعطيهم؟
خيالي...بنت المدينه..كافي جروح
تلات كفخات حق مين تهديهم؟
همسة غلا...احساس انثى..واللي باقي ناوي يسال
عندك تلات ريالات شتسوي فيهم؟
اثنين بيبسي حسب التسعيره الجديده
ماهي سيارة احلامك؟
B M W
امنية لايمكن ان تتحقق لك؟
ان يعود الزمان للوراء
تعرف تطبخ ؟ :

لا لا لا
نوع من انواع العطور تعشقه؟
ليس هناك عطر معين وبصراحه مسالة اختيار العطور متروك لذائقة زوجتي
عطر ماتحب تشم ريحته؟
مافيه عطر محدد فكل ماهو تقليد يؤذيني
الساعة كم دحين؟
10:38مساء
عندك تلفزيون في حجرتك؟كم بوصة؟
لا يوجد والحجره للنوم >>>>>> والراحه البدنيه
هل الحياة حلوة؟ شو الحلو فيها من وجهة نظرك؟
اكيد حلوه لمن يكون حول كثير ناس يحبوك
ايجابيات وسلبيات سموو في سطر واحد؟
ايجابياتي الصراحه وسلبياتي المجامله الزائده
احب اسماء اليك >>> بنات واولاد
ولد:تركي بنت:حنين
اكره مادة عندك يوم كنت بالمدرسة؟ واحلى مادة ؟
الفنيه اكرهها مووووووت واحب الرياضيات بجنون
آخر فلم شفته؟
مرجان احمد مرجان
آخر مرة بنشرة عليك السيارة؟
قبل اكثر من سنه
تكتب باليمين ولا يسار؟
يمين درب الغانمين
مسلسل سعودي عجبك؟
لم ينجح احد الى الان
شرايك في MBC ?
الاخت معطينها فلوس عشان تسوي دعايه والا معرفه خاصه مع عيال ال ابراهيم
الصراحه افضل القنوات
لو قالوا لك احد في هاللحظة لازم تسدح احد ,وتضربه منو ؟
همسة غلا
عطوك الشرطة مهمة القبض على تاجر مخدرات بتوافق ولا بتخاف؟
اكيد اوافق لاني اعشق التحدي
آخر مرة تهاوشت؟
قبل اسبوع
آخر كتاب قريته؟ وش عنوانه؟ تنصحنا فيه ولا لا ؟
كتاب في مجال اختصاصي بالعمل يعني تبطين مافهمتي فيه شئ
الاسبوع الي فات يوم السبت الساعة ست المغرب وثلاث دقايق وش كنت تسوي؟
كنت انتظر متى ياذن لصلاة المغرب
يوم الجمعه اتصلي في اي جامع؟
حسان بن ثابت
تحب النور اوالظلام؟
النور
تحب المنتو << تذكرت المنتو وطرى انزله هههههههه:1aa:
اكيد>>>ارسلي صينيه لسمو
وين سافرت؟ وشوهي احلى دولة تنصحنا انروح لها؟
دول الخليج...سوريا...الاردن...اليمن
انصحك بسلطنة عمان
متى آخر مرة بكيت؟ وليش؟
شرايك بحال الدنيا؟ راضي عليها ولالا؟
رضا نفسي عن اي شئ صعب فمبالك بالدنيا على كبرها واتساعها
شرايك بموقف العرب ؟ امام قضية فلسطين المحتلة؟
كل واحد يبحث عن مصلحته
تحب الطبيعة الخضراء ؟
احب الطبيعه بجميع اشكالها
شورايك بطبيعة الشمال الخضراء وبساتينها وجوها الحلو؟
احلى مدينه عشت فيها بحياتي كانت تبوك اجمل جو واجمل مناظر واجمل بحر
وش في بالك الحين؟
ودي اشوفك واعطيك بوكس
تحب تتفلسف؟شخص تتفلسف عليه واجد ؟ <<< يعرفه
احيانا عندما اكون في موقف يحتاج الفلسفه لابد ان اظهر مواهبي الفلسفيه
ودائما زوجتي احد ضحايا فلسفتي
حكمتك في الحياة؟
ليس كل مايتمناه المرء يدركه
رسالة توجهها إلى جميع شباب المسلمين ؟
دنيكم اعظم دين ولن تعرفوا العزه الا بالتمسك به والحفاظ عليه

شورايك في شامبو صانسيلك ؟!
ماشالله عليك خلصت الاسئله
طيب وضحي صانسيلك العادي والا للشعر الدهني عشان اعرف اجاوب
وجججججججججججججججع على بعض الشطحات

لو يقدّر لك تاكل شي ،، شنو بتاكل ؟! دحين
اصابعك>>>>>>عشان تبطلي كتابه

شو لابس و إنت ترد عالأسئلة
شورت وفانيله كت
لاني مسخن من جو الاسئله

لو قالوا لك عندك اسبوعين تقضيهم في مكان و التكاليف مو عليك ،، وين بتروح ؟!
لفه حول اوروبا

لو إنت تتمشى في الشارع و تاكل أيس كريم و مستانس و تناديك بنت وتقول : فديت الطول ياشيخ شتسوي في وقتها ؟!
صار معي الموقف ذا قبل سنه بحديقه عامه كنت واقف اشتري ايسكريم لتركي وجت وحده ووقفت جنبي وانا اكل ايسكريم وقالت فديتك خذلي ايسكريم على طول سويت ابو كرم ومن غير مااناظر فيها بحكم انها احرجتني وخذيت لها واحد فقالت شكرا حبيبي ولمن دققت بالصوت وناظرت فيها طلعت زووووووووووجتي
يوووووووووووووه يالفشله

بكلمات ليست قليلة ،، حط تعليق و نصيحة و تحليل لشخصية لطالما تعذبتم معها و اصابتكم بالجنون في حياتك ؟ يعني شخصيه رفعت ضغطك ؟
بارد برود الثلج لا يقدر المسؤليه عنده الحياه مجرد لهو ولعب وتضيع وقت وعدم احترام وتقدير للغير
(بعض من شباب اليوم )

الابتسامات :

ابتسامة تحطها لي "من اللي موجودين بالمنتدى فقط و لا تطلع من حدود المنتدى "

هالابتسامات حق من تحطهم :

كافي جروح

همسة غلا

للسحالي

غالية الاثمان

دلوعه بكيفي

هيبة ملك

فراشه

الم

احساس انثى

عزف المستحيل

خيالي...بنت المدينه
:CrazeIcon-069:همسة غلا
قطعتي نفسي لو ترجعي بتشوفي وش اسوي فيك بعد نهاية الكرسي

**سمو المشاعر** · 03-04-2010, 10:09 PM

هل سبق و حصل لك موقف مع احد الاعضاء جعلك تغير نظرتك عنه الى الاسوء او الاحسن ؟
اكيد حصل....وبما انه لكل شخص تفكير مختلف فلابد ن تحصل مثل هالاشياء باي منتدى وبالذات لصرت عضو علاقتك مع كل الاعضاء داخل المنتدى وبس

دمعة سقطت من عينكم ؟؟ من كان سببها؟؟
اليوم شفت لقطه لطفل فلسطين يموت

وش اللي يضايقك مني ؟
كشئ شخصي ماشفت منك الا كل خير
بالنسبه للمنتدى اتمنى اشوفك بكل الاقسام لانك شعلة نشاط ولكن في اقسام معينه فقط

نصايح تقدمها لي؟
احافظي على ابداعك واجعلي اشادات الاخرين دافع لمزيد من التالق

شفت ماثقلت عليك اسالتي خفيفه لذيذه
شرفتي ولا كلفتي الله يعطيك العافيه

**سمو المشاعر** · 03-04-2010, 10:31 PM

السلام عليكم ورحمه الله وبركآآته:smile:

امممممممم بصراحه ماقد سألت احد وهو باالكرسي بس قلت اجي اسألك:tongue:

يشرفني أني استطعت اخليك تسألي وهذا يسعدني ودليل ان لي مكانه عند شخصك الكريم

مارأي سموو المشآعر بصداقآت النت,,في نظرك صديق النت هل يكوون وفيآآ؟؟
يجب ان نعرف اولا اساس هذه العلاقه من البدايه لنقدر ان نحكم عليها
مثلا هناك صداقات لاغراض تبادل الرسائل والافلام وحتى يمكن يرسلوا لبعض من غير مايدردشوا او يعرفوا بعض وهذي الفئه مايهمها اذا غاب الطرف الاخر
هناك اشخاص نتعرف عليهم عن طريق المنتديات وذلك بعد فتره من التواجد بالمنتدى وهذه العلاقه يحكمها غرض لماذا اضاف كل منهم الاخر هل هو اعجاب او طب صداقه حقيقه والا علاقه خاصه وهذه الفئه تكون على شقين الاول ينهار بسرعه وهو الاعجاب والمصلحه والاخر يدوم لان اساس الصداقه التقدير والاحترام
وبالنسبه للوفاء فهذا شئ خاص ولا يمكن ان يعمم

ماودي اكثر اسأله لاني فضلت اسألك بشيء ودي اشوف وجهه نظرك فيه لانك اكبر مني فااكيد اعقل:fawda.c022:
بس سوال يستاهل الوقوف لاجله
ولاني مااحب اسأل اسأله جاهزه بدون هدف:tongue:
لانك تعرفي وش تبين بالظبط
وزي مايقول المثل اكبر منك بيوم اعقل منك بسنه:18:
تحسسيني اني شاااااااااااااااااااااااااايب

تمنيآتي لك بكل التوفيق خيوووو:smile:
الله يوفقك ويحفظك

**سمو المشاعر** · 03-04-2010, 10:37 PM

الحمدلله خلصت كل الاسئله
وبانتظار فراشه وغالية الاثمان

**ђmŜю GђłΆ** · 03-04-2010, 11:46 PM

ههههههههههههههههههههههههههههههههههههههه
اجوبه خطيره سمووووو
بس احلى شي موقف الايس كريم بجد
زوجتك خطيررررررره هههههههههه
سمو تبغا اسئله ولالا
اذا اوك اطلب وتدلل ههههههههههههههههه

**ــــــــ** · 04-04-2010, 01:23 AM

مغلق

**سمو المشاعر** · 04-04-2010, 04:20 PM

شكرا كافي

**ђmŜю GђłΆ** · 05-04-2010, 01:10 AM

كافي ليه تغلقي الكرسي
يووووووووه المفروض سمووو يجلس عليه
كم اسبوووع وناسه واحنا نرز له الاسئله هههههههه
يالله حظك سمو كنت ناويه على اسئله شي تاني ههههههههههههههه
يالله كافي قولي لنا مين الضيف التاني
بس قبل قولي لنا عشان نحضر له اسئله محترمه ههههههه
:81: