رحله وسط جنون الروح في مدونتي

[امير الجنون]

يا اغلى من الخفاق واغلى من العين
واغلى غرامٍ شدني بندفاعة

لك وحشة مدري على ويش ومنين
بس اعتقد شوق وحنين بفظاعة

مشتاق لك شوق يمر العناوين
يفرد على وصل الحبايب شراعه

مشتاق لك شوق الندى لرياحين
شوق يهدد خافقي بنتزاعه

وين انت محتاجك مابي منك بعدين
عطني من ايام الهنا ربع ساعة

من زود حبك كن ايامي اسنين
كنك من اغلى رفقتي والجماعة

[امير الجنون]

نعم بالضبط

مثل ماكنت انا اتوقع

علي صرتي

قلبتي صفحة الجرح الاخير

وانتهى عمري

فتحتي ستارة الاحساس

ومثلتي ... وابدعتي

وشعوري كان لك جمهور

واسدلتي الستار بدمع من عيني

وطفت عيني .. وقبل تمشين ...

صفقتي .. صفقتي .. صفقتي

[امير الجنون]

كيف أنام الليل من هجر البعيد
بين حب وبين بسمه وابتعاد

إن نصحته من عناده مايفيد
وإن سمعني يوم بعد أيام عاد

ليت قلبي مثل قلبك من حديد
لايهمه لا بياض ولا سواد

بس أنا حساس وإحساسي شديد
لو أخفي شي ترجمه الفؤاد

مايعيش القلب من دونك سعيد
لوأشوف الزين كله في البلاد

لو أقول أنساك ما أعشق جديد
انت حبي وأنت شفاي في العباد

نار حبي قطعت حبل الوريد
حس فيني لحترق واصبح رماد

ياوحيد العمر ماغيرك وحيد
رد جمبي لايفرقنا العناد

[امير الجنون]

أبي هالدنيا تصفالي وأعيش بدنيتي مرتاح...
وأكون بنظرتك انسان عاش بهالزمن راقي ...

أنا ما كنت غير انسان عايش في الم وجراح...
يغني للزمن موال وأغني له أنا راضي...

تعبت أضحك على غيري وأغني له أنا مرتاح...
وأنا قلبي بدى يوقف يقول ان الزمن قاسي...

أغني للزمن موال عاش القلب دون رماح...
يتعدى نغم صدري وتوصل حد احساسي...

تسألني عن أخباري أقول ان الزمن جراح...
يجاوبني عن اخباري وانا أسأل عن اخباري..

[امير الجنون]

ليلة وعيت لاتعدى على خير
هلت سحايبها همومن وضيقة


ليلة وفيهاالوقت وقف عن السير
لين امتلا قلبى وسكر مضيقة


يوم اقبلت بأحزانها حزة عصير
عرفت جيش الهم بأول طريقة


هاذى معاليقى غطا والصدر بير
دام الوهم قطع وصال الحقيقة


مافية داعى للاسف والمعاذير
فى هالزمن خان الرفيق برفيقة


ياسيد الطعنات ما منك تقصير
هذا زمانك وافعل اللى تطيقة


ماقصر الحظ الردئ والمقادير
من دونهم كل المراكب غريقة


ياسهرة البارح معاك الحزن غير
كنى مقيد بس ايدينى طليقة

[امير الجنون]

تفداك روحي..... يامفارق حبايبك
وفداك عمري... راحتي وابتهاجي

كان الجروح... اللي بقلبي سبايبك
انت الذي... بارجى حنانك واناجيى

طيفك الى مازارني... كيف اعاتبك
ياساكن..... وسط الحشا ومتلاجي

انت العذاب.... وكيف انابك اعذبك
يامن جرحت القلب جرحك علاجي

الله حسيبك قمت انا أحمل مصايبك
وأنا الغريق...... وحامل هم ناجي

وداعة الله...... والسلامه تصاحبك
حلفت مااعقد في وداعك حجاجي

[امير الجنون]

ليت لي حيله واجي واحتال بـك
وليت ما قلت بحياتي ليتنـي !!

يابري حالي ليامـن مـال بـك
التغنّـج والدلـع لا جيتـنـي

دوم احس انـه نعاسـك غالبـك
معنّي رموشك ! وانا عنّيتنـي !

[امير الجنون]

تساوت عندي الدنيا تساوت

وهي يومك قريب لي تفاوت

حياتي عقب نورك مثل ليل

جميع نجومه من أدنى تهاوت

الا يا ناصح بالطب روحي

تراها لو لقت طب تداوت

[امير الجنون]

والله مدرى وش كسبتة بدنياى
بس اعرف اللى فى حياتى خسرتة

جيت ابنى الحاضر على انقاض مبناى
جيت اكشف اللى فى حياتى سترتة

جيت احمل الماضى بذنبى وشكواى
ياحلمى اللى من البداية كسرتة

كن الزمن همة رسم فى محياى
صورة من اللى فى زمانى هجرتة

مأغتالت الفرقا سنينة وذكراى
لو طال ليل الوجد لامن سهرتة

ابحرت بأحزانى وضيعت مرساى
اما خذانى الموج ولا عبرتة

[امير الجنون]

يابحر انا جيتك وانا حيل مغبون
من اللي اشيله فوق متني ثقالي


مافارقتني دمعتن لا ولا طعون
والجرح مايبرى من اسباب غالي


أخفيت انا في داخلي سر مكنون
وجيتك بقول اللي حصل .. وش جرالي ..؟

[امير الجنون]

لك غلا في داخلي عدى وفاض
ولك محبه مافي قلبي بعدها

الهوى والشوق وورود الفياض
كلهم صاروا معي عشاقـها

[امير الجنون]

فمان الله يا اغلى من سنيني
اماني شفتها ماتت بعيني

فمان الله برحل عن حياتك
ولكن طالبك لا تسامحيني !

لإنك لو سمحتيلي نسيتي
وانا ابغي كل لحظه تذكريني

عشان الي تحبينه بدالي
يشوف الفرق مابينه وبيني

وابي دمعتك لا لاحت طيوفي
تهل وما يجففها حنيني

هذاك اول اقولك يا حياتي
انا حاضر وانتي تامريني

اقولك يا عذابي من عذابك
رغم هذا تجين تعذبيني

ولكن جمعي باقي شتاتك
خذي كل الرسايل واتركيني

خلاص القلب مافيه يتحمل
وهو قطعة مثل قبضة يميني

صحيح اني بعاني من غيابك
وتلحقك دمعتيني .. دمعتيني

اريد اطفي بها نار الخيانه
بعد ما احرقت صورتك فيني

وطاحت من معاليقي لأرضي
وطيت احطامها وانتي تريني

خلاص القلب ما فيه يتحمل
اريد الفرق مابينه وبيني

[امير الجنون]

كبرت ياحلم الصبا من حياتى
وخذيت من عمرى محطات واميال

ربيت فينى واستحليت ذاتى
كبرت فينى طفل واليوم رجال

قبل الحزن يصبح سمه من صفاتى
قبل اعرف ان اليأس فى موت الامال

هناوقفت استرجع بذكرياتى
اجمع شتات الوقت والهم مدهال

هنا فقدت اخر امل من نجاتى
غريق مازفته الامواج للجال

كنى كتبت بدم قلبى وصاتى
و لوحت فى كفى موادع ورحال

رثيت نفسى قبل سكرة مماتى
وطويت صفحه حبرها مابعد سال

الدرب وقف وانتهت به جهاتى
لاصارت اجروحى لها الوان واشكال

ليت الزمن وقف على امنياتى
او ليت عمرى وقف بسن الاطفال

[امير الجنون]

يوميـن قاطعنـي ولاترحـم الـحـال
بالله قلـي كيـف ماهـزّك الشـوق؟!

انا ثملت مـن الولـه والجفـا طـال
وإلا انت ماكنك من البعد محـروق!!

تركتني بين الظمـا وأشهـب الـلال
مكسور / متضايق / وحاير / ومخنوق

حسبي عليك ان كان هديـت الآمـال
اللـي بنيتـه فيـك طابـوق طابـوق

[امير الجنون]

ليه أحس إني وأنا اشوفك حزين
وقلبي الليله بهمي ممتلي


كانها الفرقى طلبتك حاجتين
لا تعلمني ولا تكذب علي


خلني ما بين شكي واليقين
السكوت رضاي عنك وزعلي