¨¨¨°~*§¦§ ديوان الشاعر طلال الرشيد رحمه الله §¦§*~°

[سمو المشاعر]

ذكرى الفراق




اليوم ذكرى الفراق ومرت اول سنـه
اليوم لي عام متغرب وحيد وحزيــن

اليوم انا ضيف جرحي جيت باطمنـه
اني جمعت الدموع وجبت امانة امــين

ما يجرح الصادق الا غدر من يامنــه
لا جت من احباب قلبك لا تلوم السنين

مليت من هالاماني دام مهي ممكنــه
لاهي تحقق ولا ياسي بوجهي يبـــين

لوين انا وانت مثل الشمس والازمنـه
مع كل صبح يجددني لشمسك حنيـن

لا قلت احبك احبك كنها دندنـــه
او كنها وردة مابين اصابع جنيـــن

يا اجمل الناس لك بين الملا هيمنـــه
كثير غيرك ولكن مين مثلك وويــن؟

يا عاذلي خذ عيوني يمكن تثمنــــه
تشوف عيبه وانا اشوفه ملاك حسيـن

امس افترقنا وانا احسب مرت اول سنه
يا طولها ليلة الفرقا سنة للحزيـــن

[سمو المشاعر]

أموت من فرقاك




أموت من فرقاك وأموت بلقاك 00 وأموت من جورك وأموت بحنانك

كلٍ قضاه يمــوت مرّه .. و يفداك 00 و أنا أموت ألفين مرّه عـشــانك

أذكرك .. لا مني نسيت إني نسيتك 00 أنـسـاك .. لامني ذكرت نسيانك

رضيت أنا بالهم لرضاك مرضاك 00 و ارخصت لك قلبٍ جرحته وصانك

أجيك في صدري عتاب .. وابجفاك 00 وأرجع ألوم الوقت و أقول خانك

أحب فيك ..احساسي إني بلا ماك 00 في عز خوفي منك أحس بأمانك

عجزت أفرق بين وصلك وفرقاك 00 ياللي عطيت الناس بيدك عنانك

مر تجيني لين أقول إني إيـاك 00 و مر تروح بعيد و انسى أوانك

أقبل و تقفي واعتذر عن خطاياك 00 و أقول ما عييت .. عيا زمانك

وإن خانتك دنياك أو خنت دنياك 00 إرجع و تلقابي .. مكانك،مكانك

[سمو المشاعر]

"عيــــون الصغـــااار"




وجهك غضب .. وجهك عروس
يضوي مدى .. يحرق نفـوس
تشبه لك الشمس الشموس

! .. و مـا لـمـحــتــك

سـلام يـا أحلـى الأنـام
دربـي مثل عينك ظـلام
تشبه لك أسراب الحمام

! .. و مـا وصـلـتــك

يا صوتها الرايح وجاي
مابين أشواقي وشقاي
تشبه لك الونّه و ناي

! .. و مـا سـمـعـتــك

حبيبتـي والبـوح نـار
إنتـي أنا بكل إخـتصار
تشبه لك عيون الصغار

! .. و مـا عـشـقـتــك

يا مهرتي البيضا الأصيل
تلعب و انا صـبٍّ نحيل
تشبهك غابات النخيل

! .. و مـا سـكـنـتـك

يا غـاية الحلـم المحال
مثلك أنا حلمي الوصال
يشبهك في الشاعر خيال

! .. و مـا كـتـبـتــك

[سمو المشاعر]

"لـــحن بـــــدوو "

حنـا ولا مـن قلـت حنـا تحـنـا
كل الكـلام بعطـر تاريـخ الاجـداد


المجـد هـم وهـام فينـا وغـنـا
حتى علينا من على روس الاشهـاد


يا كبـر حـظ الـي نخانـا و ثنـا
نشد له فوق الفخر سـرج وشـداد


ان هلـل التاريـخ غطـرف وطنـا
وان سولفو عنا رجاجيـل واجـواد


وان بان لك شمس ترى ذيـك حنـا
نشرق مدام الظلـم ظلمـا وحسـاد


يا بنت يمـي كـان رمشـك تمنـا
اشق لك ثوب السماء جـود وعنـاد


واشدلـك زمـلً جـفـن المعـنـا
واسري بوجهك لاغشى وجهي سهاد


يـا حلـو قـدك يـوم قـدك تثنـا
محدا تغنى فيك من خـوف الالحـاد


حنـا البـدو يابنـت هـذا لحـنـا
نحبك اكثـر لاغـدى حبـك جهـاد


وحنا البدو يـا بنـت لامـن نخنـا
بناتنـا يثالـث العـيـد الاعـيـاد


وحنا البدو يابنـت وان قلـت حنـا
فاح الكلام بعطـر تاريـخ الاجـداد

[سمو المشاعر]

"اللــيــله احـسـاســي غــريب "


الليلة إحساسي غريب

عاشق وانا مالي حبيب

حبيت كل الناس لاموني

حبيت كل الناس باعوني

قلت أحب الحب أحسن

قلت أحب الحب أضمن

لا أحن .... ولا أتوه

ولا بعد في يوم أحزن

رضيت بأقداري ونصيبي

صرت محبوب الحبايب

وصار كل عاشق حبيبي

الليلة غير

شعوري غير

أشواقي غير

حتى الأغاني غير

صدري سما ... واحساسي طير

بس طيفك ماتركني

ظل ساكن تحت جفني

كان وافي...كان يذكر وإنت ناسي

إنت وينك ؟

كان هذا الفرق مابيني وبينك؟!

جيتني تشكي الزمن

وجيتك أبي أدفى

لقيت في قلبي وطن

ولقيت فيك منفى

[سمو المشاعر]

"مرثيــة 15 مريول أزرق "



هذا الشهر مر
هذا الشهر مر
بالحزن والدمع والامر
خمس طعشر شمس وغابت
وكسف خمس طعشر قمر
بالله من يقدر يقول ؟
من ترى المسئول ؟
موظف أهل بالامارة غنه ما صان
العمارة !
أرجوك لا تفهم خطأ
مهم تقدر المشاعر
لا يزيدوا القتلى واحد
خمس طعشر بنت .. وشاعر
من يا ترى المسئول
الدفاع البدني ؟!!
الدفاع البندي يمكن
كان ممكن
انقذوا ما كان أمكن
لو شعور الرحمة والواجب تمكن
ويمكن النار السبب
أو يمكن الشاي ؟
أو يمكن إبليس !!
أو يمكن الهيئه خطأ
أقصد هيئة التدريس
من يا ترى المسئول
الرئاسة العامة لتعديم البنات
ما فات فات
والباقي أكثر يا خوات
مؤتمر صحفي وبوفيه وهدايا قيمات
قرر الريس يحل المشكلات
راح نصرف في السنين القادمه
مع الكتب .. كفن الحياة
بس إاذا نبغاها تغلق اقترح هدية تلبق
علقوا في مكتب الشيخ الرئيس
منظر طبيعي
خمس طعش مريول أزرق
أصبح بالدم تغرق
واكتبوا على كل مريول
من يا ترى المسئول
من يعزيني بخواتي ؟
من يعزيني بناتي ؟
من يواسيني على فقد أمهاتي ؟
قام واحد باخر المجلس وقال
صغار كانوا يا طلال
يا سيدي هذي البلد والله ما فيها
صغار
حنا حتى في المهد نولد كبار
خمس طعشر أمم ثكلى
خمس طعش أبو حزين
الجاني مثل الطير حرّ!!
والمجني على حلمه سجين

[سمو المشاعر]

"حــــــــــايــــــل عسى حايل بخير"

أنـا طـلال بـن الرشـيـد
جيت أنثر حروف القصيد ...
وأجـاوب السمـراء النشيـد
و شلونكـم يــا عـزوتـي
حايل عسـى حايـل بخيـر
دار الكـرم قـدره كبيـر ...
فـي حبهـا أنـا الأسـيـر
بنـت الجبـل هـي سلوتـي
عامـيـن والثـالـث بــدأ
من غبت عن أرض الهدى ...
وش صار عقبـي وش بـدا
علـى بــلادي وأسـرتـي
عموش و يـش أحوالهـا ؟
النـوم مـا يهنـى لهـا ...
دمـعـه يبـلّـل شـالـهـا
لا طالعـت فـي صـورتـي
ياعزوتـي عمـري قـضـى
ونواف في دربي مضـى ...
صغيـر وبقلـبـه لـضـى
الشـور ينـفـع مهجـتـي
عاداتكـم يـأهـل السّـطَـر
حـر لا مـنـه شـهـر ...
مــا تتركـونـه للخـطـر
نـواااف عــزّه عـزّتـي
ودعـت فـي عشـي حـرار
إصغار بالشيمـة كبـار ...
يبـون مـن عقبـي قـرار
بيـن الطنـايـا فزعـتـي
وأنـا طــلال الضيغـمـي
أميـر لـكـن آدمــي ...
أفـزع لمـن جـاء يحتمـي
فينـي وتظـهـر نخـوتـي
وختامهـا يـأهـل الـكـرم
من مـرّ طيبـة والحـرم ...
يدعـي لطـلال المحتـرم .
مــن فضلـكـم أحبـتـي

[سمو المشاعر]

&سنا الفضه&

جتني وشافتها عيـون iiحايـرات*
* ذا شعاع الشمس او هذا iiسناهـا
ضاعوا اللي جوا معاها iiمسيـرات*
* واقبلت تمشي تقل محـدٍ iiمعاهـا
ياسنا الفضه وياجيـد المهـات ii*
* ياشذى نبت الخزامى في iiوطاهـا
قلت كن بوجنتـك زهـر iiالنبـات*
* قالت ان الرمش يجرح لي iiصفاها
تجرح الظلمـا عيـون iiناعسـات*
* سلهمت وأغضت تغطرس في بهاها
حققوا بالشوف في لون الشفـاة ii*
* هو خذا منها الشفق والا iiعطاهـا
ولو ظلام الليـل يعطينـا iiثبـات*
* فيه من لون الشعر والا iiكساهـا
كيف أباصف زين كاملة الصفات ii*
* كيف أباصل في حروفي iiمنتهاها

[سمو المشاعر]

مرثية كتبها طلال الرشيد
بخاله ممدوح البندر السبهان ويتذكر جدّته عفراء رحمهم الله ..




تعلّمت النواح اليوم ليـن أبكيـت صـوت النـوح
وعرفت اليوم ليه الله خلق لـي دمعـي الصافـي
عشان أبكي وأنـوح اواه لامنـه طـرى ممـدوح
الا ويـلاه واويـلاه واعظـم ويـلـي الخـافـي
على ممدوح دمعـي دم خالـي والعيـون جـروح
رحـل عنـي حبيـب النـاس لازعـلٍ ولا جافـي
عقب منكف حصان الشيخ مدبـح والعنـان يلـوح
عليه المعرقـه تومـي جفيـر السيـف متهافـي
تلفّت ونشدت .. العلم؟ من جاب الخبـر بوضـوح
وقيـل العلـم يامسكيـن غـزو الشيـخ بنكافـي
ترى غازي الزمـان اكتـف لاخايـف ولامذبـوح
ولكـن لـه بلـوغ كتـاب يالله تجعلـه وافــي
نثرت الدلّة الصفرى فـلا لـي بالكـرم مصلـوح
كسـرت الرمـح دون السيـف ياخـلاّف ياكافـي
أنا والله لـولا الله وأخشـى مـن خفـي البـوح
حضنتـك ميّـت وأقفيـت كـود تعـود متعافـي
قطعت يدينـي الثنتيـن يـومٍ شالتـك فـي لـوح
ويـوم تدفنـك بتـراب وتنفـض باقـي السافـي
على الصقار ياصعبـه فـراق الأشقـر الدابـوح
يعيـن الله أبـو ممـدوح الامـن صـد لخلافـي
أنا خالي نهار ونار شمس تخجـل أهـل الضـوح
وبعض الخلق عقب الشيخ سرج وبعضهـا طافـي
له قلب بياضه قطن أوسـع مـن فضـاة الـدوح
مريـض تقبـل بهمّـك وتنكـف ضاحـك شافـي
خوالي بينهم والناس من طيـب المكـارم شـوح
حـرار يقـرب الطلـع البعيـد ومحـزم ضافـي
بقالي من حليـب أمـي لهـم دم يجـي ويـروح
اطيـب بطيبهـم غصـبٍ أقلـد شيمـة اسلافـي
وإذا حنّا بكينـا ولـف موضـي تفتخـر وتـدوح
يخو موضي فخرها إنت وإنـت ستارهـا الوافـي
وأنا قبلك دفنت أمي ومعهـا قـد دفنـت الـروح
عقب ( عفرا) عقب ( ممدوح) صرت العاري الحافي
أنا فـي حايـل أحبابـي قبـورٍ علمتنـي النـوح
انا منها عرفت إشله خلـق لـي دمعـي الصافـي

[سمو المشاعر]

&محتاج لك&

انتي بكف وباقي الخلق فـي iiكـف
متعليه في وسط قلبي ولـك iiشـان
في غير وصلك مالقلبي ترى iiشـف
محتاج لك يانور عينـي iiوشفقـان
لا جابوا اسمك صرت انا تقل iiمختف
مالي على نفسي الى اطروك سلطان
من غير حبك غضت عيوني الطـرف
ياللي جمالك صار للزيـن iiعنـوان
اريد انا قربك ترى ياغذا iiالحـرف
وان ماحصل موتي ودنياي iiسيـان

[سمو المشاعر]

قصيده مدح في البحرين

طار سرب الحروف وسالت الشمس نور
سرمـدي تعلّـى نــور مسـرورهـا
جيت أعزم القصايد واثر شعري غيـور
قبـل أجـي للمنامـة كــان دورهــا
ياعيون قرتنـي صـدق بيـن السطـور
وش لقت مـن تدورنـي وانـا دورهـا
أنفض العهن عن صدري وافج البحـور
في يميني عصـا موسـى ومسحورهـا
ماتخيرت أجي شاعر جبرنـي الشعـور
ولو جروحي تعاف الشعر مـا ازورهـا
امتطيت القصايـد والجـوارح صبـور
والمعانـي تـذل الـعـز مغـرورهـا
نـوخ الشعـر بهمومـي وعيّـا يثـور
قلت حـيّ الضيـوف ودوك ميسورهـا
كـان فحـل المعانـي بالقيـاد مهجـور
جيـت افكـه تهبـد نـار محـذورهـا
مـاأردّه علـي الله ولـو هـو هــدور
ليـن يـروي ظمـاه ويحتمـي سورهـا
دام ذلـم غديـر النـور ليـه العـفـور
باغتسـل مـن زلال الظـي بحضورهـا
يالمنامة أجـي طايـع واجيـب الطيـور
لجـل عينـك تغنـي الأرض وطيورهـا
سندريلا المدائن جيـت بعـد الحضـور
جيت اقيـس القصايـد عقـد بنحورهـا
سندريـلا الخليـج وشهـرزاد البـدور
مالقـى الشعـر مثلـك يلبـس بحورهـا
تذخر الماء عـذاري والصناديـد بـور
دام عـز الديـار وعــز مذخـورهـا
قلت ابي امدح هل البحرين فرع وجـذور
واثرهـم غرسـة التاريـخ وجـذورهـا
قلت ابي امدح هل البحرين مدح العطور
واثرهـم جنـة الفـردوس وزهـورهـا
قلت ابي امدح هل البحريـن فكربكـور
واثرهـم للحضـارة نــور بلـورهـا
قلت أجل بمدح البحريـن دور وقصـور
صرت انا الضيف والبحرين وقصورهـا
بالعيـون المشاعـر والقـدر بالصـدور
والعـرب تـدرك الخافـي ومستورهـا
حااام سرب الحروف وشربت الشمس نور
وش تقـول القصايـد ؟؟ دامكـم نورهـا

[سمو المشاعر]

"قصيدة المرحوم في ابنه عبدالعزيز"

لي ولد له صورة
في قلبي تملا البراويز
حر شجاع نادر
ما هو لزيز
أغليه وأحبه كثير
وانا بعد عنده عزيز
على رضى أمه وأبوه
وجدته دايم يحيز
أفتخر به بالعلم واللعب
دايم ما ينغلب
ولانه بقلبي عزيز
سميته باسم الاخو
باسم الابو
وباسم جدي والفخر
عبدالعزيز

[سمو المشاعر]

هذه مرثية طلال الرشيد بـ فيصل بن فهد رحمهما الله ..

يالله ترحم كبير القـدر .. عالـي المقـام
وتوسع القبر في وجـه العظيـم الجـزوم
ويالله تجبر عزى من له عزى بك وصـام
عن غير ذكرك وشكرك .. ساجد مايقـوم
ياقبر .. بك واحد .. يسوى جميـع الأنـام
أبو اليتامى .. اخو المرضى عطوف رحوم
ياقبر .. بك حر أشقر .. فيه كـل الغمـام
ابن الكريم الكريم .. القرم وابـن القـروم
يالله يلقـاك يضحـك .. يـوم نبكيـه دام
فعله لوجهك .. وأنا شاهد لخيـر الكتـوم
ياخالد * العذر لو يرضيك صدق .. وتنـام
وشلون أبكذب على نفسي واصدق .. وأنوم
ياخالد* انت الوحيد السالي اللـي يظـام
الهـم همـه وهـو خالـي بليـا همـوم
ياخالـد* أبـوك خالـد بالفعـول الكـرام
ماوالله يمـوت فـي قلبـي كحيـلان دوم
السبت .. مر .. كريه .. كان ظهره ظـلام
مامر مثله على وجيـه الرجاجيـل يـوم
ياموت وأستغفر الله.. لو تعـرف الحـرام
ماكان أخذت الذي في موتته مـوت قـوم
الشمس .. والشمس لاغابت قفاهـا عتـام
والفرق فيصل ليا من غاب .. نوره يـدوم
بعض العرب لافقدته .. يجبرك بـه كـلام
ميـر البـلا لافقـدت الفيصلـي العـزوم