※غرامك صار عنواني وانا قبلك بلا عنوان※

[♥} آمـل الـ عٍ ـشآق ♪]

هههههههههههاااااي اسمع من داق "
......: وليدووووه ووجع اسمع
وليد: هههههههه سوري سوري بس غريبه وصايف داقه علي بنفسها
وصايف: ههههه ياحظي عليك بدق عليك للضروره ولا وش ابي فيك
وليد: هاه وصايف خذنا على بعض
وصايف: ههههه اقول اسكت بس اسمع
وليد: هاه وش تبين
وصايف: اسمع ماتدري متى بتطلع النتايج
وليد: هو صحيح اني اعرف اخر يوم اختبار بس ماعرف نتايجها تطلع
وصايف: خخخخخاي يامصلك صدق عاد اسأل ربعك
وليد: تعالي انتي ليش متحمسه هالقد على هالنتيجه واثقه لهذي الدرجه
وصايف: ههههههه لا بس مابي نسافر الا وعارفه نتيجتي
وليد: خلاص خلاص بسأل ربعي وبرد عليك وغير كذا اذا ماطلعت وانتوا هنا برسلك نتيجتك بمسج
وصايف: اي اي تكفى
وليد: خلاص ولا يهمك
وصايف: ماتقصر والله يلا عن اذنك
وليد : اذنك معك مع السلامه
"سكرت وصايف منه ولفت على امها "
وصايف: خلاص بيرسلها هيو
ام فيصل: مايقصر الله يعطيه العافيه ويوفقكم
جنى: وش دعوى خايفه وصايف
وصايف: وش رايك
جنى تضحك: امااا ههههه تكفين وش بتدخلك نسبتك
وصايف: حتى لوو حرام تعبي يروح هباء منثور
جنى: هههههه اما تعب
وصايف: خلاص خلاص فكيني
ام فيصل: ادعي لاختك وبس .. وين اديم؟
وصايف: ترتب شنطتها
ام فيصل: وانتوا
وصايف : انا تقريبا خلصت
" جنى نزلت راسها "
ام فيصل: جنى كالعاده مثل كل سنه
جنى: بقوم بقوم الحين
وصايف: خلها خلها على راحتها
جنى تضحك: يمه يمه خلاص بقوم "وقامت بسرعه "

.
.
.

[♥} آمـل الـ عٍ ـشآق ♪]

غزل: مو متخيييييييله مابقى شي ويجوون
منار: أي والله ياناسي بنببسط معهم
غزل: مايبي لها.. تعالي خالي بو مساعد بيجي
منار: مادري والله يمكن بس بعديين
غزل: اها ياحليلهم
منار: من جد مره حليلهم
غزل سرحت بأبتسامه
منار: غزل وين رحتي؟
غزل رجعت : هنا بس الله يعينا على الحساسيات
منار: حساسيات من ايش؟
غزل: مادري عشان عيال عمي
منار: لاااه ماعلينا منهم هم مايطلعون معنا ماعلينا منهم
غزل: بس مادري خلاص خلاص
منار: معقدتها وهي ماتسوى
غزل : سلطان مالطلع
منار: لامابعد.. خليني اقوم اكوي ملابسي بس
غزل: وملابسي معك
"منار ناظرتها وراحت"
.
.
.
"بعد اعلان ركوب الطياره "

جنى تهز وصايف وبصوت واطي : وصايف الحقي معنا
وصايف: ادري ادري سوي نفسك مو منتبهة وش بيسوون يعني وحنا مع اهلنا
جنى: ذولا ينخاف منهم
وصايف تتافف: خلاص جنى
جنى تركتها وسكتت
"كل واحد قعد في مقعده .. كان كل من ابو فيصل وام فيصل وام محمد وبومحمد ونجوى وولدها فرست كلاس والباقي كانوا في البزنس "
"كان ترتيب البزنس منصور ومشاري مع بعض وفيصل وواحد مع بعض وسهر واديم ووصايف وجنى مع بعض "
جنى تسكر الحزام وترتجف: وصايف شوفيه مع فيصل ليكون مايدري انه اخونا
وصايف: جنى تراك اقلقتيني
جنى: انتي ماتخافين
وصايف بصوت واطي : من قال "وقطع عليهم الي يقدم العصير وبعدها كملت " انا قلبي طايح في بطني
جنى تبتسم مجامله للمضيف : يارب يكون شاف فيصل واقف معنا اخاف ياخذون على بعض ويخورها
وصايف: وبعدين تعالي انتي ترى ماسوينا شي حنا ترى هو الي قاعد يلحقنا
جنى: بس يوووووه اسكتي ماوراك الا المشاكل
"وصايف فتحت عيونها على اختها وسكتت معصبه"
.
.
من جهة سهر واديم
سهر: شوفي عاد اقولك من الحين بتقعدين ساكته قومي بدلي مع وصايف ولاجنى
اديم تضحك بنعومه : طيب ولايهمك الطريق طويل مو معقوله بسكت طول الوقت
سهر: أي جربي تدريناني كرهت الاورنج جووز من يوم نروح استراليا ركبنا كذا طياره وكل ماركبنا جابولك هالعصير حسيت اني راح ارجع من كثر ماشربته
اديم: ههههههههه من جد هذا اللي فالحين فيه
سهر ولسا مبتسمه : والله حسيت بسني اخر طياره قلت لهم يلامناك بس تعبت اجامل
اديم:هههههههههه ولاحقهم بعد حامض
سهر: من جد.. من ذا الي مع فيصل
اديم: مادري مو مشاري ولامنصور واحد
سهر: ياملحه
اديم: لا ماتعجبني هذي الاشكال شكله رياضي
سهر: أي صح مبين بس كيوت ترى
اديم: طيب اسكتي لحد يسمع
سهر: شفيك انتي مرره
اديم بطرف عينها : بدينا نغلط
سهر تضحك: لاوالله جد خلي روحك رياضيه
اديم تبتسم: لايكثر بس
سهر: وه الله يعيني
اديم: هاه سهر
سهر تضحك: طيب طيب
"وشوي واقلعت الطياره "
.
.

[♥} آمـل الـ عٍ ـشآق ♪]

بعد مرور فتره لتجهيز البنات للسفر والعايله بكبرها .. عدت الايام عليهم بسرعه وجا اليوم الي الكل ينتظره .. الي ينتظر يشم هوا غير هواه.. والي ينتظر يكحل عينه .. والي ينتظر يشفي غليل شوقه.. والي ينتظر ويدور على نقطه تحوله .."

"كل من بيت بو محمد وبيت بو فيصل جهزوا اغراضهم الخفيفه الي تنشال بيدهم لان الشنط بتوصل قبلهم لذا فهي راحت قبلهم *_^ .. الساعه 7:00 بالمسا وصلت السيارات المسئووله بنقلهم لمطار البحرين الدولي .. ركبت سهر مع امها وابوها واخوها ونجوى وولدها .. وبو فيصل ركب مع عياله ومشوا كل واحد لحاله على اساس يتلاقوون بالمطار .."
"بعد ماوصلوا راحوا البنات في المكان المخصص لهم والرجال بدوا يسوون شغل التذاكر والعيال معهم "
جنى تتذمر : من قالكم تحجزون لنا هنا
سهر: ليه وش فيه هنا
جنى: مادري شوفي القاعه هاديه مافيها الا حنا
نجوى: لاحقة على الازعاج بس تخلص التذاكر وبنقوم
جنى: انا مره ثانيه احجزوا لي سياحه
وصايف: ليه ؟
جنى: مابي اصير معزوله عن الناس ابي احس بالحياه بلازعاج تحس انك مسافر .. ولا الحين بيطلعونا فوق وبناكل من اكلهم مانبي نبي ناكل من المطعم الي هنا
ام فيصل: جنى اسكتي صدعتي راسي
جنى: يمه انا ماني طالعه فوق
ام فيصل: لاتطلعين اقعدي
جنى: يمه جد ابي اكل من تحت مابي اكل من اكل الفرست كلاس والبزنس مو لذيذ
وصايف: خلاص جنو انا وانتي ناكل ونطلع لهم
جنى:وش قلتي يمه
ام فيصل: براحتكم
جنى: يسوو
ام محمد لأم فيصل:بروح الحمام كرمك الله بتروحين
ام فيصل: أي بروح اتوضا للعشا
ام محمد: يلا .. بنات في حد بيروح دورة المياه
"البنات اشروا بمعنى لا"
نجوى: انا بجي بس بشووف سلمان اذا يبي حمام بعد
ام فيصل: قوموا توضوا للصلاه
اديم: انا على وضوء
سهر: وانا بعد
جنى ووصايف: انا بالصاله فوق بتوضا وبصلي
ام فيصل : على هواكم "وراحوا "
جنى تضحك : اما دوره المياه هههههههههه
سهر تبتسم: حدك عن امي
جنى: ماقلنا شي .. اوكي مشرفه مدري وش تطلع بس مو لدرجه دورة المياه
سهر: ههههههه كولي تبن بس
اديم: ترى عادي كثير يقولونها
جنى بلاهتمام: ماعندهم سالفه
وصايف: ترى حلوه الكلمه تحسينها نظيفه
جنى: هههههههه لايكثر
"سهر قامت"
وصايف: وين
سهر: منصور يناديني
"وقامت عنهم وراحت لمنصور"
جنى: يازعم مستحي
وصايف: هههههههه وش تبين بالرجال
جنى: يسوون نفسهم خجولين وهم مناك خراط
وصايف: هههههههه على كيفك
جنى: ماعلينا يلا نبي نخلص
وصايف: شايفتنا شخص ولا ثنين عايلتين بكبرها
جنى لوت بوزها تكره المطار والانتظار: اوووف "وطلعت الايبود وركبته على اذانها وسندت ظهرها لان شكلهم مطولين "
سهر رجعت تبتسم
وصايف: شعندك
سهر: ابد كان يبي يعطيني سلمان وسلمان مارضى نشب فيه ومنصور ماله خلقه
وصايف: جيبيه سلمان بلعبه
سهر: ماراح يجيني تبين قومي جيبيه .. يبي يقعد من منصور ومشاري وفيصل
وصايف: لاشكرا مو قدام مشاري
سهر ضحكت
"وبس قعدوا حتى خلصت التذاكر وتضبيطها قاموا وشالوا اغراضهم وراحوا متوجهين للقاعه العلويه حقت البزنس كلاس والفرست كلاس ولكن جنى ووصايف قالوا بيقعدون تحت والباقي طلعوا بياكلون من الاكل الي فوق "
.
.
.

[♥} آمـل الـ عٍ ـشآق ♪]

()( أبيـــــــــــــــك )()
وأرفض " الواقـع " وأجاهـر للمـلا .. ملهـوف ..
إذا كان الأمـل شوفـك ..
بقايـا العمـر .. بـ / ترابـك !
][ أحبــك ][
فوق هـ / الدنيا .. وأسابق في مـداك ( حـروف )
وأعاند كل كلمـاتي / وأضيـع بعـد أسبابـك !
][ غـلاي ][
لو هي الدنيا حديث ٍ يشفع لـ / مشغـوف ..
لا أقول العمر لـك " دنيـا "
وأنـا موجـود و "احيابـك " !!

.......:اووووووف وبعدين
..: شفيييك
.....: والله مادري يافواز هذي المسجات من فتره مو قصيره توصلني واذا دقيت محد يرد
فواز: طيب وش يطلع لك
سلطان: يطلع برايفت نومبر
فواز: طنش هو الخسران
سلطان: لا تحس هذي المسجات حد قاصدها لي يقول اني هجرته ومسج انه يموت فيني ومسج وينك فيه طولت
فواز : اهاا.. مدري وش اقولك
سلطان: على قولتك هو الخسران او ليش ماتكون هي الخسرانه
فواز يبتسم: جايز
سلطان: اووووووه نسيت اكلم غيث ياربي بيزعل
فواز: غيث ماغيره
سلطان: أي الحين بيزعل بيقول صفطته وماني عارف خلني ادق عليه بتنبسط عليه وعلى سوالفه
فواز يبتسم : حيااه
.
.
.
"بعد فتره طولت من الصمت في الطياره "
"عند اديم وسهر"
اديم قاعده تتمتم مستحيه من تفتح سهر بالموضوع بس بعدين قررت تكسر السكوت
اديم: سهر
سهر: هلا
اديم: نمتي؟
سهر: ياحليلك انا مستحيل انام بطياره
اديم تضحك : كويس مثلي
سهر تبتسم بهدوء: شعندك
اديم نزلت راسها : سهر مادري وش بسوي اذا شفت فواز
سهر انصدمت من اديم اثاريها ساكته على كذا
سهر: وش عليك منه
اديم: احس ماراح اقدر اناظره صحيح هو مافيه شي عشان ارفضه وكثير بنات تزوجوا بهذا العمر
سهر تحمست : ترى اتوقع فواز تفهم الوضع
اديم: مادري والله ياسهر احس عمتي والباقي اوكيه بس فواز وهالعله طلال مادري شلون بتكون نظرتهم لي .. اكيد يكرهوني الحين
سهر: ماعليك منهم اديم لاتزعلين نفسك عشانهم انبسطي وكنه العيد هذي حياتك وانتي حره فيها
اديم سكتت
سهر: اديم شوفي فواز احسه مره متفهم يعني بينظر لك عادي واذا على طلال ماعليك منه تراه تنيجر
اديم ساكته
سهر: وش قلتي
اديم: بحاول على قد ماقدر اني ما التقي في فواز ولاحتى بطلال
سهر: فواز يمكن تقدرين بس طلال بينشب لك كل يوم
اديم تضحك: تراه يضحك
سهر: أي صح بس يقهرني ايام
اديم تبتسم: نفس الشعور
.
"عند فيصل"
فيصل: سلطان ... والنعم والله من الرياض اجل
سلطان: أي
فيصل: اجل مسافر لحالك
سلطان: لا انا وصديقي سعود
فيصل: اها طيب ليه مااخذتوا دايركت من الرياض
سلطان: دورنا مالقينا حجز وعندي واحد من ربعي يشتغل في الخطوط هنا وكلمته يضبطني
فيصل: حلوو والله عاد خلنا نلتقي وننبسط
سلطان يبتسم : أي ان شاء الله
فيصل: كيف الرياض
سلطان بحالميه: والله فضت الرياض علينا
فيصل بأستغراب : ليه
سلطان استوعب: عارف كل الناس بدت تسافر ومابقى حد فيها
فيصل: اهاا حتى الشرقيه حنا كذا بعد مايبقى فيها الا اهل الرياض والجنوب
سلطان يبتسم: هذا الحال
فيصل ابتسم بعد: أي والله
.
"عند جنى ووصايف"
جنى: شوفيه شوفيه بدوا يخورونها
وصايف طنشتها: جنى ترى بغير مع اديم ... خلاص ماظن بيقوله عنا شفييك
جنى: واذا قال
وصايف: عادي.. وين حطيتي ال uno
جنى: أي صح بشنطتي انزلي جيبيها
وصايف تناظرها بأستحقار ونزلت جابتها ورمتها بحظنها : يلا طلعيها
جنى تناظرها: وانتي طلعي الطاوله
وصايف طنشتها وطلعت الطاوله وطلعوا الورقه وبدوا يلعبون
.
.
.

[♥} آمـل الـ عٍ ـشآق ♪]

كله منــــــــــك"
......: والله مو ذنبي
.......: وشو مو ذنبك وانتي السبب بجلستنا
.....: نجود بس حرام عليك بعد نفاس نتركها ونروح
نجود: بسمه اسكتي مالي خلقك.. وانتي ليه ماتكملني نفاسك ببيت زوجك
نجلا تقهرها: والله اهلي الزم فيني
بسمه: نجود وش هالكلام مايصير
نجود تخزها: تعرفين تسكتين
بسمه تناظرها: لاماعرف هي وش ذنبها ولدت الحين
نجود بقهر: وحنا وش دخلنا ننحرم من السفر هي الاجازه
نجلا تبتسم عشان تقهر نجود: بسوم حبيبي قومي جيبي فثوولي
بسمه ابتسمت : نايم خلي حنانك بعدين
نجلا: بصحيه مالي شغل
نجود تناظرهم تحسدهم على هالروقان
بسمه: مو كويس نموهم في نومهم خليه بس
نجلا: ياشين الفلسفه وين نايف اخوي
بسمه : طالع مع ربعه
نجلا: ياحبيبي ياخوي مانشوفه وبسبب هالحريم
بسمه: ياحليلك حتى ومافي حريم يالله نشوفه
نجلا تبتسم : الله يوفقه ويحقق مناااه
بسمه تبتسم: اميين
نجلا تناظر نجود : قولوا امين ياهو
نجود تناظرها: ترى مالي خلق "وقامت"
نجلا: ياشينها معصبه رايقه وياالله
بسمه ضحكت
نجلا تسكتها: اش اش اسكتي ماحنا ناقصين
بسمه تمسك ضحكتها
نجلا: بسوم قومي سوي لي ماسك لوجهي تكفين
بسمه: تصدقين حتى انا مشتهيه اسويه
نجلا: أي عفيه
بسمه تبتسم : ولايهمك "وقامت هي بعد "
.
.
.
سلطان: بتروح تسمع ماني رايح لحالي الطريق للمطار طويل وبطفش
فواز: سلطان تكفى مالي خلق
سلطان : يلا عاد اقولك بتروح يعني بتروح
فواز: سلطان لاتحاول
سلطان: وش دعوى اهتميت في رايك بتروح غصب عنك
فواز: خذ طلال
سلطان: ذا الملعون من جا مالتقيت معه الا بالغلط مدري وين يروح
فواز يضحك: محد عايش كثره
سلطان يضحك: اانا اشهد .. باي ذا واي جهز حالك
فواز تنهد
.
.
.

[♥} آمـل الـ عٍ ـشآق ♪]

في الطياره
" بتروحين الحمام"وانتم بكرامه " "
سهر: ايه
"راحت سهر الحمام وانتم بكرامه وبعد ماخلصت فتحت الباب بسرعه تبي تطلع الا وتصقع بصدر هذاك الواقف سهر ابتعدت بقوه ورفعت راسها وشهقت "
سهر: اسفه "وراحت مسرعه لكرسيها تنافخ"
"وهذاك موقف شفيها البنت"
اديم تناظرها: شفييك
سهر: اديمووه الحقيني صقعت بالولد الي جنب فيصل
اديم شهقت: احلفي شلوون
سهر: مادري بس خبرك صوت المويه لمن تشفط يخوف انا ضغطت على الزر وطلعت بسرعه وصقعت فيه ياربي فاتك شكلي احس قاعد يقول وش تبي ذي شكلها شايفه جني بالحمام
اديم تضحك لانها بعد تخاف من صوت الشفاط : ههههههه الله يفشلك
سهر ترجع لجلستها: ادري يافشيلتي
اديم: خلاص الي صار صار
.
.
.
"عند منصور ومشاري "
مشاري: ابي اعرف وش جيب الطاري
منصور انقلق : ايه انت ماترضاها على خواتك وعاد على غيرك
مشاري عصب: منصور لاتستفزني هاه
منصور: وش استفزك انت الثاني بس هذي الحقيقه
مشاري:ترى كل السالفه نمون
منصور: تمون وعلى عيال عمي محمد ماظن دور غيرها
مشاري: وبعدين تعال وش مسوي انا
منصور: سكت
مشاري: منصووور هاه لايكووون
منصور غير اتجاه نظراته: ليكون شنو
مشاري يتنهد : انت ادرى
منصور: لاتتكلم بلالغاز
مشاري: قلت ليكون تحبها وغيران
منصور بأنفعال: تخسسي الا هي
مشاري فتح عيونه: الله كل ذا شايل عليها وش مسويه لك البنت
منصور توتر ومشاري قاعد يستفزه : ولاشي بس مابعد جابتها امي الي تجيب راسي
مشاري: وانا هذا اللي اقوله وش قلبك مادري
منصور: يلا يلا بس طلع الطاوله وصل الاكل
"مشاري كمل شغله وهو ساكت .. ومنصور منقهر ياخي ذا محد يقدر يسحب منه شي"
.
.
.
"بعد ماوصل الاكل والناس تاكل"
"عند اديم وسهر"
اديم بعدت الطاوله وقعدت تنفخ وتحرك راسها يمين يسار
سهر لفت عليها وحطت يدها على كتفها بخوف: اديم شفيك"وتهزها ششفيك "
اديم بدت ترج راسها اكثر كنها وحده مهتستره
سهر بعدت الطاوله عنها مسافه بسيطه وبخوف: اديم اديييم وش فيييك حبيبي
اديم الفوطه الي على حضنها وغطت في وجهها وبدت رجعت كل اللي اكلته على حضنها .. سهر على طول فتحت عيونها من الي تشوفه وش صار فيها اديم على طول نادت على وحده من المظيفات وهي مو عارفه تتصرف
سهر بصوت مرتفع شوي: can some boady help us
"جات وحده من الظيفات وشافت الوضع ورجعت تنادي وحده معها وتلبس قلافز وسهر نادت وحده من المظيفات تشيل اكلها وعلى طول هاذيك شالته وقامت سهر وعطت المضيفة صحن اديم بعد ..وبعدت سهر الطاوله عن حضن اديم .. اديم بعد مارجعت غطت وجهها بيدها تكتم انفاسها من الفشيله حتى ماهي قادره تروح الحمام "وانتم بكرامه "
سهر تهزها: اديم وخري يدك وخريها
اديم ماستجابت لسهر

[♥} آمـل الـ عٍ ـشآق ♪]

الناس حست بدوشه بهذا المكان .. سهر راحت على طول عند ام فيصل وقالت لها وام فيصل قامت على طول .. وراحت تشوف بنتها ..اديم اول ماحست بأمها حست انها ارتاحت شوي.. ام فيصل شالت اديم من يدها وساعدتها تقوم وتروح فيها الحمام .. واديم لسا مخبيه بوجهها كل الموجودين انتبهوا وووصايف وجنى على وجههم اشاره استفهام وبعد مانادوا اديم "
وصايف وجنى: شفيها اديم
سهر بحزن: مادري وش فيها فجاءه بعد ماكلت رجعت كل اللي اكلته
وصايف: اديم ماتحب اكل الطياره وش مأكلها
سهر بتأنيب الضمير: انا قلت لها بطلب لها مثلي
وصايف: ياحياتي وعبايتها توسخت
سهر: أي كلها
جنى: افف الله يعينها اجل خليها تفسخ عبايتها وطلع الاوفر كوت من الهاند باقز حقتها
سهر ببسمه: والله زين تفكرين
"سهر شافت انها فكره زينه انها تشيل عبايتها من الطياره وتلبس الاوفر كوت ..وراحت تنفذ الي قالت عليه جنى"
جنى: مسكينه اديم فشله احس
وصايف: أي مرره الحين ماتشوفينها مخبيه وجهها
"فيصل من بعيد شاف سهر واشر لها على اساس يعرف وش صاير وسهر طمنتهم انها بس تعبانه شوي ومافيها شي .. ومنصور ومشاري شافوها تكلم فيصل وفهموا .. سهر طلعت الافر كوت وراحت لعند خالتها واديم .. اول ماشافتها مدت لهم الاوفر كوت وام فيصل اخذتها منها وقتها كانت اديم نظفت كل الملابس ومستنده على امها لانها تحس انها دايخه وبردانه .. سهر حزنت على اديم ماتدري وش جاها فجأه .. اديم لبست الافر كوت وضمته تبي تتدفا .. ورحعت سهر ولحقوها اديم وامها واديم مستنده على امها .. على طول قعدت اديم وتسندت وامها سدحت الكرسي لها ولحفتها بالبطانيه .. واديم ماصدقت خبر على طول غمض عيونها .."
سهر"ياحياتي ماتسوى عليك ... بس كثيرر يتعيون بالطياره ياحرام "
"ام فيصل طنت زوجها وسهر طمنت الي جنبها "

.
.
.
"بعد مرور 3 ساعات ونصف من اخر الاحداث"


"سهر صحت اديم واديم قامت وتحت عيونها كله اسود من المسكارا الي حطتها سهر تخرعت فكرت هذا تعب "
سهر: اديم تبين تغسلين وجهك
اديم: أي بروح
سهر بحيا: طيب اديم في تحت عيونك اسود
اديم على طول عرفت انهامسكارا :لالا هذي مسكارا
سهر ارتاحت : اجل الله يعينك مراح تروح
اديم ابتسمت بتعب: وش اسوي
سهر: طيب يلا تبيني اساعدك للحمام
اديم: لا قلبو مايحتاج
"اديم مسحت تحت عيونها بيدها الي تقدر عليه وبعدها قامت متوجه للحمام .. سهر وباقي البنات شالوا عباياتهم ووبعد اعلان ربط الاحزمه وصلت اديم مكانها وربطت الحزام .. ........ وصلــوا اهالينا مطار هيثرو وكان سلطان وفواز في استقبال العايله بالنيابه عن الكل "
"خلصت كل اجراءات المطار بسرعه لانه ماكان عندهم شنط لانها واصله قبلهم .."
"الكل كان يمشي بسرعه الا ام فيصل وابو فيصل الي كانوا مع اديم على راحتها .. اول مابين بعيون ام محمد ولدها وولدها كذلك ركض سلطان لامه وضمه قدام الخلق ولاكان حد هامه وام محمد مسكت فيه وبدت تلمع عيونها من كثر ششوقها لها"
منصور : طيب عطينا فرصه كلنا مشتاقين
"ام محمد لسا متمسكه فيه وسهر ازعجتهم من وراهم وهي تقول حبيبي اخوي وحشتني ووو وتعبر عن شعورها وسلطان مايسمع وش تقول بس يسمعها تهذرب ..بعدت ام محمد وعطت مجال لسلطان يسلم على ابوه الي ماطول ضمه بالخفيف وباس راسه ويده وسلم على منصور بقوه زجا دور سهر الي رمت نفسها بحضنه وهي ضاعت بصدره ومبسووط عليها .. اما بو محمد توجه لفواز يسلم عليه .. وام محمد واقفه جنبهم "
سلطان: حبيبتي سهوووره وحشتيني يادبه كبرررتي
مشاري وفيصل يناظرون من بعيد : نحن هنا
منصور: سلم على الشباب بسك
نجوى قطاعتهم : السلام عليكم فواز
سلطان انبسط يوم شاف نجوى: هلا والله وغلا بام سلمان وعليكم السلام وفديته عطيني اياه مانتبهت له وشاله بس كان نايم
نجوى عطته اياه
سلطان يلف على الشباب: الله يهديكم مخلينه هي تشيله
نجوى تفشلت: لاكان عند منصور واخذته عشان يسلم عليك
سلطان ابتسم :على بالي شخبارك وكيف محمد
نجوى: ابد والله يسلم عليك
"سلطان بوس سلمان وماكان وده يتركه وبعدها لف يسلم على الشباب"
سلطان لف عليهم وضحك وسهر حست وبعدت وتركت لهم المجال.. طبعا جنى ووصايف واقفين شوي بعيد مستحيات يقال انهم .. شوي وراحت ام محمد ومسّت على فواز .. وسهر راحت جنب البنات وصاروا سهر وجنى ووصايف مع بعض ..ومشاري وفيصل ومنصوروسلطان وبومحمد وفواز الي انضموا لهم مع بعض .."
مشاري: تغيرت ياسليطين
سلطان يضحك وصاير شكله مع الغمازه " قطعه لووول " : للأحسن ولا
فيصل: ياخي غطيت علينا
منصور: لاماعليك كله ميك اب
"سلطان ضحك من قلب"
سلطان: اما هالكبر ويغار
"ضحكوا عليهم ..وام محمد تناظره من بعيد وتتفداه "
منصور: منعم ومدري وش مسوي كل ذا عشان يقولون مملوح قم بس قم
سلطان ضحك على اخوه الي مهما يشتاق مستحيل يقول بس يبين في عيونه
سلطان ببزاره : يلا بس يلا
فيصل: هههههههههه اعقل منصور عن اخوك
سلطان يتلافت : يلا مشينا.. وين عمي بو فيصل
فيصل: اديم اختي تعبت علينا بالطياره وقاعدين سيمشون معها بالراحه هذا هم بالطريق"

[♥} آمـل الـ عٍ ـشآق ♪]

سلطان ناظر فواز الي سو نفسه عادي .. سلطان ينتظر على احر من الجمر يبي يشوف هلاديم ..شوي شوي وبدت تبين له مع عمه وخالته.."
سلطان بخاطره "من فعايلك السوده تستاهلين "
بو محمد: وصلت السيارات ياسلطان
سلطان: أي يبه ينتظرونكم
بو محمد :وش جابوا
سلطان : جيمس وجيب بيكفيكم وانا باخذ الشباب معي يعني
منصور يضرب فواز على كتفه بدفاشه : بوحميييد شالعلووم
فواز نقز ومنصور ضحك
منصور يغمز: الي ماخذ عقلك لعنبوك ما امداك تطيح توك من اسبوع واصل
"ضحكوا الشباب عليه"
بو محمد : منصور وش هالكلام
منصور يناظر ابوه : يبه عاد حنا بطلنا في السعوديه حنا في لندن
"ضحكوا عليه وسلطان مبسوط على اخوه ماتغير وليومه يمون على ابوه الي معتبره واحد من الشباب"
سلطان لف على سهر وشاف الي معها صغار راح لجهتهم
جنى: ويازييينه
سهر ضحكت: ههههههههههه بقوله
جنى: في امك خير
سلطان وصل : السلام عليكم بنات الحمدالله على السلامه
وصايف وجنى بحيا: وعليكم السلام الله يسلمك
سلطان: بغباء يتكلمون مع بعض
وصايف وجنى وسهر ضحكوا عليه
جنى بدفاشه: بنسكت مو عشان شي عشان تونا واصلين وانت زمان ماشفناك
سهر ضحكت وهو ضحك ووصايف تفشلت من اختها الي ماعندها وقت للميانه
سلطان: تعالي من انتي
جنى بخجل: انا جنى وهذي وصايف
سلطان يناظر وصايف عسى بس لايطلعون مثل اختهم : هذي الي تخرجت هذي السنه
وصايف ابتسمت ومنزله راسها: أي
سلطان: وبشري
وصايف: مابعد تطلع النتايج
سلطان: بالتوفيق
سهر: سلطاااان وحشتني مرره
سلطان راح لعندها وحط يده على كتفها : حتى انتي والله
سهر: ياحوبيلك والله.."وسالت يدها" بروح اجيب اديم عن عمي عشان تسلم عليه
"وراحت سهر واديم تبعها بنظراته "
سلطان: وانا بجي عشان عمي
"عمهم وزوجته وبنتهم كانوا قريبين مره .. بو فيصل قرب من فواز وبدا يسلم عليه ويسأله عن اخباره وسلطان وده يشوف الي بتجي الحين وام فيصل قربت وحب راسها سلطان وسألهم عن اخبارهم وتحمد لهم سلامة اديم وبعدها لف نظره على اديم "
سلطان اول ماشافها رقع قلبه ولبس نظارته عشان ياخذ راحته وقعد يناظرها نظرات غريبه "معقوله هالبراءه يطلع منه كذا صدق مصيبه المظاهر "
"اديم كانت شبه منزله راسها .. سلطان ماحب يحسس حد بشي او ماقربت "
سلطان: ماتشوفين شر يابنت العم والحمدالله على السلامه
"اديم صار قلبها يدق طبول من شافته والحين يكلمها ماقدرت ترد هو اصلا مانتظر رد قال كلمته وسبقهم مع عمه ... سلطان كان يبي يروح جنب فواز يبي يشوف رده فعله اذا شاف هالبنت .. "
سلطان بعد ماصار جنب فواز: شفتها
فواز: وشو
سلطان: شفتهااا
فواز: طيب وكيف
سلطان هذا هي قدامك شوفها
"فواز رفع راسه وهي يدعي ربه انها ماتكون البنت الي شافها بيت عمه نايف وكانت تشبه حبيبة قلبه"
فواز اول مارفع بصره وشافها ما انكر انها تخقق بس ارتاح انها مو البنت الي شافها.. وتسأءل من اجل تكون ذيك
سلطان يبي يشوف رده فعله وماكان متوقعها من فواز: شرايك
فواز: وش الفايده يلا خل نمشي طولنا"طنشها فواز ومشى "
"لحقه سلطان ومستغرب من رده فعله .. وبس كل قروب ركب سياره والشباب مع سلطان وفواز "
.
.
.
"بعد ساعتين .. وصلت العايله وكان الوقت عند الفجر ... بو محمد سكن فندق مع زوجته وبنته وولده وزوجه ولده ...اما بالنسبه لبوفيصل فهو راح الشقه الي فيها بيت بو فواز .. طبعا كان التقسيم كل البنات بشقه والعيال بشقه ثانيه جنبهم دايركت... تقريبا العوايل وصلوا سلمو على الاهل وشوي وراحوا ينامون كلهم اما بيت بو محمد دايركت للاوتيل على اساس الوقت متأخر وبكرا يسلمون على الاهل

[♥} آمـل الـ عٍ ـشآق ♪]

كانت قدام البحر ومعطيته ظهره وهو واقف وراها يناديها وماترد عليه .. كانت لابسه فستان حرير فيه اشياء تطير منه من شده الهوى الي يطيّر فستانها السماوي الفاتح الاقرب للبياض وخصلات شعرها قاعد تطير مع الهوى وهي واقفه ومكتوفه اليــد ......جن جنونه ليه ماترد عليه ليه تجحده وبدا يصارخ عليها مو من حقك تسوين كذا .. على ايش شايفه نفسك فيه .. مغروره ومن يومك .. لاتقربيني ولاعاد ابي اشوف ظلك .."مازالت ساكته ولاترد ولاشاف وجهها " قرر يقرب منها ويلفها عليه بكل قوته وبالفعل لف عليه وردت عليه ببرود وعيونها تلمع "وش تبي تشوف " "
"فز من نومه يشاهق شفتها شفتها واخيرا شفتها ثبت وجهها لدقايق وبعدها اختفت ملامحها من راسها بقت بذاكرته بس لمعت عيونها ..قعد يضرب رسه يضرب راسه يبي يرجع يذكرها اختفت اختف "
"ااااااااااااااااااخ لو اشوفها لاذبحها بيدي الله لايهنيها دامها مو مهنيتني بنومتي .. وش تبي فيني تلاحقني من مكان لمكان "
"شوي ووصله مسج وفتحه بكل قوته واول ماشاف برايفت نمبر قبل لايقرا المسج رمى الجوال بكل قوته على الارض حتى انفتح نصين "
حط يده على راسه: مسج واحلام مزعج بنفس الوقت لمتى لمتــى
"قام سلطان واخذ لك دش وهو كاره الدنيا وش يبون ذولا فيه .. اكيد الي ترسل المسجات نفسها الي مزعجبتني بأحلامي .. المشكله كل مالقيت خيط عشان اعرفها تضيع كل الخيوووط ياربي حسبي الله على الي عرفها فيني "
"خلص حمام والاخلاق واصله معه شاف الساعه كانت تشير على الوحده ونصف .. طول بنومته ..لبس وتععطر وقعد يتفقد جواله .. تذذكر انها رماه بسبتها ... راح لمكان مارماه لقاه مرمي وباب الشارج طايح اخذه وجمعه "
سلطان: حبيبي انت ماتسوى علي هي واشكالها اخ بس لو اعرفها
"صلح جواله وفتحه وحطه بجيبه واخذ الجاكيت وطلع قرر يروح لشقة الشباب قبل لايدق عليهم .. وهو باالطريق دقت عليه شيماء وقعد يسولف معها الى ان غيرته من الحاله الي كان فيها .. يعني ماوصلهم الا المزاج رايق .. اول ماوصل سكر منها وطلع للشباب ودق عليهم طلع له فواز"
سلطان شاف وجه فواز وكنه صاحي من وقت ابتسم: صباح الخير
فواز: صباح النور ياهلا ..
"دخل سلطان"
سلطان: متى صاحي؟
فواز: من قبل ساعه ..وانت ؟؟ و ليه مادقيت علي؟
سلطان: مادري والله نسيت بس تراي توي قاعد ودايركت جيتكم قبل لافطر حتى.. وين الشباب
فواز : فيصل يتحمم والباقي نيام
سلطان: صحهم
فواز: خلهم على راحتهم مابقى غير طلال ومشاري اهل النوم وعمي بوفيصل طلع مع ابوك
سلطان : اهااا اجل بدق على منصور بشوفه اذا صحى عشان امر عليه ولالا
"وبالفعل دق على اخوه ومالقى جواب "
سلطان: مايرد اكيد نايم
فواز:ماتبي اجيب لك شي
سلطان: انت افطرت
فواز: أي رحت لحالي تحت وافطرت
سلطان: خاين.. اجل ننتظر فيصل ونروح نفطر كلنا
"شوي وطلع فيصل ونزلوا كلهم "
.
.
.
"عند البنات"

ام فيصل تناظر بنتها وهي جايه : ياعساه فيني ولافيك
ام فواز: لاالحمدالله وجهها منور
اديم تبتسم: فعدوينك يمه ..
ام فيصل : شخبارك تحسين نفسك احسن
اديم: الحمدالله أي احسن
منار: لاكان قمتي
اديم تبتسم : حرام عليك ترى لساتني ماشبعت
غزل: فخاره نوم حشا انتي وخواتك
اديم: ترى تونا واصلين امس
غزل ومنار ضحكوا على اساس استحوا : زين زين
اديم: يلا قوموا نلبس ياللله ياني مشتهيه اشم ريحه الكوفي وافطر
غزل: راح وقت الفطور اقعدوا لي ناموا للظهر وتبون فطور
اديم تبتسم: لاتهزئين وبعدين حنا وش بناكل كورسان وكوفي يلا قوموا تراي جوعانه
منار: يلا البسي انا بس بلبس الاوفر كوت حقي والحجاب هذا هو معلق
اديم لغزل: يلا
ام فواز: قومي البنات يروحون معكم
اديم: مانتم رايحين
منار: لاياحليلك حنا نزلنا وفطرنا وخلصنا
اديم: خونه انتم
غزل تضحك: يلا طيب قومي
"قاموا غزل ومنار و اديم يلبسون ويصحون البنات وصايف طبعا قامت قبل جنى وقالت بتاخذ دشها و بتلحقهم .. هم لبسوا ونزلوا وكانوا بقمة روقانهم وصاروا يمشون لهارودز مشي يتنفسون هالهواء الي يهب "
اديم: يااااااه حياه هنا
غزل: من ناحية حياه حياه
اديم: والله الهوى لحال يكفي تحسينه يتغلغل كل جزء من جسمك المريض يصحى
منار: انا اشهد والله
اديم: ياحياتي سهوره مادري اذا بتجي ولالا
غزل: اووه خليني بدق عليها
اديم: يلا دقي
"دقوا عليها وردت عليهم وكانت صاحيه قبل فتره وتنتظر منصور يصحى عشان يجيبهم "
غزل: طيب كلمي سلطان يجيك
سهر: أي والله شلون نسيت يلا يلا بدق عليه باي "وسكرت"
غزل تضحك: بتدق على سلطان يجيبها
منار: ديوم شفتي سلطان
اديم: والله مدري شفته وماشفته وقتها كنت بحاله يرثى لها كنت يالله اشوف
منار: فاتك
اديم بأستغراب: وشو اللي فاتني
غزل تضحك : هههههههه طايحه غرام مع سلطان
اديم تغمز: اوه اوه منار
منار: كلوا تبن انتي واياها
اديم: من ورانا
غزل: شفتي شلوون
منار: كلوا تبن بس الحق ينقال الولد يخقق
اديم: مافي شي جديد كل عيال عمي سلمان حلوين
غزل: وانا قلت لها
منار: بس هذا غير
اديم: ماعلي منك
منار: بلاتسسس ماشفتيه
اديم بلامبالاه: ولا ابي اشوفه
غزل: شكل الاخت شبعانه
"ضحكت منار"
منار: أي والله عندنا وعندها خير
"وقعدوا يسولفون لين وصلوا"
.
.

[♥} آمـل الـ عٍ ـشآق ♪]

سهوووره خلي منصور يجيبك انا جالس افطر
سهر بدلع: منصور نايم والبنات بهارودز قلت لهم لايفطرون قبل لا اجي
سلطان توهق: خلاص خلاص جايك تجهزي خلك عند باب الفندق
سهر انبسطت : فديتك يلا باي
"وسكرت منه "
سلطان لازي بوزه : بدينا
"ضحكوا عليه"
فيصل: خل يشبعون منك ياخي
سلطان: ماقلنا شي انت الثاني "واشر للويتر وطلب يحط لك الكوفي في paper cup "
فواز: وبترجع هنا
سلطان: أي خلكم وغيث بعد بيجي هنا
فواز: خلاص ولايهمك
فيصل: من هذا غيث
فواز: صديق فواز اماراتي
سلطان: ماتعرفه
فيصل: ماقد التقيت فيه بس سمعت فيه مره
سلطان ابتسم: اهااا رجال ولاكل الرجاجيل والنعم فيه والله
فيصل ابتسم
"وبس وصل الكوفي حق سلطان اخذه معه وراح لاهله "
.
.
.
"بعد نص ساعه "

"كانوا البنات في هارودز يفطرون والسوالف ماخذتهم وكان معهم سلمان ونجوى مع ام محمد في الشقه .. "
"شوي ودق موبايل وصايف وكان رقم خاص ردت عليه على طول"
"وصاااااااااااااايف يالدحيييييحه يالملعوونه 91 مره وحده "
وصايف اول ماشمعت الصوت رقع قلبها وسمعت الرقم وقفت على طولها وقامت تصارخ: وليدوووه احللللللللف
وليد: هههههههههه وربي الف الف مبرووك خذي امي بتبارك لك
"وبدوايباركون لها والبنات جنبها بعد.. وصايف طارت من الفرحه يوم عرفت نسبتها بالتسعيين وعلى طول دقت على امها وابوها تبشره واخوانها والكل فرح لها وطلبت امها منها يروحون الشقه عشان يباركون لها .. وصايف حست انها طايره والبنات يضحكون عليها وماتوقعوا وصايف تجيب بالتسعيين"
وصايف تشهق: وليد بشرني ولاسألت عنه نجح مانجح
غزل: هههههه دقي دقي عليه
"رجعت دقت واول ماقال لها النسبه شهقت "
وصايف: نعم نعم انت اعلى مني وشلوووووون
وليد يضحك مبسوط: استحي بس تقارنين نفسك فيني
وصايف: تعال شلون جبتها
وليد: مالك دخل.. صحيح اني مادري كثير مثلك بس تراي عبقري
وصايف تضحك: صدق عاد كم نسبتك
وليد: وربيي انها 93 وتبين تسألين شلون جبتها بقولك مادري
وصايف تضحك: الله يسلم الغش المهم الف الف مبرووك خذ البنات بيباركون لك
"باركوا البنات لوليد على السريع وهو انبسط من فرحتهم له الي تقوله ماتوقعناها والي تقول تعال وابشر بعزك ..هو تشقق على الاخر "
.

[♥} آمـل الـ عٍ ـشآق ♪]

بيت بــو ياسر

"فرحة ياسر بنتيجة اخوه طيرته من الوناسه مو مصدق اخوه يطلع منه كل هذا .. كانت الدنيا مو واسعته .. ام ياسر مبسوطه على ولدها وعلى نسبته اللي كانت تحاتيها .. ماتبي ولدها يتوه مثل باقي العياال "
ام ياسر: تعال يمه احضني مره ثانيه ماشبعت منك
وليد ماصدق خبر راح وضمها : ياعساي اشوفك معرس
وليد: امييين يارب
عبير: اخس عليك قولي زين شلون جبتها
وليد: سؤال محرج لايمكنني الجواب عليه
عبير: بالغش اكيد والبراشيم
ام ياسر: اهم شي جابها
عبير ووليد يضحكون
وليد: أي والله
عبير: ادري ان الغش يساعد بس ينجح ماظنتي
وليد: هههههههه عبيروه انخرسي بس يلا اعزميني اشوف
عبير: افا عليك امر بس وين تبي
وليد: هممممممممم ابي ابي السنبوووك
عبير: ابشر بس امي تكون معنا
وليد فهم عليها وضحك وامها بعد
ام ياسرلا انا مالي في المطاعم
وليد: أي صح بس انا وانتي
عبير: يمه ترا يمدحونه ووجودك مهم
وليد: هههههههههههههه لاتحاولين ولاتضغطين على امي
عبير: اجل مافي سنبوك
وليد: ههههههههههههه
ام ياسر: لابروح ويبشر بعزه فديت روحه
وليد يبوس امه : لاخليتك يمه
"م ياسر كل شي تدمع عيونها على ولدها وعبير تشوف الوضع بسكوت "
"شوي ويدخل بدر يصارخ توه داري بالخبر على طول ضم اخوه وبارك له وعلق كذا تعليق "
بدر: لو ضامنين هالنتيجه كان لحقنا اهلنا .. ضيعونا من بعدهم
عبير: أي والله
ام ياسر: يلا مابقى شي قريب بنروح
"شوي ودق جوال وليد وكانوا عمانه يباركون له وبدت الاتصالات "
"وبعدها"
وليد: يمه
ام ياسر: هلا يمه
وليد: عمي بو فواز عازمني
ام ياسر : فيه الخير والله
وليد: يمه استحي ولامره رحت مطعم مع رجال كبير ماعرف شلون يسولفون مادري يمه فشله
ام ياسر : معزم
وليد: أي يمه
بدر: روح استح على وجهك
وليد: وانا ماقلت ماني برايح بس استحي
بدر: الا طليل كلمك
وليد: افا عليك قومته من نومه
بدر: وبنت عمي وصايف وش جابت
وليد: 90
بدر استغرب: افا انت اشطر منها
وليد: عشان اعلمكم
بدر: هههههههههه لايكون مغلطين
عبير: هههههههههه للحظه هذي وانا شاكه
بدر: ماالومك صراحه
.
.
.

[♥} آمـل الـ عٍ ـشآق ♪]

في المساء "

"الشباب كانوا متوزعين والبنات كانوا قاعدين بالشقه يحسون انهم دايخين فقعدوا بالشقه وغزل قررت تروح مع طلال تجيب لهم عشا اخذت الطلبات ونزلت تحت عشان طلال كان ينتظرها وكانت متضبطه "
طلال اول ماشافها: بدري مس غزل
غزل بروقان : من عمرك
طلال: وش هالكشخه مطقمه مع اخوك بنفسجي واخضر
غزل تضحك وتطالعه وتطالع نفسها: ههههههههههه أي والله
طلال: امشي يلا
غزل: مااستأجرت سياره
طلال: لامابعد بستأجرها هاليومين
غزل: أي احسن تعبنا من هالحواسه على رجولنا
طلال: يلا المشي زين
"ومشوا"
غزل: طلال وينك متخفي مالك بينه هلايام شكلك من جد تايهه بدون وليد
طلال: شفتي شلون ..
غزل: جد والله
طلال: مادري هنا موجود بس انتم ماتشوفون جو البنات ونسيتووني
غزل: ههههههه ياحليلك تشره بعد
طلال: محد احسن من احد
غزل: ههههه أي والله.. اجل فواز وينه
طلال: طالع مع الشباب
غزل: وين تروحون
طلال: هنا بعد وين ودك تجين
غزل: ياليت
طلال: اقول انثبري
"غزل ابتسمت وسكتت"
طلال: شفتي هذا الكوفي بس نمر عليه الي تبيه من ربعك تلقاه هنا وسلطان وفواز يقعدون هنا اكثر شي

غزل: اهاااا حنا مانتجرأ ندخله
طلال:هنا كله خليجيين ماراح تاخذون راحتكم بس عندهم كوفي صح
غزل: تكرم وجيب لنا
طلال: مدري بشوف اذا فضيت
غزل: باركت لوصايف
طلال : لا
غزل: ليه
طلال: كيفيي
غزل استغربت : ترى مالها ذنب
طلال: مايهمني
"وشوي ومروا من المقهى الي قال عليه طلال وبالفعل كان زحمه .. "
"اول ما مر طلال من المقهى وقبل لايكمل"
"طلاااااااااااال"
طلال لف وشاف من يناديه وابتسم: ماقلت لك
"شوي وقرب الي كان ينادي منهم"
طلال ابتسم وغزل ابتعدت شوووي : منصووور
منصور يبتسم بخبث: هلا طلو على وين ومن الي معاك "وغمز"
طلال: ههههههه الله يخسك هذي اختي رايحين نجيب اكل للبنات
منصور: ااهاا قلت بعد بدا يخورها الولد
"غزل اول ماسمعت صوت منصور قعد قلبها يدق "
طلال: من معك
منصور:كلنا مشاري وفواز توهم واصلين
طلال: سلطان هنا
منصور:ايه
طلال: اجل وقف هنا جنب اختي بروح اجيب المفاتيح تعبت من المشي
منصور بخبث: اوكي
"غزل ودها تصرخ شفيه ذا خرف طلال مالت عليك وعلى الي يتكل عليك امححق اخو ..غزل قلبها يدق ويدق ويدق.. أي موقف حطيتني اياه فيه ياطلااال الله يهديك بس"
"بينت علامات الارتباك على غزل وبدت تقلب في يدينها"
" منصور طول الوقت ساكت ويناظرها بجراءه لانه عارف انها ماراح تناظره .. ماشك بلحظه وحده انها ممكن تكون مش حلوه .. هذي مو حلوه بنظره هذي ملاك ينزل لحظات في حياته ويختفي.. يلعن شكلها وش ذا العيون ياربيييه ياويل حالي انا .. لف عليها وشاف طلال قريب بيوصل"
منصور بصوت مسموع : مشكله الي مصدقين نفسهم ماكنت افكرك بهذي القباحه
غزل لفت عليه بكل قوته "حقير وش يبي مني"
منصور رقع قلبه يوم شاف وجهها كامل وتحسف على الي قطه
غزل: من زينك عاد
منصور بقوه: لايكون بس صدقتي اني "وسكت"
غزل تحاول تسكر اذنها: هذا الي كان ناقص انا اخذ بكلام اللي مثلك
منصور تنرفز من قوتها الي يشوفها مايقول هذا لسانها: أي طيب مو مبين ممثله دور المستحيه المرتبكه وماني عارف
غزل جت بترد وشافت طلال واصل يعني ماتقدر تحكي ومنصور انبسط انها ماقدرت ترد عليه
طلال: مشكور ياولد العم
منصور: اني تايم سي يو"ورجع متشقق"
"غزل مشت ورا طلال وحدها واصله معها يعني قصده يلعب بمشاعري انا شلون فكرت ان هذا الانسان ممكن يحبني هذا انسان حقير ويبيله وحده حقيره مثله اااااااااخ اكرهه نفسي اقتله ..عكرت مزاجي الله يعكر مزاجك قل اميين .. وكرهت نفسسها اكثر يوم فكرت تاخذ منه كلام ..صدق انه بياع كلام .. والله لو اشوفه مره ثانيه لا اسفل فيه "
"منصور كان متشقق وقعد وعلى طول سرح .. والله لاجيب راسك يالمغروره.. مو ناقص الا انتي تغترين علي.. انا اوريك ياغزيل انا ماجننتك خليتك تفكرين فيني بجنون ماكون انا منصور.. مثل ماحرمتيني النوم بسبب لعانتك انا راح احرم عليك حتى اكلك.. وهذي فرصتي دامني اقدر اشوفها وجه لوجهه "
.

[♥} آمـل الـ عٍ ـشآق ♪]

اليوم الثاني

"سهر يومها كانت نايمه بالشقه مع البنات وصحوا البنات مبكر وطلعوا يفطرون هم وامهاتهم .. وكان فواز وسلطان هم الي موديينهم .. سلطان قال بيخيلهم يجربون محل البانكيك وبالفعل راحوا ووصلوا وتقسموا الشباب لحال والامهات لحالهم والباقي الاربع لحال "
جنى: ياااااااي ريحه البانكيك تشق الخشم
وصايف: أي والله يانس مشتهيته مع ايس كريم فانيلا ياااي وينه الي ياخذ الاوردر
"ضحكوا البنات عليهم كل وحده تتشهى من جهه"
سهر: وانتي ديوم وش تبين
اديم: انا ابي بانيكيك مع روزبيرري
جنى: وانا ابي مثل وصايف
سهر: وش تشربون ؟
اديم: كابتشينو
وصايف: اسبريسو
جنى: اورنج جووز
سهر : همممم سو واحد سبريسو وثنين كابتشينو وواحد اورنج جوز اوكيه "واشرت للويتر وطلبت "
"بعدها "
اديم: جو صراحه خطيير
سهر: من جد حظهم والله
وصايف: ياربي نفسي اكله
البنات بأستغراب : منهو
وصاييف تضحك : الجو
جنى: خخخخخخخ ياشين خفة دم الصباح
"البنات ضحكوا على جنى"
وصايف: ترى ماتنكتين مع كشتك الله يفشلك
جنى: مالك شغل
وصايف: حطيتي شي يلمعها
جنى:انا عاجبتني كذا
وصايف: وع امحق
جنى: بلاك ماشفتي شكلك انتي وهالبف تحسين وحده من جد توها قايمه
وصايف: كيفي عاجبني
جنى: مالت
سهر: فكونا الناس توها قايمه
وصايف: سهر تدرين حجابك يعجبني
سهر استحت: ثنكيوو بيبي
وصايف تضحك: والله كيووت عليك
سهر: ثانكس استحي
وصايف: هههههههه كل شي ولاحيااك
سهر: هههههههههه
.
.
.
فواز: وش قصدك من هالحركه
سلطان: ابيها لو شافتك تتندم مليون مره
فواز: ياخي مابيها تتندم فاهم
سلطان: ياربيه خايف على مشاعرها
فواز: لا بس خلها بحال سبيلها
سلطان: انا لها المغروره
فواز: فكنا واللي يرحم والديك
سلطان : تدري اني قاعد اشوفها كل البنات يسولفون والاخت سرحانه
فواز: غض البصر زين
سلطان: تراها كاشفه يعني بشوفها اوردي .. واموت واعرف منهو اللي ردتك بسببه
فواز: سلطان تراي بديت اندم اني اقولك كل شي
سلطان: ماعليك انت ماسويت شي هي ماتعرفني ولا لي علاقة فيها
فواز: طيب لاتتكلم عن بنت عمك كذا
سلطان: قاهرتني على ايش شايفه نفسها شوف خواتها كلهم مبسوطاات الا هي كل تفكر وسرحانه وحزينه
فواز: طبعها كذا خلها بحالها سلطان وكلمني عن شيماء
سلطان بأبتسامه : فديتها يافواز اااه منها مجننتني
فواز: خاطري اشوفها
سلطان: بخليك تشوفها وبعدها ما راح تلومني
فواز: طيب انت الحين شفت بنات عمك وشفت شيماء .. وش زود بنات عمك عنها
سلطان: ماقلنا شي كل وحده الزود عندها بس مايجذبووني ذاك الزوود
فواز: اذا ذولا مايجذبونك من يجذبك صدق انك غريب
سلطان: شوف بنات عماني مغرورات وانا مابي تنشب لي وحده مغروره يكفي اللي فيني
فواز يضحك: انت شكلك حاط اقنور على بنات العم
سلطان: هههههههههه عل قولتك"وسكت وشاف اديم تقوم وهي مبتسمه وبيدها الجوال وطلعت برا المطعم وعصب"
سلطان: شفتها انا اوريها
فواز : وش بتسوي خل البنت تكلم
سلطان: انا هذي انا الي بأدبها "وقام معصب "
"فواز تفشل ماعرف وش يسوي سلطان مفشله بكل شي"
"ياحيااااتي وانتي اكثر والله"
"سلطان اول ماسمعها طاح وجهه ووقتها لفت اديم عليه واستغربت وين يبي ذا.."
سلطان ماعرف وش يقول: بغيتي شي
اديم بأستغراب الي صاحبه صوت ناعم: لا.. بس صديقتي داقه ومافيه ارسال داخل
سلطان: اها اوكي فكرتك تبين شي من برا
اديم ابتسمت ببراءه : مشكور
سلطان بأبتسامه متصنعه: العفو
"ودخل وقعد وهو متنرفز "
فواز ضحك: فشلتك
سلطان: لا بس طلعت تكلم صديقتها
فواز: ليه تظلمها البنت
سلطان: تعال انت تتكلم كنها ماسوت لك شي لو انا منك مو هي الي ترفضني الي ترفضني اذلها مليون مره ودام الفرصه عندي ليه اضيعها
فواز ماعرف وش يقول : الله يوفقها
سلطان قهره طيبة قلب فواز :وصل الاكل خل ناكل احسن
فواز ناظره وابتسم
.
.
.
في نفس اليوم على الساعه 4:30
في الوايت ليز

"اتفقوا البنات يومها يروحون الوايت ليز وهو عباره عن مجمع ومحد من الشباب كان عنده خبر"
"كانوا البنات يتسوقون واديم وسهر تعبوا وجلسوا يريحون والباقي لسا يتسوقون "
اديم: حشا وش هالعالم
سهر: من كل جهات العالم
اديم: من جد
اديم شهقت وعقدت حواجبها : سهر
سهر بخوف: شفيييك
اديم: شوفي شوفي
سهر ناظرت جهة ماكانت اديم تناظر: وشو
اديم: مو هذا اخوك سلطان
سهر : الا هو
اديم: وتشوفين من معه
سهر شهقت: اااه من ورانا "وقامت له على طول "
سهر: سلطان سلطان
سلطان لف عليها وابتسم ولف على شيماء الي تناظره
سهر : مرحبا

[♥} آمـل الـ عٍ ـشآق ♪]

سلطان: هلا سهووره
سهر بقهر : ماعرفتنا
سلطان: اووه سوري هذي شيماء من الكويت ماي بيست فرند
سهر: تشرفنا
شيماء : وانا اكثر
سلطان: شيماء هذي اختي وتوأمي سهر
سهر ابتسمت
شيماء: هذي سهر ماتوقعتها جذي
سهر: ليه وش توقعتيني
شيماء: مادري شكل ثاني بس مادري انها جي كيوت
سهر استحت : ثنكيو حبيبي
"سلطان انبسط"
"سهر حست انه عادي واخوها صار له متغرب من كم سنه اكيد صار عنده البنات ولاشي وهذي بس girl friend “
سلطان: من معك انتي؟
سهر: الحين معي اديم وامي والبنات يتسوقون فوق
سلطان: شيوم بوريك امي الحين
شيماء ابتسمت: اوكييشن
سهر: سو انا اخليكم
سلطان: شيوم تبين تشوفين بنت عمي
سهر تضحك: لا لوسمحت ديوم ماتعرف لهذي الحركات يروح تفكيرها بعيد "وضحكت" يلا سي يوو
"شيماء ضحكت وسلطان سرح"
شيماء: سلطان
سلطان: يلا بدق على امي اشوف وينها ونروح لها
"مسك يدها ومشى وبالعاني مر قدام اديم الي كانت تناظرهم وهو مطنشها ووشيما لفت عن خاطرها وشافت هلاديم وناظرتها بعيون حاقده انه اديم احلى منها وسلطان حبها هي مو اديم "
.
.
.
"هذا يجننن مرررره "
وصايف: همممم والله مادري شرايك منور
منار: انا بعد احسه كيووت جربي الاحمر
وصايف: وععععع ماتخيل البس احمر
منار تضحك: ادري بس كيوت الفستان ذا
وصايف: لو انه وش بيقولون الناس عزمت تبي تعرس
جنى: هههههههههههه أي والله
منار: خذيه ولاتزوجتي البسيه
وصايف: هههههههههه لاتحاولين هذا لونه كيووت وماعندي اانا مثله
جنى: تبين تسألين ديوم وسهر
منار: لامشوار خذيه واذا ماعجبهم رجعناه
جنى: أي صح
وصايف: خلاص خلاص باخذه يلا اطلعوا بغير
"طلعوا جنى ومنار من غرفة القياس "
.....: مناار جنى شوفوا هذا
"منار وجنى راحوا لغزل الي تناديهم"
جنى: انا ابيييه
منار: واااو يجنن جيبيه اخلي وصايف تقيسه "وسحبت منه وراحت لوصايف"
جنى: هههههههه ماعندها وقت اذا وصايف خذت هذا انا باخذ هذاك
غزل: أي والله بيطلع كيووت عليكم
جنى: عاد يلا اخلصوا تزوجوا عشان نلبس هالفساتين
غزل تضحك : يلا على ايدك
جنى: هههههههههه والله لو على يدي شبكت العايله كلها ببعض وافتكينا
غزل: ههههههه صدق صدق ماعندك وقت يلاقومي نشوفه على وصايف
"وراحوا"
.
.
.
"السلام عليكم "
....:وعليكم السلام شلونج خالتي
....: يمه معك شيماء ماي بيست فرند
ام سلطان : هلا والله شمياء تشرفنا
شيماء: تسلمين خالتي الحمدالله على سلامتكم
ام سلطان: الله يسلمك عيوني ..كيف الاهل والوالده
شيماء: كلهم بخير خالتي
ام سلطان: الاهل هنا
شيماء: ياليت مابعد يجوون
ام سلطان ابتسمت ولفت على سلطان
ام سلطان: اثاريك تاركني وقاعد تتسوق هنا
سلطان ضحك وحط يده على كتف امه : لاياغلالاي لاتفهمين غلط
ام سلطان: مالي دخل
شيماء تضحك مره حبت عايله سلطان
سلطان يبوسها
ام سلطان ضحكت واستحت: حكي بس
سلطان: فديتك انتي والله
ام سلطان: طيب يلا وخر عني بروح للبنات
سلطان ابتسم: يلا باي
"ام سلطان ضحكت ومشت"
.
.
.
"بعد ساعه ونص في الشقه "
"وصلوا البنات وعلى طول وصايف وجنى بدلوا اول ماوصلوا وراح يشوفون الفساتين عليهم من جديد ويرونهم امهاتهم واول ماطلعوا كلهم ابدوا اعجابهم عليهم "
غزل: وصايف عطيني اقايسه
وصايف تستعرض لهم: استني شوي اتحلى على نفسي
غزل : يلاقوومي بس
وصايف: ههههههه طيب
"وقامت معها"
اديم: مخليك هذا الفستان ناعمه
سهر: أي مررره
جنى: وش قصدكم انا مو ناعمه
سهر: ههههههه حشاااك
جنى: ماحبكم يمه انا مو ناعمه
ام فيصل: من قال كذا
جنى بدلع: ذولا
سهر: مايلوووق
"ضحكوا عليها "
ام فيصل: مالهم حق عليك
جنى: هيي يلا بروح اغير بديت اتضايق
منار: نسيت اقولك شي
جنى لفت عليها
منار ابتسمت: منحففففك
جنى تشققت: واخيراااااا ياحوبيلك والله كل حفله بلبسه اجل
سهر: ههههههههه أي والله مبين
اديم: لاتقولون لها كذا ترى تهون عن الدايت
جنى: لاوالله بستمر ودام كذا شغلوا التليفزيون برقص عن خاطري
"ضحكوا عليها البنات والامهات مبسوطين على سوالفهم وشغلت التلفزيون وحطت على روتانا الي ماعندهم محطه عربيه غيرها وكانت اغنيه كاظم الساهر حافية القدمين وبدت ترقص "
"في الغرفه "
وصايف: افسخييييييه مالي دخل
غزل ضحكت: هههههههه
وصايف: والله مالي شغل مايصير عليك احلى مني
غزل: كيفي يلا يلا قومي مشغلين اغاني
"وقاموا وبالطريق كانت الخدامه مقابلتهم ومانتبهوا لها وش بتسوي"
غزل: اوبس وصايف شعري علق بالسحاب شيليه
"ووصايف راحت وراها وحاولت تشيله وغزل تنفض شعرها بشكل عشوائي "
"الطرف الثاني كان مبقق عيونه ومو مستوعب اللي يشوفه "
غزل شهقت "والطرف الثاني استوعب ورجع "
وصايف: شفيييك
غزل تنتفض: مادري من الي شافني من العياال
وصايف شهقت بعد ولفت وشافت الخدامه تسكر الباب: هيي انتي شلون ماتقولين انه في حد هنا
الخدامه: انا مافي معلوم
وصايف مقهوره: انذلفي هناك
غزل: ياويلي وصاايف وش هالفشله
وصايف: اشش لاتبيني لحد امشي علو وعسى حد يحس ويتحرك نبي نفرح
غزل ضحكت ومشت
"غزل مشت وع وع وع ماشافني الا هو ياربي ذا بس شاطر بالتعليق ياربيه ياكرهي لك وش معنى هو ليه مو حد غيره الحيوان"
"وراحت الصاله ووقفت"
غزل: وش رايكم
سهر: وااااااااااو يجنن
اديم: جايبك جيب
منار: ابي فستاااااااااان
ام فيصل : يارب يوفقكم ويرزقكم بالزوج الصالح وناخذ لكم ذيك الفساتين الي تقول الزود عندي
وصايف: امييين
"ضحكوا البنات الي مسوين انهم ستحوا "
ام محمد: روعه عليك غزل
غزل بحيا: مشكوره خالتي"ولفت على وصايف" وصايف تبيعيني
وصايف توهقت
جنى: هههههههه وجه وصايف متوهق
غزل ضحكت : هههههههههه استهبل
وصايف بخجل: فداك
غزل: تسلمين عليك احلى
جنى: الله يخسك من حلاته وقف رقصتي سرقتي الاضواء مني
"ضحكوا عليها "
منار: انتي مايبيلك غير طلال اخوي والله لاتجيبون عيال محششين
"ضحكوا علييها"
وجنى تتف: فال الله ولا فاالك انا باخذ لو واحد رزين مايصير ثنينا مهايطين
غزل: هههههه كان عيالك ينقزون من بطنك قبل شهرهم
"ضحكوا عليها"
جنى: هههههههه حرام عليك.. امشي بس نرقص
"ورقصوا على الخفيف"
ام فيصل: هالبنت ولاتستحتي
ام محمد: ههههههه خل يوسعون صدرهم
ام فواز: الله يرزقهم بالزوج الصالح
ام محمد: أي والله سعد عينه اللي بياخذ بناتنا
.
.
.

[♥} آمـل الـ عٍ ـشآق ♪]

اخس عليها وش ذا الجسم الي عليها حوريه اوف اوف ماتوقعت عليها هالجسم .. زين ماشفتها ذاك اليوم في بيتنا بلاسود كان صدق مانمت من يومها.. الله يخسها اثاريها كذا .. ااااخ اااخ ياربي ملاك والله انها املح واحلى من الملاك عليها ملح .. مابقت شي لنا .. ما الوم يوم قمت اهاذي فيها "
.
.
.

بعد مرور ثلاث ايام

في الهايد بارك


"كانت الحريم والبنات متجمعين هنااك وقاعدين يسولفون .. شوي وقاموا البنات كل ثنتين ثلاث يمشون مع بعض .. فكانت غزل وسهر مع بعض واديم ومنار مع بعض وجنى ووصايف كانوا يمشون مع بعض ويسبون في الكبار ليش انهم صافطينهم "

"عند منار واديم "

منـار: ديوم ابي مقهى فيه نت
اديم: ليه الوايرليس مابعد يشبكونه
منار: لامابعد وابي اكلم البنات
اديم: والله مادري تبين اسألك فيصل
منار تفشلت: عادي
اديم: أي عادي وش دعوى "وطلعت جوالها ودقت عليه .. ورد عليها خبر من سلطان انه في واحد قريب من شققهم ..وبعدها سكرت"
منار: يلا قومي نروح
اديم اخترعت: لااخاف نبي حد يجي معنا
منار: ديوم وش تخافين بنقول لامهاتنا وبنروح
اديم: مادري
منار: من جدك
اديم: أي بقعد هنا قولي لوصايف وجنى اكيد هم بعد يبوون
منار: اوكي يلا قومي نروح لهم
"راحوا لجنى ووصايف الي كانوا قاعدين يلعبون سلمان وقالت لهم منار وعلى طول وافقوا بدل القعده هنا .. "
"اول شي قاموا يمشون ويمشون ودقت وصايف تستفسر اكثر عن المكان..وبس لمحوه سكروا منه .. بدت تمشي منار ومعها البنات يسولفون ومنارمعهم ومو معهم مشتاقه لسوالف سلطان وودها تركض للنت "
.
.
.

عند البنات

"رجعوا البنات من جديد جنب اهاليهم .. شوي وجا سلطان وطلال معه وباقي الشباب بعيد عنهم..
ام محمد: ياني فديت هالقبله ياربي
سلطان تشقق ان امه قاعده تمدحه قدام الكل: فديت راسك والله
ام محمد: تعال يبه تعال اقعد عندي
سلطان تفشل: لايمه زحمه عندكم
ام فيصل: اقرب يبه بخلي البنات يقومون يلا يابنات
"وقاموا البنات مثل الذبان وطلال يضحك عليهم"
طلال لجنى الي كانت اخر وحده : كش كش لعنة الله عليكم من بنات
جنى عن نفسها ضحكت على نطقه للجمله
سلطان: الله يخسك شتبي فيهم
طلال: حشا تقول ذبان مو بنات
سلطان: ههههههههههه
ام فواز: اعقل يبه اعقل
طلال جلس وجلس سلطان معه
سلطان: الحين من الي محرمه علي
ام محمد: كلهم حلال عليك بس اقعد
طلال: وش دعوى لو قلتوا حرام بنقوم
"ضحكوا عليه"
سلطان: استغفر الله
"احبـــــك يا اجمل الاحســـــاس وحشنـــــي حبـــــــك المجنون .. متى ترضى علي يا انتا احلــى مافي الكون "
"الكل صار يلف ناحية الصوت ولقوه موبايل قاعد يدق"
طلال: اللله
ام فيصل: هذا موبايل اديم"وردت.. وكانت سهر داقه تبي تتأكد وين جوالها فيه وقالت لها امها انه عندها "
سلطان بخاطره" هي هيي وانا اقول البنت ميب خاليه هلاشكال ماتخلى "
"شوي ورجعت اديم وطلال كان يناظرها وهي جايه وبعيونه نظرات الحقد يعرفها ويعرف شكلها ..اديم كانت منزله راسها بس تشوف طريقها ..واول ماوصلت لعندهم راحت وخذت جوالها وسلطان كان يناظرها من طرف عينه وكان يبحث بلوتوث يبي يعرف اسمها عشان يشوف عنها بس ماطلع له شي يثبت انه في نك نيم بنت هنا وانقهر ورفع راسه وشاف قفاها "
طلال بصوت واطي: ياشينك
سلطان: وش تقول
طلال: لاولاشي
"وقعدوا يسولفون وشوي وصلوا باقي الشباب وقعدوا مع الحريم"
.
.
.

"وصلوا للمكان المطلوب ودخلت منار وكان فيه ثنين فاضين ومتفرقين منار راحت لحالها وجنى مع وصايف "
"تشققت منار اول ماشافت سلطان موجود "