رحله وسط جنون الروح في مدونتي

[امير الجنون]

شكواي لـ(اللي) عليه الضيق وإفراجه
اللي إذا شاء..يرحمني ويرزقني

أما أنت يا أبو جبين عقد حجاجه
لا عاد تسأل "علامك ما أنت طايقني؟"

الناس كل على دربه ومنهاجه
وأنا عن الناس ما به شي يفرقني

ألا أني دايم أحب الصدق وأواجه
مخلوق..والله على هـ(الوضع) خالقني

حتى رفيقي ضماد القلب وعلاجه
على كثر ما أتمسك فيه..صدقني

لو أدري أنه مرافقني على حاجة
لــ(أمسّكه" حاجته..وأقول"فارقني

[امير الجنون]

ماقلت " احبك " ولا قد قلت " ماأحبك "
احب مالي عيوني " وانت تسواها "

لوتدري وش كثر تعنيلي تعرف انك
آخر أمل في حياتي وأول منــــاها



ياكثر احس ان بك منــي وبي منك
روح قسمها على شخصيــن مولاها



لاتقول شتحب فيني " أعشقك كلك "
من ليل شعرك لشمسك واخر اقصاها



سميتني نصفك الثاني وياشحك ...!!!
أنـا بسميك " كلــي وأنــت معنـاها "



تعبت اوديـــــك له يــاقلب ويـردك
لااخذ حلومي ولا خلاني انساها



كل الحمام استراح وناح في ظلك
والورد الأصفر سقته الروح من ماها



ليتك بعمري ثلاث اشخاص ماملك
واحد معي دوم و واحد روحي يـملاها



والثـالث " بجفن عينــي " لا فقد حسك
او غمض الجفن جاني فيــك يتباهى



مو بس احبك انا والله من احبــــك
" احب حتـــى ثرى الله اللي تاطاها

[امير الجنون]

دارت الدنيا وتبيني [ أعذرك] !
نامت عيوني وعينك ..ساهره

إنت لي ماضي ومابي ..أذكرك
والغلط وياك ... ماني مكرره


قلت لك إحذر غرورك يكسرك
ومن يحبّك واجب إنت تقَدّره

قبل لا تفكّر تهاجر بـ أهجرك
وعدّني غيمة حنان .. مهاجره


مثل ماجَمّعتك أقدر[ أ ن ث ر ك ]
يعني راسك لو رفعته أكسره

كنت لك مثل المواني ~ أنطرك
لين طاحت من عيوني الباخره

لا تظن أبكي عليك وأخسرك
إللي مثلك ( لازم ) إني أخسره

يا القليل الباقي طاحوا أكثرك !
في بحر - دمع العيون - الطاهره

أبقى أكبر شخص مر بـ ناظرك
وتبقى أصغر <~ من نويت أكبّره

في فراقك ماحزنت آآبشرك
وكانت الفرحه معاك مسافره !

كيف ألوّح لك وأجبُر خاطرك
وإنت إحساسي مكسّر خاطره
أشكر أعدائي كثير ~ وأشكرك
من سبايبكم .. فقدت الذاكره ..

دارت الدنيا وتبيني [ أذكرك ] !!
شفت منّك خير لأجل أتذكره ؟

إكتب الشطر الأخير بـ دفترك ،
القلوب البيض .. جداً نادره !

[امير الجنون]

لاتـحــطـنـي .......................
بـ راسـك ....و لا احـطـك بـ راسـي
رح قبـل لا تشـعـل بـ صـدري .. لــواهـيـبـه


يا شـاطر... اصـحـى ولا تٌـزود لـي عـماسـي
الــراس يــابـــس ... ولا دارت دوالـــيـــبـــه


لـو تنـكسـر شـوكتك .. ما ينكسـر بـاسـي
جـنّــب ترى ابلـيـس .. يـروي لـي مـلاعـيـبـه

مـشـكـلتك .. انك على || شعب الهوى || قاسـي
ومـشـكـلـتـي .. اني عـنـيـد .. وكـاره الطـيـبـه

تراني حـساس .. وانتا تــجـرح احساسـي
وجـرح الاحاسيس عنـدي ... اكــبـر مـصـيـبـه

ان كان قصدك ,, تـعلّـق قـلــبي الــراسي
كـان غـيرك اشـطر .. وبــدري شـخـص يومـيـبه


رح بـلّغ اللي ... مـسوّي حـضرتـه نـاسـي
ان راح || مـايشوف شر || وان جاء ..بهــلي بـه ...

اذا بـيـرضى علي , قـله : عـلى راســي
واذا بيزعـل علـي يزعـل || .. وش اســوي بـه ؟؟


بدري عليه .. اعتذر لـه واحـرق انـفـاسي
يـبـطـي ونـجـوم الســمـاء .. اقـرب مـطاليبــه


عنـدي همـوم ٍ .. تلهيـنـي عـن انعاسـي
ماشـلـت هم || الهـوى .. والشـوق .. والغيبــه

وانتا يا شاطر .. توكّـل .. واترك احساسـي
لـعـبــة الأحاسيس .. فـيها اغـراء و مـصيبــه


لاتـحاول انك تحـدى و تاخـذ قـيـاسـي
ما كـل شــي ٍ علـى بـالـك ... بـتـحـريـبـه


الـلّه يعينـكـ ... اذا حطيـتـك براســي
لأني لا حــطــيـت شـي براسـي ,,, اجـيـبـه

[امير الجنون]

يا قلب لا تحزن ولو طال ممشاي
خاو الصبر والاّ (التعب طبع دربي)

وش بك تحسب خطاي يا حادي خطاي ؟
الذنب ذنبك واصبح الكرب كربي

لو عشمك بالمجد واهدى لك الراي
الهاجس اللي مل طرحي وضربي

لا تاخذك ورديّة احلام دنياي
يكفيني اللي لمني وانتثر بي

والا سرى ليلك مع راعي الناي
الجرح غطّه كل ما هب غربي

كله عشان اذنٍ شفوقه لشكواي
وعيون حسادٍ تلد النظربي

ادنيت يمي قاصي همه ارضاي
وابعدت عني داني هان قربي

أضمى ولا ارجي حاسدي شربة الماي
لا قرّب الله من يد ال... شربي

حرام اعيش ولو شفع طيب مجناي
ان ما جعلت ادنى العرب يفتخربي

يا قلب توعدني بالامجاد يمناي
ويلوي ذراعي غيري اللي غدربي

وان راعتك ضلما على سكة مناي
قلت لقدم رجلي بلا قلب سربي

[امير الجنون]

يـاصـقر و اهـنـيك لــك جـنـاح تـطير

لـى طـرى لك نزعت وطرت يم الهوا

بـيـن قـلـبي وبـيـنك فـرق والله كـبير

لـى كفخت انطلقت ولى كفخت التوى

انــت حـايم وانـا بـالقاع دوبـي اسـير

فـي صـحاري زماني ذيب ليلي عوى

فوق جوك سحاب وحدر جوي هجير

الـقدم فـوق رمـضا والـخفوق التوى

الـحـذر يــا صـقر لا يـشبكونك اسـير

ويــل صـقـرٍ يـتـله مـربطه لـى نـوى

بـرقـعته الـلّـيالي فــوق وكــرٍ قـصير

عقب صفقه جناحه بالهوا لى اهتوى

كـل حـرٍ الـى ضـاق انـتهض لـلمطير

حـومـتـه بـالـسما سـاعـة لـقـلبه دوا

واعــذاب الـجناح الـلّي يـجره كـسير

كّـلـما فــزّ مـكسور الـنواهض هـوى

[امير الجنون]

وحيد وجالس لحالي رفيقي ليل قماري
ونامت كل خلق الله لهم أسرار مستوره
بديت أسترجع الماضي واقلب فيه أفكاري
واشوف الذكريات اللي سنين طوا مأسوره

[امير الجنون]

أمي من يوم ولدتني تضحيات فتضحيات
شي أشوفه وشي احسه وشي ماعنه دريت
يالله انك ترحم امي فالحياة وفالممات
وما تخليها فحاجه دامني فارضك بقيت


لو يقولوا في هدية لصاحبة أجمل صفات
كان فازت فيها امي هقوة وحدة هقيت
مانستني من دعاها كل ما تنوي صلاة
والله لو تطلب عيوني ما بخلت ولا بطيت


ياالآهي كان عندك كلتب فعمري بقاة
ليت امي تهتنيبه وانا ماعمري حييت
من شمال ومن جنوب وغرب في كل الجهات
حد يعادل ظفر امي في غلاها مالقيت


شفتها مره حزينه تدعي الله بعبرات
قلت مامن شر يامي يابعد كل من فديت
قالت استودعتك اللي مايضيّع مودعات
قلت باذن الله راجع يعل منك لاخليت


جنتي فاقدامك امي لا؛ ولي فيها نجاة
هذا تفسير اني شبرٍ لا وطيتي به هويت
لو بغيت اوصف غلاتك يللي مامنها غلاة
مابوفي في قصيدي لوحكيت ولو حكيت


العشر ماظني يوصل من جميع التضحيات
لك عيوني ياعيوني لو عطيتك مل عطيت
مالي عقب رضاك عني من سعادة ومن غناة
لورضيتي عني انتي بس يكفيني رضيت


مرجعي في كل اموري حتى منها المعضلات
يللي الدمعة مسحتي من عيوني لو بكيت
تسهر بجنبي ليالي لوسهيرٍ ما ابات
والأرق يسهرها حتى لو انا عنها غفيت


علمتنا كيف دنيانا تقيمها الصلاة
وانه محّد مثل ربي سامعني لودعيت
واني مانزل جبيني حتى لو فالنايبات
وماترجى غير ربي لو تمنيت ورجيت


وانه ربي بيتقبل مني بس الطيبات
وانه ربي عارفني لو اطيع ولو عصيت
حببتنا فالرسول وفالامور الصالحات
وفالصراط المستقيم اللي على نهجه مشيت


علمتني فالمصايب كيف اواجهها بثبات
واني ما بوصل مرادي لوانا بس قلت ليت
وعلمتني ماتشكّى لابن آدم مشكلات
وانه ربي هوعزيزٍ لو انا العزّة بغيت


وقالت الدنيا ياجاسم شي ممزوج بحلاة
لايحزنك لو خذت ولايغرك لوخذيت
والظلم دايم ياجاسم صاحبه فالمظلمات
وقالت الشيطان شاطر بس تحذر ماقويت
وقالت بحبي ورضايه لاتهاون فالصلاة
واقرا م المصحف لأنه أفود اللي به قريت


يكبر بقلبي غلاها دام راسي فالحياة
يعل ربي لابقاني لو لحق أمي نسيت
يكفي من يوم ولدتني تضحيات فتضحيات
شي أشوفه،وشي احسه،وشي ماعنه دريت

[امير الجنون]

[امير الجنون]

عساك بخير..

وش اول واخر جروحك..

وش اخر واول فراقي..

يقولوا من المسا تلملم بقايا نبرتي وتروح..

على اول ذكرى بالشارع..

نسينا كل سوالفنا عليه و كل مواجعنا..

وصرنا فيه ندورنا..

ندور من ملامحنا ملامحنا..

تشتتنا تشردنا..

الين انا ندور في وجيه الناس..

تصور..

ولا قطره بوجيه الناس تشبهنا وتشربنا..

وارد ضاميك..

وبعد مثلي ترد ضامي..

واقول ان المسا كاسك..

واصب عيوني لإحساسك..

وانا اتكسر..

مع كل اغنيه تفتح هدبها والمح عيونك..

يا عون الله تلاقينا..

تصور..

بأغانينا تلاقنيا..

عساك بخير..

وش أول واخر جروحك؟؟

وش آخر وأول فراقي؟؟

[امير الجنون]

[امير الجنون]

ماودي أتخيّل حياتي / بليّـاك
يا أغلى من أقرب شخص لي بحياتي
ومن كثر ما احبك وأبي ساعة رضاك
شفني على خنجرك / كاتب وصاتي !
دامك تبي الفرقا .. فـ أنا اروح وياك
ما ابغى أقابل لين أموت .. امنياتي !
خذني وعذبني على كيفك هناك !
وان مت .. رجعني على ذكرياتي !!

[امير الجنون]

ياعيون الكون لاتضايقت قلي
عشان أحس بضيقتك وأتضايق
يكفي تلمح لي وأنا أجيك كلي
أضيق من شانك ولو كنت رايق
احنا اتفقنا نشكي لبعض ياللي
تخفي بضحكة عيونك حقايق

[امير الجنون]

أحيانِ فيِ عزِ الحزنِ وِ إحتدِآمهَ
............................. يمرِنيِ طيفك ... وَ يملآنيِ فرِح

[امير الجنون]

تعال خل المسافه
و العتب
و ....الغياب!
تعال ضم الـ \ حنايا ضمّه
بلا وعي!