من مد لي يمناه مديت له خمس ومن صد عني عفت شيفت بلاده لاني عزيز وعزتي تحكم النفس والنفس ماترضى بهون المكاده
(( من باعنا برخيص بتراب ينباع .. ومن عافنا كل الجوارح تعافه ماني بحاجه حب راعيه خداع .. والحب ماهو بالغصب والكلافه ))
(( مابيني وبينك مشاريه وعتاب::شف دربك اللي جيت منه تدله ماراح تغلبني لو الحب غلاب::من حضرتك عشان قلبي تذله ))
(( قولي لهم ياعزوتي ماعابنا موت النخيل .. !!........ اللي يوافيهاالأجل ..تموت لكن واقفه ))
انت عمري وابتساماتي والعذاب........وانت من غيرك ترى ماني محسوب
مثل صفرٍ خالف أرقام الحساب..........في شماله تاه يبحث عن جنوب
لو تناديني وانا وسط "التراب".........جاوبك عظمي ولو قبري "عميق"
الروح ولهانه على شوف شرواك......وان ما حصل قلنا عليها السلامي
القلب واحد والمشاعر ترجاك...........ترجي وصالك يا رفيع المقامي
تبقى رفيق الروح والروح تفداك.......ويفداك عمري يا رفيع المقامي
يا صاحبي فرقا الحبايب كليفه.......والبعد من بين المحبين حراق
يا صاحبي لولا الظروف العنيده......ما طاحت يديني على بيض الاوراق
يوم السديري قالها في وليفه........"ياليت ربي ما خلق حب وفراق"
وصلك مثل غيم الربيع استخيله........وأنا على باب المحبه رجاوي
حاولت قربك مالقيت الوسيله...........أنا أشهد أني بالمحبه شقاوي
مالي على ما يجري اليوم حيله........ولاني على بعد المحبين قاوي
أنا غرب واللي خاطري ينتحيله شرق..........بعيد وطن مظنون عيني عن أوطاني
حصل في غروب الشمس بيني وبينه فرق.....عسى الله يقرب دار من حبه أشقاني
بنيت لك بالقلب قصرٍ من ألماس.......ما ينهدم لو حاولوا يهدمونه
عليه يوقف وسط الأبواب حراس......ممنوع قصرٍ تسكنه يدخلونه
اّمر تدلل وش تبي دق الأجراس.......حنا حرس قصرك وحنا عيونه
وقتي معك ما ينحسب بالدقيقه.........وقتي معاك بفرحة العمر محسوب
بسمعي لصوتك تنفرج ألف ضيقه......ولاشقت زولك ما بقى بعمري كروب
وصلك يبلل خافقٍ جف ريقه............حرام لو هو معصيه ما أشبع ذنوب
يا صاح دمعي من عنا البعد همال........شوف الليالي كيف هزت زماني
ما جيت أبي منك ملايين وأموال.........ربي وهبني للنعيم وعطاني
جيتك رفيقٍ سابقه حلم واّمال............راجيٍ وصلك ولا أبي شي ثاني
عهدٍ قطعته أبد ما انساك.......عهدٍ علي أوفيه وأوفيك
من يوم قلبي صار يهواك......والفكر دوم بشوق يطريك
لا تفتكرني بيوم بجفاك..........وأنسى ودادك أو أخليك
أفداك وافدى بسمة شفاك......وأدعي إلهي لي يخليك
طالت الغيبات يا غالي علينا........لو يطول البعد ما والله سلينا
المشاعر همها لحظة لقاك.........يا كريم النفس مثلك ما لقينا
لك معزه زادها عندي وفاك........ليت قربك يا هنا العمر بيدينا
ما هو بكيفي أعلن الحرب وياك..............لو قال عقلي قام قلبي يصده
والله أحبك صدق وش فيك وش جاك؟.......أبغي محبه بس من غير شده
ولا جاك غيري لا تحبه اذا جاك..............تكفى طلبتك..لعنبو جد جده
يفداك يا خلي سلاح الإشاره..............والهندسه وأركان حرب المغاوير
ويفداك من علق على الكتف شاره......ويفداك سربٍ كاملٍ بالطيايير
ومن نام ليله واّمن في نهاره.............ويفداك من يمشي على الارض ويطير
اللهم يا جامع الناس يومآآ لا ريب فيه
اجمعنى انا وخطيبى فى الحلا عاجلآ غير اجلآآ يـ الله ..
اللهم ارزقنى انا وخطيبى رزقآآ حلالآ مباركآ يـ الله ..
اللهم أسعد قلبى بحب خطيبى وأسعد قلب خطيبى بحبه لى ..
يُعْطِيَكَـ.. الْعَافِيَهُ
سٌسًلمتَ..يًٌمنَّاِكـَُ..عٍ..اْلطًٌرَحَ
أنتًٌُظٍرَ..جًٌمٍيَلَ..عًٌطَرٍّكُـ
وًدِيًٌ..وًُ..وٍرَدَيَُ
كـ عادتك بصماتك
جميلة أينما كانت
آتوق لرونق إبداعك
طبتِ
الذين يشاهدون الموضوع الآن: 1 (0 من الأعضاء و 1 زائر)
المفضلات