بعض من التغريدات امل ان يحوز منها شي على رضاكم
@@@@@@
كل يومٍ في غيابك عن سنه
عدها بالله كم عمر الغياب
تدري ليش اسألك ياروحي عنه
في غيابك صرت محسود العذاب
#ع_اللحيم
@@@@@@@
عيّدت بي ضحى عيد الفطر
جادلٍ يادوب زمً انهيدها
من نفسها فاح شارعها عطر
كن زهور الريف في تنهيدها
جت تخطى على مثل الجمر
لاهيٍ عنها وكادت كيدها
#ع_اللحيم
@@@@@@@@@
ياكثر مااحبها لارحم ابوها
من غلاها شفني اتنفس هواها
خدها وعيونها الا كلبوها
نعمةٍ من صد عنها مالقاها
#ع_اللحيم
@@@@@@@@
مابقى للجرح في صدري محل
الغلا ضيّق مساحات الصدر
ان رحلت الحب باقي مارحل
وان حضرت اعز واغلى من حضر
#ع_اللحيم
@@@@@@@@@
مل قلبٍ لاعه امن الهم لايع
لوع خربٍ وافي الجنحان لاعه
اشقرٍ ماهد له يومين جايع
جايعٍ شاف العشى عقب المجاعه
#ع_اللحيم
@@@@@@@@
بعض الصداقه تستبيح الاخوّه
للمجد والناموس والعز سلم
وبعض الصداقه لاحياء لامروّه
خطٍ لامنه ماشِحن مايكلم
#ع_اللحيم
@@@@@@@@@
الصداقه عزّها بيض الوجيه
محزمٍ لو جار وقته ماارتخاء
ودك ان اللاش مكتوبٍ عليه
شاهده حصري فقط وقت الرخاء
#ع_اللحيم
@@@@@@@@
المفضلات