باك مع هذا الصباح الجميل :mornincoffee:
عاد شوفني خشيت وانا وجهي لسه مفقع نوم وشعري حالته جميله منكوش :20: :41:
المهم خلينا نخش عالموضوع لانه عاجبني مرا وحابه اهرج كتير :20: :30:
الاسئله :~
س1/ قبل لا تنام هل عندك طقوس تسويها قبل لاتنام مثلا تحب تنام بالظلمة لازم تقرأ كتاب او جريدة
طبعا :3:
اول شي : اتوضى وبعدين اغير ملابسي وامشط شعري واتعطر واجيب كريمي واحط منه
واوقات البس شراب واوقات لا :20: حسب الجو :39:
وبعدين انفض سريري واشغل سورة البقره بصوت احمد العجمي 004
وبعدين اجيب التاب حقي احطو جنبي وجوالي كمان لازم منه الشي دا :41: :3:
وبعدين احط عطر بريحة وردة التوت على سريري كلو وغرفتي واتغطى واقفل الابجوره وانااام :3::41:
س2: هل لك وقت انت حاطه وملتزم فيه للنوم والا متى ماتحط النوم براسك وانت >> اخخخ تششششش
بصراحه يعني :41: ... انا تجي عليا فترات بسسس انام زي الفتره الي امر فيها دحين :20: :4:
واوقات تجي عليا فترات ما ادوق طعم النوم :4: واوقات عادي امشي على وقت معين
مثلا زي الفتره دي اليوم عباره عن 24 ساعه :20: انام 20 ساعه و 4 ساعات صاحيه :) شي مؤلم وقسم :4: :20:
ولمن يكون عندي قلق تلاقيني اسهرر كتير وانام متاخر ومااكمل 5 ساعات الا وانا عيني مفتوحه كانها عين بومه :3: :30:
ولمن يكون وضعي طبيعي مرا مثلا تلاقيني اول ما اكمل 12 ساعه او يجي الوقت على نفس الوقت الي نمت فيه اليوم الي قبلو تلاقيني اتوحش للسرير سبحان الله ويكون نظامي منظم كدا يوميا بنفس الساعه نايمه :3: :71:
س3 : من الامور اللي اشوفها جددددددا مهمة
هل انتا من الناس اللي تحط رويسك وتنام على المخدة على طووووووووووول والا تجلس تدادي بحالك >> يعني تسلي وتدلع نفسك وتفكر وتحل قضايا الامة العربية ليييين مايشرف النوم لك
ياريتني من الناس الي تحط راسها تنام بس :4: :20:
وقسم اخش الغرفه اجلس ساعه ساعتين بس افككر لين اتعببب انام بدون ما احس مرا شي متعب الطبع دا سيء بقوه :4: :51:
س4: نقيييييييييييطة صغنونة
لازم تنام بمكان مخصص لك والا على قولة تيمون بفلم الاسد الملك>> الرجل تدب مطرح ماتحب
يعني بأي مكان تمد هالكراعين وتنام
ههههههههههههههههه :3: اهم شي المقطع فاكره يعني ماشااءالله عليك :20: !
للاسف انا ما قدر انام ولا اعرف انام غير على سريري وبأجواء غرفتي لازم :4: وعشان كدا بتعب بقوه لمن انتقل لمكان تاني غير بيتي اتعب مثلا سفر اجلس ابكي لاهلي وربي معرف انام ويستلممني القلق بشكل يبكي :4: :62: مرا ماحب الشي دا واعتبر النقطه دي من اهممم الاشياء بحياتي :30:
س5: لنقطة اللي ماااااااااااااغصتني
هل انتا من الناس اللي اذا كنت نايم وقمت لأي سبب هل عندك عاااااااادي ترجع تنام او ياليل مطولك عشان يجيك النوم
ياليل مطولك بقووه كمان :7: ولمن تصير تلاقيني قايمه وراكبني مية عفريت
والتكشيره بوجهي طول اليوم والنكد ماسكني واكره نفسي :12::139:
وخصوصا ياويل اذا كان سبب قومتي دي من احد من اهلي وربي معرفهم وقتها واخربها :20: !
س6: التصنيف
تصنف حالك أنه
نومك ثقييييييييييييييييل ولو ايش صاااار ما صار ماحولك عرب والا زي الريشة اي قربعة عندك تفز قايم
هههههههههههههه طريقة وضعك للاسئله اشوفها عباره عن حشيش اصلي :20: :20:
للاسف نومي مرا خفيف بطريقة مزعجه :4: يعني مو من فتحة الباب بس اقوم !
اقوم عالمكيف لمن يفصل وعلى صوت السيارات اوقات اصحى مفجوعه :4: :20:
وعشان كدا لمن اعطي اهلي خبر اني بنام محد يتجرأ يقرب من الباب لين اصحى :3:
لانهم عارفين لو قمت بسببهم حيلاقو تكرونيه بوجههم منفجره :20: :30:
وخصوصا اني لمن انام انفجع من اقللل حركه حتى فكة الباب انفجع منها اوقات :30: :20:
س7: سعوال عالطاير
ياترى لو عندك كلية او دوام ونايم
تقوم على المنبه او لااااااااااااااازم احد يصحيك وبالعااااااافية يصحيك وبحب الخشوم كمان عشان تقوم
انا الحمدلله من يوم خشيت اولى متوسط صرت اعتمد على نفسي في الصححيان تلاقينني احط منبهي
عالجوال واقوم عليه علطول :tongue::tongue:
بس بخصوص لمن احد يصحيني يعني لمن اكون ماورايا شي اطنشهم وارجع انام :20:
لكن لمن يكون ورايا شي محد يجي يصحيني تلاقيهم يلبسو هما وعارفين متاكدين اني قمت والبس :3:
شي جميل الواحد لمن يكون كدا ياخي :20::41:
س8: سعوال الابداع والافلام
هل انتا من الناس اللي تسوي افلام وانت نايم يعني تتكلم وتسولف وتمشي ياليت تقولنا موقف صار معاك
واذا مو لك .... لأحد من عيلتك >> لا اوصييييييكم توصوا بالقرقرة بالنقطة هذي
هههههههههه الحمدلله لا حتى عشان اتاكد من نفسي كنت اخلي ماما تتابعني وانا نايمه :20:
ولمن اصحى اقولها ها سمعتي شي؟ تقولي كل شويه اشك انك نايمه اجي احط يدي عند خشمك :20: :3: مرا مالي حس ولا اي صوت وانا نايمه :41:
وبخصوص احد غيري امممم عندي اخويا الصغير متحمس دايما للمضاربات ويحب الاجواء دي الله يصلحه :20:
تلاقيه وهوا نايم يضارب وفجاه ونحنا جالسين تلاقيه يرفس او يصرخ او يسب :20: حالته صعبه صراحه :9:
واخواني الباقيين اوقات قليله تلاقيهم يتكلمو مع حماسهم بأحلامهم يرمو كم جمله :20:
وكمان مرا من المرات كنت نايمه وكان عندنا لمة من الاهل وكانت نايمه جنبي بنت خالتي :20:
ونسيت اسال عنها قبل وقت النوم لانه دايما قبل لاانام مع احد اسال اذا يتكلم او يتحرك وكدا ماانام معاهم وقسم وتلاقيني انام لحالي بمكان تاني :20: اخاف احس اني بفلم مرعب وقسم :4: :007:
المهم بعدين شويه اسمها تسوي صوت غريب وظلاااام عارف لمن تتابع فلم مرعب وتسمع صوت غريب زي الصريخ بس بطريقه هاديه ويعلى بشويش ويلف البطل يلاقي الوحش بوجهه :4: :4: :7:
زي كدا تخيلت علطووول صرت ماسسسكه اللحاف وثابته بمكاني واقرا اية الكرسي :7: :4:
وفجاه ديك تزززيد وتصرخ وانا اصرخ معاها بصوتي كله صحيت الي بالبيت وديك انها تهجد !
وبعدين بعد دا كلو فكو النور لقيتها جالسه جنبي تكلمني وهيا نايمه :3457: صرت اضربها اقولها وخري :20:
وديك انها تصحى !!! ابدا صارت تضحك وهيا نايمه وقمت معصبه ابكي واهلي يضحكو وسيبت الغرفه يومها ونمت مع اخواني :20: :9::30:
مرا تخوف لليوم لمن تجي تنام اقولهم لاتسيبوني معاها بغرفه وحده واغير الغرفه :20: :3:
عاد دي البنت اكشششن مسويه لخالتي :3:
س9: اااااااااخر شئ
هل عمره مر عليك بني ااااااااادم مو طبيعي بالنوم اخو او اخت او صديق و لأي درجة نومة يوصل
امممم عندي اخويا الي اكبر مني ماشاءالله عليه لمن يبغا ينام يناااام واوقات ينام يومين بس الفاصل يكون حق كم ساعه ويرجع يكمل ماشاءالله عليه :3: دا محطم الساعات القياسيه بالنوم اكتر شي :20: الله يحفظه ويحمه يارب 004 004
واخيرن خلصنا واكلت راسك بالكلام عارفه :3: :20: بس انتا تبغا كدا اعرفك تحب الهرج الكتير :20: :41:
وترا الموضوع اتعب اقولك ممتع بقوه حلوو و عجبني كتير :2::3:
حاول تجيبلنا افكار كدا بسيطه وجميله بمواضيع جديده شويمخ:cool:
وكلمة الحق تنقال :39: ., دايما تتحفنا بجديدك وبروعة الاسلوب بمحتوى الموضوع
جدا رائعه مواضيعك واحس اني انبسط فيها خصوصا لمن يكون فيها هرج وضحك وطبعا دي مواضيعك دايمن :3: :39:
يعطيك ربي الف الف عافيه اخويا عالطرح الممتع و الجميل :82::82:
واعتذر عن سوء تنسيق الموضوع لانه متصفحي خربان ماقدر احط اي خط :4:
سويت الي اقدر عليه فقط ., والمهم تستاهل اقووى فايف ستارز لك ولموضوعك البطل :64:
تقبل مروري ربي يسعدك اخويا .,"
المفضلات