البارت العاشر

دانه وقفت:قولي ليه مشكور انا اعرف البس..
امينة:لاتاخذي الموضوع بحسسيه يادانه..تركي مو قصده..
دانه بحده:إلا قصده وانا اعررفه..على العموم انا مو محتاجه مساعده حد..
وصعدت فوق..ودخلت غرفتي وانا بقمه عصبيتي..
دانه بكره:اناا اوريك ياتركي الزفت..اجل انا معرف البس..ولا اتزين ماشي ياتركي..ماشي..ان مخلتيك انت واهلك تشهقوون بشكلي..مكوون انا دانه..
.............
ام سعود:لاا يالغبية ابيك تتمايلين في مشيتك..
سحر وهي تتثائب:يووه يمه..من صباح الله خير تبيني اتعلم المشي..طيب خليه بعدين..
ام سعود:يالخبله..ام تركي عزمتنا بنفسها على بيت ولدها تركي..وانا ابيك تمرين صوبه وتسوين نفسك كنك مادريتي..فهمتي..
سحر:معزومين!!وليه مقلتي لي..وانا لسه مشريت فستان..
ام سعود:لاتخافين من الظهر نحوس في الاسواق..
سحر:اهاا..يعني احنا معزومين على العشاء مو على الغداء..
ام سعود:ايوا..
ام سعود شافت لطيفة لابسه عبايتها:على وين من صبح الله؟؟
لطيفة تلبس برقعها:على بيت دانه..
ام سعود:ومن متى بنت الفقر صار لها بيت..ذه بيت تركي..
لطيفة:المهم اناا بطلع دحين..
ام سعود حطت رجل على رجل:وبئذن من ان شاء الله تطلعين..
ابو سعود دخل:بئذني طبعا..يلا لطيفة خلصتي..
لطيفة مسكت شنطتها:أي يبه خلصت..
وطلعوا من البيت..
ام سعود:عشتووا..مدري وش شايفه فهالدانه..مالت بس.."والتفت لها"وين كنا..اي تدلعي في مشيتك..
...............
في السيارة..
ابو سعود:عاد لااوصيك بدانه..
لطيفة:.......
ابو سعود:أي شيء تقول لك عليه..سويه لها..
لطيفة:غريب اهتمامك فيها يبه..
ابوسعود:هي مرت تركي بن زايد ال...... وقبل ذه هي بنت اخوي الله يرحمه..
لطيفة بابتسامه:ان شاء الله يبه..تامر بشيء احين..
ابو سعود:سلاامتك..
لطيفة نزلت من السيارة(لو اقول لك عن امي وش سوت لها لما كانت ساكنه عندنا كان صار علووم..):يلا باي..
................
صحت ولا شافته يمها..قامت وخذت لها شور سريع..ولبست بنطلون جنز بلاك على بدي بلاك وفردت شعرها الاشقر على كتفها..وحطت لها سنبل ميك آب.. وكلمته:هلا ماجد..
ماجد بدون نفس:خيرر..
هتان بهدوء:الخير بوجهك..
ماجد قاطعها:خلصي وش عندك داقه..
هتان(عمرك مراح تتغير):بروح للمشغل و....
ماجد قاطعها مره ثانيه:كم مره اقول لك...انا مصرح لك بهالشيء..من زمان..فيه شيء ثاني دحين...
هتان:لاا..
ماجد بحده:اجل يلاا..
وسكر السماعة في وجها..
هتان بحده:ماشي ياماجد..
خذت شنطتها ولبست عباياتها وطلعت..وراحت للمشغل تبعها..
...........
لطيفة تمسح بالكنب:وااااو يادندون..يابختك..
دانه:على وش؟؟
لطيفة بحماس:على هالبيت الحلوو ذه..
دانه بعدم مبالها:ااي..خذي راحتك..
لطيفة جلست:علامك يادانه..
دانه:.........
لطيفة:حسيت انك مو فرحانه..
دانه بسخريه:وليه افرح ياحظي على وش؟؟
لطيفة:لانك ماخذه تركي بن زايد ال......
دانه بسخريه اكبر:تركي بن زايد ال..... مالت بس..
لطيفة:هههههه..وليه؟؟
دانه:بلاك مادريتي عن شيء؟؟
لطيفة باهتمام:لاا والله مادريت وش السالفة؟؟
.......
خالد:انا اقول السالفة ياطويل العمر..
تركي:اقوول اترك طويل العمر ذي..وبعدين اسمعك..
خالد:هههه..زين ياتركي..
تركي بابتسامه:أي كذا اسمعك..
خالد:هههههه...قصده راشد انك من تزوجت وانت مخترب..
تركي بستغراب:انااا!!!


يتبع....