قصة امانه لاتطلع حرارة انفاسك بحضن غيري

[اتعبني غيابك]

جيت بطلع:لازم يعني اتكلم ياست دانه..
التفت له وبستغراب:.......
تركي من دون ميطالعني:مو المفروض ياخدامه انك تستئذنين قبل مطلعين..
دانه انفجعت من كلمه
ياخدامه
ياخدامه
ياخدامه
دانه بقهر:اناا مو خدامه..سامع.."وبسخرية"انا زوجتك يازوجي العزيز...
تركي حط رجل على رجل وبستفزاز:بس على الاوراق..
دانه بقوة تملكتني لما شفته يستفزني:والله عند الناس احنا متزوجين..وهذا الاهم..وجه نظر الناس مو وجهتك..
اقتربت من الباب والتفت عليه وبحده:واياني وياك تسميني خدامه..واسمع من اليوم ورايح انت تخدم نفسك..انت وبنتك ذي..شاطره بس تستقوى علي..
وطلعت من المكتب..
وصعدت الدرج والتفت لصوت يناديني
كانت جالسه بجنب التسريحه وهي تطالعني بالمراية:مشطي شعري بسرعه..معدلتيه لي من قبل..

دانه قهرني اسلوبها:وش هالطريقة ألي تتكلمين معي فيها..
الجوري حطت صبعها فوق اذانها:كيفي..انا حره باي طريقة اكلمك فيها..
دانه:صدق انك قليله الادب..
اقتربت منها ومسكتها من يدها..وربي اني مشديت عليه بس كان قصدي اني الفها قبالي..وفجائه شفتها تصارخ:آآآآآآآه..
استغربت من حركتها..وتمت تصارخ وتزيد وخذت خدها وقرصته بقوة لين صار احمر..
التفت لفتحه الباب..وعلامه الغضب كلها في وجها..سحبني من زندي لعنده حسيت ان يدي بتنخلع...
تركي بعصبيه:وش سويتي لها يا كلبه..
دانه بالم..خوف..توتر..رعب:ا..انا مسويت شيء؟؟
الجوري بصياح:كذابه...ضربتني يابابا..وعطتي كف قوي..
دانه شهقت:لاوالله..معطيتها كف حتى.....
محسيت بنفسي إلا وانا بالارض من قوة الكف ألي عطاني ياه..
تركي بقمه عصبيته:وتحلفين بعد..شوفي خدها ليه احمر..."ورفعني من الارض وبصراخ"شوفي كيف صاير خدها من الكف ألي معطتها اياها..
دانه بين دموعي:وربي اني مسويت لها شيء..
تركي شد على يدي اكثر:شب ولا كلمه..وحذفني ع الارض بقوة وطق خصري بالارض حسيت ان حوضي تكسر..جاني الم مو طبيعي..نزلت دموعي بغزارة..
تركي شالها وبحنان:خلاص بابا...خلاص..مصار شيء..ولمها بصدره وهي تدعي البكى..وطلعها من الغرفة..
مقدرت اقوم احس ان عظامي تكسرت..
حاولت اقوم بس ماقدرت..وبعد 3دقايق دخل علي ورفعني بقوة من الارض وبعصبيه:انتي باي حق تضربيتنها ياكلبه..
دانه حطيت يدي على خصري وبين دموعي:وربي اني مضربتها ولا سويت لها شيء..بس هي مدري وش فيها تصراخ..
تركي بحده:اسمعي يابنت الفقر..ان لمستي شعره من بنتي متلومين إلا نفسك..سامعه..
دانه بين دموعي:.........
تركي بعصبيه:سامعه..
دانه هزيت راسي وبنوحه:أي..
ودفعني بكل اشمئزاز..وطلع من الغرفة
طحت في نوبه بكى..
دانه(هذا من اولها وكذا..اجل لو اجلس في شهر..)مسحت دموعي بعنف..حقد..قهر..كره..الم..
دانه:مو انا ألي تبكي ياتركي.."وبقهر"انا اوريك ياتركي..انا اوريك..
........
ام تركي:انتي ليه متبطلين اكل؟؟
مياسه وهي تاكل:مقدر يمه؟؟
ام تركي بقرف:وجع..لاتتكلمين وانتي تاكلين؟؟
مياسا:وش اسوي يايمه..انتي ألي تجبرين الواحد على الكلام..
ام تركي التفتت لامينة:وانتي على وين ان شاء الله..
امينة وهي تلبس برقعها:على بيت اخوي..تدرين معنده خدامة واكيد البيت مزبلة..
ام تركي:طيب روحي اخذي واتي"الخدامة" معك..عشان تساعدك..
امينة:أي والله..تلقين البيت يبيله خدمات مو خدامة وحده..يلا سلام..
ام تركي:اخذي اجل معك ام الاكل ذي..
مياسه:انا اسفة..ماابي ارتب بيته..ذيك المره لما رتبت بيته وربي ان ظهري تكسر..بيته كبير يمه..
امينة:خلاص خلاص..اصلا انا مراح اوديك...
مياسه:احسن لك..
.......
كانت مستليقة على سريرها..وحاطه يدها على خصرها..ودموعها تنزل بالم على خدها الناعم..
ناظرت بساعتها الوردية..وهي تعلن عن دخول الثامنة ليلا.. ولسى مجاء تركي ولا بنته الجوري..لما بكت ودها على طول لسوبر ماركت تشتري ألي تبيه..وودها للملاهي..وإلى الان مرجعوا..
قامت بصعوبة من سريرها..بطنها يصفر من الصبح مكلت إلى الان..نزلت شوي شوي من الدرج..
......
بنسبة لامينة
نزلت من السيارة وفتحت بيت اخوي بالمفتاح الاحتياطي ألي عطاني اياه من زمان..عشان انظف بيته كل اسبوع مره او مرتين..
فتحت الباب وانبعثت ريحه حلوة من البيت..ولعت الانوار الصفراء الهادئه..وشفت المكان نظيف بالمرره..
امينة بهمس:معقولة اخوي نظف..ولا جاب شغاله..بس هو مستحيل يجبي خدامه في بيته..
التفتت للملااك ألي نازل من الدرج..تمشي بحذر..بخفه كنها خايفه انها تطيح...
لاااا مهلاا..كنها طايحه..
اقتربت منها عشان اساعدها..سرحت في ملامحها الناعمه..البريئه ألي عمري مشفت زي برئتها..كنها سوريا على جمالها وبياضها..
امينة بذهول:انتي مين؟؟
رفعت ناظرها لفوق وعلامه الدهشه في وجها:نعم..عفوا انتي ألي مين؟؟
امينة:انا اخت صاحب البيت..
دانه تستوعب:أي انتي اخت تركي..
امينة بذهول:انتي مين؟؟
دانه نتزل شوي شوي من الدرج..
امينة اسندتها عليها:اساعدك..
ووصلتني للصاله وجلستني بالكنب..
امينة جلست:سلامتك وش فيك؟؟
دانه:.......
امينة كملت:طحتي..
دانه(لاماطحت بس اخوك ياجعل يده الكسر كسرني تكسر)بابتسامه:أي من اللويا..
امينة:هههه..انتبهي مره ثانية..
سكتنا شوي..
امينة:مجاوبتيني على سؤالي؟؟
دانه ببرائه:أي سؤال..
امينة:انتي مين؟؟
كانت بتجاوب..بس..
يم الباب:ذي خدامتي...
............................