وشلون مدري كيف روحين في روح ؟؟

ما كنت اصدق باندماجكـ يالارواح !!



معقوله أحد يمشى معي وين ما اروح ؟؟

معقوله انا امشي معاه وين ماراح ؟!



أول احسب ان الغلا ضحكـ ومزوح

سمرة سوالف بين مركه ومسباح



اثرى الغلا بهالوقت احاسيس وجروح

لـوعة مـشاعر بين ذابح وذباح




ما يعرف الرحمه ولا يستر البوح

الزين من مثلي على جمرها طاح


ادري خطى مني ولاني بمسموح << والله أنا مخطي

اشكـ في روحي وانا فيكـ مرتاح



بس اعذريني عاشقكـ فيكـ مذبوح << مذبوح من الوريد للوريد

بين الرجاء والياس ضيعت الافراح << مدري وين ألاقي الفرح ببعادك


احلامي وأمال ومواعيدي واطموح << من غيرك وبغيرك لا طموح

يمكن مدى صبري بتاليه مفتاح << كأن الصبر بدا يخلص



احلامي ومواعيدي واطموح << تلاشت بفراقك

يمكن مدى صبري بتاليه مفتاح



والحين اقول بصدق روحين في روح

صدقت والله باندماجكـ يالارواح << دام تصحى وتنام فيها فأكيد أصدق