انثر صــــــوت الحــرف ياقلـــم لو عانق الحـــــــــرف سكاتك
خل قلـــــب لا شاف حرفــــك يمــوت ويحتـــرق مـن الحــــره

البارحــه تناقــض القلــــم مــع حرفـــك وتمتمات صفحــــاتك
لحظـــــــه دقيقه راجع حرف كتابك وافهم الحــــــرف والفكره

الكـــــلام اللي انزرع بداخلك ولعــــــــب دور بداخـــــــل ذاتك
نساك حــــرف نثرته وتناقض مــــع اوراق قلمــــــــك وحبره

مـــــــــدري كيـــف وليـــه تحاول تســــــابق بثواني خطواتك
وأنت تدري إن السحاب يعدي فوقك واصـــوات الارض منجره

ادري مافهمني ولا ملكني تمشـــي بدربك لكن وين حيــــــاتك
تعداني بقتباسه وثرثرة حــروفه وتعديته بفكــــري وبعمـــره

مخــرج ومنتـــج ونص حـــوار تقــوله ماهــــــــي حواراتك
كومبارس يدور على الاضــــــــواء حرف يوديه وحـرف يجره

دمعاتك تخفيها بأبتسامة زيف لكن وين صـــــــــدق ضحكاتك
ادري اليـــــوم تقرأني وادري من يواسيك وادري تخنقك العبره

كأنك تبي ترتقي فوق لحظـــــه دقيقه راجــــــــع بس حساباتك
لا تتوهم وترقــــى علــــى اكتاف اليـــوم صــــــــــارت منكسره

وكأنك مافهمـــــــت عباراتي خلك بين صمتك وجــــدار صفحاتك
يجي يوم وتعرف ليه خالــــــــد ماتجاهل حرفك وليه نثرك بشعره
للحرف صوت