#
من ورى آلليل صبح ومن ورى الصبح ليل..!
يـا حميـد المعـانـي خلَـنـا نبـتـدي..!
طرفك اللي رحل بـي لآخـر المستحيـل..!
مال ظلَـه ل/عينـي وانثنـت فـي يـدي..!
ثمرتينـه وهبّـت مـع صبـاگ العليـل..!
عبرة ٍ تنطـق اللْهفـه بحـرف ابجـدْي..!
وانت ساكت وعمرگ فـي يدينـي قليـل..!
ما رضيـت الكـلام ولا عتْقـت اجْسـدي..!
كان مالگ بعمـري غيـر درب الرحيـل..!
النهايـه بدايـه ل/ الشقـى السَـرمـدي..!
قلّ ولو كـان قولـگ دمعتيـن وعويـل..!
جرح عمري تطمَن وسط صـدري مِـدْي..!
قلَ ولو كان موتي مـن كلامـگ حصيـل..!
نزعـة الـرَوح فينـي سابقـه موْلـدي..!
قلَ ولـو گـان حضَـي بالعطايـا بخيـل..!
ما تمنّيـت حاجـه واقبلـت بـ/سْعـدي..!
قلَ ولو ما كِتب لـي فـي ظلالـگ مقيـل..!
يابس الرَيق ولْضـوح السـراب آعـدْي..!
قلَ ولو مـا بقـى لـي فالليالـي خليـل..!
من يواسي عيونـي غيـر نجـمْ الجـدْي..!
مقتفينـي سـواد الليـل وانـت النزيـل..!
كل ما اجتـاح سـوَاح السَهـر مرْقـدي..!
ارقب العمر من رجـم الامانـي وآخيـل..!
من ورى الصبر بـرقٍ بالوعـود يحْـدي..!
مال هتّان حظّـي فـوق قاعـي مسيـل..!
عشبة الحلـم ماتـت بالظّمـا الجرْهـدي..!
لا تظّن ل/ شتاتـي فـي سكاتـگ بديـل..!
غير تعبيـر رجفـة دمعتـگ مـع يـدي..!
صوتگ الريـح وضلـوع الحنايـا نخيـل..!
كل ما همهمت طـاح التمـر ب/ جْهـدي..!
من تعـادت بصـدري لـ التعابير "خيـل"..!
وانت وجهـه حـروفٍ حرّمـت تهتـدْي..!
غير قبلة ضياگ وفـي لحـون الصَهيـل..!
جاتك تدّك فكـري فـوق نزفـي عَـدْي..!
لين فاحت دلالـي مـن ملامحـگ هيـل..!
مختزلـهـا واوّرث حبّـهـا ل/ ولْــدي..!
كل طـاري يمـرّ العقـل عابـر سبيـل..!
غيـر طاريـگ ل الغربـه بوسْـط بْلـدي..!
حلَ صبحگ وانا مالي ورى الصبـح ليـل..!
لا تخفّي ضياعـي تحـت ضـمّ اجْسـدي..!
من سوالـف ملامحـگ الحزينـه دليـل..!
ينطقه صوت جرح ٍ طـول عمـره نِـدي..!
لو سمعت بخفوقي صوت[ تكفىْ قتيل ]..!
لا تهمّـگ مـدام إن الشـقـى مبـتـدْي..!
شدّ حيل الحنايـا مـا بقى فـيك حيـل..!
واعتق الحكي واترك جمْرتگ لـ/ بْـردي..!
لا تخاف انجرح لا قلت : حـان الرحيـل..!
والله ان جرح عمري قبل اعرفـگ مِـدْي..!
#
صْدر آلسمَآء لوعتْك لو عفتها "غْيوم" ..!
يفرح بها خدْ الفياااض المجاريح ..!
وتسيّل لْما يحمله كل محروم ..!
امْن العتيم ,افراااح وسْم ومصابيح ..!
لكنَ انا لوعاتي بـْ صدري "هموم " ..!
لوعفْتها ,ترفض من عْيوني تْطيح ..!
متشبَثه فيني كما وهلة النّوم ..!
لا سآقها لـ اغصان جفنيني الريح ..!
حتى وانا في عزَ ما كنت مظلوم ..!
عيّـت من الظَآآآلم تخلَيـني آصيح ..!
تخاف لا سآقوا على دمْعتي لوم ..!
يهزَها ضعْفي , ومن جفني تْسيح ..!
من كنت "طفْل" وفوق الامتان مزموم ..!
وهْي بـ ريضان الحشى تغزل الشَيح ..!
حتّى رضيت وكل مقسوم مقسوم ..!
لو جرْحهم " طير" , وخفوقي ملاويح ..!
تبقْى وببْقى لجلها "سرْ مكتوم " ..!
وتعيشني ليـل , وخفاها " تبآريح " ..!
ولو قلت يلفي للفرج يا صدر يوم ..!
ويصافحوني بـ الحْكي دون تجريح ..!
كمْ لي وانا عن فرحة العيد مفْطوم ..!
ولا لقـيت لـْ عيدهم أيْ تلمييييح ..!
ما ظنْ بآقي لـ الامل طيرٍ يْحوم ..!
واكبر عذْر بيَـن, ما يحتاج توضيح ..!
جفن السّهر , لو حسَ في "دمعة النّوم" ..!
ما حدّها كلْ ماا بدا " ليـله " تْطيح ..!
#
بل آلوله بـ الوصل وش فيگ تمْنحني ..!
لا قلت وينگ:" جفاف العمر" من روحگ ..!
وإن جيت , جيت بـ غيومٍ ما تريْحني ..!
ترعدگ بالقرْب لكن بالقسى تْلوحگ ..!
وانا انتظر عن خدود الحزن تمسحني ..!
وعشان يزداد بي ْ, تسقيه من نوحگ ..!؟
الله على ضعف خفّاقي يسامحني ..!
والله يسامحگ في ذنبْگ و مجروحگ ..!
بس اتمنّى بعد مآقول لگ : بِحْني ..!
تقراا كـلام ٍ تموت ولا ْكتبه بوحگ ..!
لا جيت ناوي بـ عين الجرح تلْمحني ..!
بطلبگ حـاجه وانا ذنْبك ومسموحگ ..!
جب لي معگ قلب ثاني قبل تجرحني ..!
القـلب الاوَل شبع من كثرة جْروحگ ..!
#
الصمَت بين شفاگ جرح ِ تخافه ..!
دمعة عيوني , والوله , وانتظاري ..!
وانا على جال التعب والمسافه ..!
واخاف "اسافر" , ما قبلت اعتذاري ..!
واخاف اعيشگ بين حزن وحسافه ..!
وابقى "حزيين" ومنتحي عن دياري ..!
ولا ودي ارسي بالرحيل وضفافه ..!
وانت , بخفوقگ " لوم" يعتم نهاري ..!
تدري , شعوري مثل قلبي وقافه ..!
لا صاح صدقه , جاه بالبوح ساري ..!
ماهو بيدّي .. امنعه او اعافه ..!
هذا , شعور ولا لفى بـ إختياري ..!
لكنَ , سولف للفؤاد وجفافه ..!
وامطر "مواستگ" وبلَ الصحااري ..!
ولا تقول : وش حدّگ على هالكلافه ..!
ما دام "نجمگ" مهتني مع مداااري ..!
هذا , نصيبي لو ما احبّه وآخافه ..!
يبــقى الوحيد اللي بيـدّه قراري ..!
عزّمت , واخفيت الشقا واعترافه .!
ما ابغى دموعگ تشعل آهآت ناري ..!
والحين جيتگ , بـ التعب والمسافه ..!
واخاف ارووح , ولا قبلت آعتذآري ..!
#
جيت لگ ساكت وسْولـف مدْمعـي ..!
ليه انا لا جيت اوادع صعْب أبـوح ..!
ترجفْ يْديني بْلا شْعـور وْ وعـي ..!
واصبح بـخوفي جسْد من دون روح ..!
يا موادع نزْف جرحـگ لـ اضْلعـي ..!
من كثر ما سال صار النَبض "نوح" ..!
وانتَ ما دامـگ فـردت لْ مسْمعـي ..!
طاري الفرقى , قبـل دمْعي يلـوح ..!
رحَ فمان الله وانـا مالـي سْعـي ..!
بهتني بگ "حلم" ما دامـگ شحـوح ..!
بسَ قبل إنَـگ تـروح بْ مهْجعـي ..!
والمنام يصيـر لـجفونـي طمـوح ..!
طالبك مـن دافـع إنـگ مُوجعـي ..!
وأعطف أيَامگ هدى صدري جـروح ..!
لا تروح وتتـرگ جروحـگ معْـي ..!
إمَـا خذنـا كلَنـا أوْ لا تـروح ..!
#
لآ تعتذر ما نسيت الحزن وافواجه ..!
دامي شعور ٍ " دمووع الوجد " تلعبّه ..!
الجرح باقي على شكواه وخلاجه ..!
من كلمة الظلم ما حصّل خبر طبّه ..!
لو قلت مسموح , تبقى النّار وهاجه ..!
في خافقي , قبل تِشْعم فيه/تحطبّه ..!
صحيح كانت بحرز الصمت واسياجه ..!
بسّ انّها خلف ليل القلب مشتبّه ..!
ما تنّسي لو نسى بحر الشقى امواجه ..!
اللي كِتب لي معه في غبّته غبّه ..!
ياما اعتلت بي لجنح الهم وابراجه ..!
حتّى اصبح الحزن اكثر شي ٍ آحبّه ..!
وياما رمتني على التفكير وازعاجه ..!
حتّى اصبح العقل , شيٍ دايم آسبّه ..!
لو قلت آسف , مافاد القلب منهاجه ..!
لو كان طيبه , يدين الصّفح تكتبّه ..!
لكن رح ْ لو بغيت العفو واسراجه ..!
ادع لـ خفوقگ يعجّل ربّي بـ طبّه ..!
بس اسمع اللي بقوله ,بـ آخر مْوآجه ..!
واذْكره لا قيل راحت روحه لـ ربّه ..!
[ مسموح في كل حاجه الا هالحاجه ..!
اللي جرحتني بلا ذنب , وبْلا سبّه ..! ]
#
لآ تسهر بـ قلبي مادام الشَقى حلْ ...!
ماااعاد بي " نجم ٍ" يهمَه نصيبگ ..!
مات الصَبر من بعد ما انْتظرگ وملْ ..!
وانا تعبت آقوول : [ ربي يجيبگ ] ..!
حتَى رضيت يصير "حبْرالنَوى" حلْ ..!
يكتب على خفَاقي.[ آلله حسيبگ] ..!
لكنْ ابوْعد " قلبگ " يكون لي خِلْ ..!
في خافق الذّكرى ولو ما رضي بگ ..!
واوعدگ تبقى لا ارْتسم طيفگ وطلْ ..!
في حظن دمعي, واطلبه يعتني بگ ..!
والحين ماباقي لـ شمس الرضى ظلْ ..!
حان النَوى, واصبح جريحگ طبيبگ ..!
برحل بـ جرحي, وانت لو خافقگ ملْ ..!
امن "الغياااب" اللي توعَـد نحيبگ ..!
خذّ غيمة اوراقي وقلْ : يا حزن هِل ْ ..!
واوْعدگ تلْقى في "مطرها" [ حبيبگ ] ..
#
مقهور لو مالي سـوى الدمـع حيلـه ..!
فرحتگ عبرة عارمه في ظميـري ...!
بكيت لگ ودموعـي اصـدق وسيلـه ..!
لو بيّنت للنَاس صـورة عشيـري ..!
والحين جيـت وخطوتـي لگ ثقيلـه ..!
في خافقي طيبي و صدقي وخيـري ..!
بقـول : و الدمعـه بعينـي بخيـله ..!
تشبه وفاگ اللي حضى فيه غيـري ..!
مبـروگك لگ درب الحيـاة الجميلـه ..!
ومبروگك لي جرحي وحسرة مصيري ..!
ل آلعذب ؛ مهند آلبدرآني
آتمنى آن ترتقي ل ذآئقتكم , ..
المفضلات