يـآقلبي رووعه آي شيء منكْ
هامش الطيش !!
كثر ما استكثروا حلمي وانا اتأملـك
من تعامت عيونـه جعلهـا بالعمـى
هات من آآآآآخر الدهشة مدى لأولك
جف صوتي وانا: يمكن/ عسى/ ربما
قبل هذا وبعده ما اكذب ان قلت لك:
اعمق الشعر بيتٍ يغسل المـا بمـا
وابسط الشعر بيت كلمـا استغفلـك
صب في الجرح ملح وذاب بين الدما
هامش يختنق بالطيـش لا يشغلـك
المساحة تضيـق وتتسـع كلمـا ..
.. حاصروا من غباهم نزوة تمتلـك
عاشق يستلذ الطيش حـول الحمى
في غيابه يدوّر كوكـب فـي الفلـك
وفي حضوره يسوّر نجمة في السما
"بعد هذا وقبله ما اكذب ان قلت لك"
ضحكة ما ارتوت بشفاه عذب اللمى
غيمةٍ تفـرد يديهـا ، وتستعجلـك
بين برق يلوح / وماطـر مـا همـا
علقت بالرجا قلب من الشـوق لـك
لا ارتوى بالسراب ولا ذبحه الضمـا
بشويش
يا سيّد أحباب السهر والخـوة
لا تستفز العاشـق الوحدانـي
من كم سنة والحزن هوّه هـوّه
قلت أكتبه لعيون مـن يقرانـي
كل الوجيـه المالحـة محلـوّة
وأنت الوحيد اللي نسى ينساني!
لو كل دربٍ في الأخيـر يتـوّه
ما كـل درب جابنـي ودانـي
أحيان أحس إن الزمان مشـوّه
وأحيان أشوه صورته بالعاني!!
إلا وأنا
لبيه يا حلم الورق كثر ما اشتقـت
للطيـش ودروب السهـر واللقافـة
للحزن وجروح المحبيـن والوقـت
للجسر وعيون المهـا والرصافـة
لعيون من يحبس مدى روحي اعتقت
صوتٍ يفضفض للضما عن جفافـه
ومن يومها، ما نام جفني ولا فقـت
إلا وأنا اكتـب نزوتـه واعترافـه
معقول تذبل وأنت للحين ما أورقت!!
ويجف نهرٍ مـدّ لأجلـك ضفافـه!!
كذّبت نفسي ، غصب عني ، وصدّقت
وهمٍ أحبه ، وأعترف به ، وأخافـه
في موعد عيونك حضرت وتدفقـت
كان الرجا مغرور ، والياس تافـه!
عثرت بأهدابك وطحـت وتشققّـت
وأنا اتمادى في اختصـار المسافـة
وش قيمتك يا حلم لا مـن تحققـت
واصبحت واقع ممتلي بالسخافـة؟!!
يسعد عيونه كثر ما امسيت واصبحـت
علـى هدبهـا هـاربٍ مـن رقـادي
واللي على بالي لـو أقولـه ارتحـت
لكنـي ألقـى عزتـي فـي عنـادي !
لو الحجر له قلب .. ويحـس بالنحـت
ما كـان وجهـه لعبـةٍ للأيـادي !!
"
تمتمت .. واستشرف ممر .. ولا لمحت العابرين
إلا وجيه أشباه ناس .. تشاف لحظة مـا تشـاف
عمر الندى ساعات .. والا العمر: عمر الياسمين
والبرد ما هو بالضلوع .. البرد من برد اللحـاف
"
أجمل أيام العمر ..
كلها/ يومين .. بس !
يوم :
يوم إنك تمر ..
ويوم :
يوم إنك تحس ..!
زنزانتي
زنزانتي حرية الطول والعرض
... يميل غصن وينقطف منه عنقوود
واشوفها في عيني اوسع من الارض
... وأن ميلت جدرانها تتسع زوود
ياصاحبي والشمس ما ملت الركض
... والأرض ما ضاقت بميت ومولود
أحبابنا تغريبة الجرح والنقض
... كانوا كثيير اكثر من ايامي السود
مررتهم قدام عيني وراا بعض
..البارحه..والليل ضيييق ومشدوود
واحد ورا واحد ..كذا كنهم : نبض
... قلبً لعب في حسبته لين العوود
أحبهم وأن ساوموني على الرفض
... قلت العفو والناس وااجد وموجود
حريتي (مفروض) زنزانتي (فرض)
...بين المحاني والورق مابه قيـــوود
السؤال
يا صاحبـي وأنـت المفـارق طالـت يديـن الـدروب
فاضت عيون الجرح تسقي في مسافاتـي ولـه
المشكلة ما هي حنين الشمس لآفاق الغـروب
لكن حنين الشرق يا شمس الرحيل المشكلـة !
علمي بقلبي يوم وجهك فـي شرايينـي يجـوب
وعلمـي بوجهـك يـوم قلبـي تحتـويـه الأسئـلـة
إن تبت من طاري الهـوى عيـت عيونـك لا تتـوب
مـن الجمـال اللـي جبـر كسـر القصايـد بأجملـه
يا صاحبي وأقسى الهروب .. إلى تخيلت الهروب
مـن الجـروح الماضيـة صـوب الجـروح المقبلـة !!
من كل صوب ألقاك .. لين أفارقك من كل صوب
مثل السؤال اللـي سئمـت أجاوبـه قبـل أسألـه
أنـا أسألـك باللـي خلـق للذنـب غفـران الـذنـوب
وش يجني اللي باع عمره لأجـل عمـرٍ يجهلـه ؟
هـذي السنيـن أوراق تتخطّـف بقايـاهـا الهـبـوب
هذي الهبـوب اللـي تلـم أوراق عمـري مرحلـة !
الحلم يا فرحة طفل .. والعمـر يـا وجـه شحـوب
والعين غيمة من ضمـا .. والقلـب صحـرا قاحلـة
وقفه من إحساس المُختلف .. محمد الآسمري
لا نصفي الثاني ولا النصف الأول ،
حنا نشكل : ( نصفنا من بعضنا ) ♡
يـآقلبي رووعه آي شيء منكْ
واللي على بالي لـو أقولـه ارتحـت
لكنـي ألقـى عزتـي فـي عنـادي !
رائع ماسطرتيه هنا يالغلا
سلمت اناملك
ولاخلا ولاعدم من هالاحساس:rose:004
سبحان الله وبحمده اشهد ان لااله الا انت استغفرك واتوب اليك:82:
[align=center]
يسسلموو حبـآيبي ع المرور ..~
[/align]
لا نصفي الثاني ولا النصف الأول ،
حنا نشكل : ( نصفنا من بعضنا ) ♡
صخ لسآنك ..
مبدعه شوشه ..
[flash=http://b66k.net/files/43328.swf]width=500 height=250[/flash]
المشكلة ما هي حنين الشمس لآفاق الغـروب
لكن حنين الشرق يا شمس الرحيل المشكلـة !
كلهم في قمة الرووعه ..
صح لسسسآنك ولسآن قايلها 004
أبدعتي 004 :rose:
يعطيك العافيه يابطله
[flash=http://up.2sw2r.com/upswf/vnW00823.swf]WIDTH=500 HEIGHT=160[/flash]
004 004
[align=center]
لا خلا ولاعدم من طلاتكم الحلوووه ..~
[/align]
لا نصفي الثاني ولا النصف الأول ،
حنا نشكل : ( نصفنا من بعضنا ) ♡
الذين يشاهدون الموضوع الآن: 1 (0 من الأعضاء و 1 زائر)
المفضلات