ما الفرق بين المحادثاات الكتابيه وبين المكالمات الهاتفيه ؟
طبعا مافيش فرق قوي المسن برضو محادثه وكلام وتعارف وغيره والجوال نفس الشي بس الجوال بصوت بس انا اشوف انه المسن محيكون فيه جراءه زي مايكون جوال بصوت راح ياخدو على بعض اكتر ووقتها حيصير كتير .. وكمان الخجل والاحترام راح يقل لانه الصوت ليه دور وممكن مع اول مره وتاني مره يختفي الادب والاحترام والخجل دا الجوال عموما .. لكن المسن حيدوم كلامهم باحترام وبحدود ومحيكون زي الجوال مرره .. حيتكلمو ايوا لكن محيكون زي الجوال فيه جراءه ومافي خجل ولااحترام وعلى قولهم خلاص سمعت صوتك ايش بقي ليش تخجلي ومن هنا يزول الخجل وشوفي ياسعيده هع
مارائيك في تبادل الايملات بين الشاب والفتاه ؟
بصراحه .. مالها داعي مره .. ايش سبب المصايب دحين انه البنت توزع ميلها لاي شاب طلب منها ولاعرفته شهر ولاشهرين تقولك خلاص معايا بالمنتدى عادي اعرفه ..مستحيل تدي الثقه لاي احد بكل سهوله واصلا مالها داعي مره انا عن نفسي مايعجبني مره الشي دا ^_^
ما الهدف من التعرف عن طريق المسن او الايميل ؟
ممم شوفي اللي يقولك نكون اصحاب تلاقي النهايه مقابله ومسخره واشياء غلط في غلط وممكن تنتهي بضرر للبنت ودا اللي حاصل اكثر شي يعني شي مره مااؤيده وضد الشي دا خلاص خلي الصداقه دي والاخوه عالمنتدى بس لانه صعب ادي الثقه لاي احد ..بذات ايامنا دي
سؤال مهم في ظل تعاملنا اليومي مع الانترنت
إذا طلب أحد الأعضاء إيميلك فمباذا ستجيبه ؟؟
اقوله معليه اسفه انا مااعطي ميلي لاي شاب ..وخلينا عالمنتدى بس وبحدود وادب فقط ^_&
.
.
..يعطيكي ربي الف عافيه ياعسل عالطرح الحلو
موضوع يستاهل ويستحق النقاش ..
يعطيكي ربي الف عافيه ياعسل
وماننحرم من جديدك ~
تقبلي مرووري
اختك.. شق شق
المفضلات