يسولف لي عن (أحبابه) وأسولف (عنَّه) لـ حاله ..

[ــــــــ]

يكلمني عن جروحه .. وأنا من سبِّته / مجروح !

يسولف لي عن (أحبابه) وأسولف (عنَّه) لـ حاله ..




أحس في دمعة عيونه , وتطلع من بكاه الروح ,
وإذا يفرح مع غيري . . . بكى " قلبي " و / هنَّاله .




ياليت آنا معاه اللي ركبنا في [ سفينة نوح ]
محد يقدر يفرقنا لا : عمِّي .. و لا : خاله




رسمته في قلم ناشف على قطعة خشب من لوح
و تهيألي يحاكيني !! ويبيني أرسم إظلالـه




تحرَّك طيفه الدايم . ولَعَب في حسبتي بجْموح .
يحب الخيل , و , أشعاري .. عشانه صاروا خيَّالـه




وصار بـ عيني ( الأجمل ) مع إنَّ شوي هو / مملوح ,
ولا غيره مــلا عيني وقلبي بس يصفالــه




ذبحني قلبي الساكت ! ... متى قلبي عليه يبوح ؟؟
أحبه وماعرف إني أحبـه , وأعشق وصاله



كتمت , وهذا من طبعي , وتمنيت " الغلا " مفضوح
ببيِّن له ولا أقدر !! مع إنِّي جالس قباله ,




أخاف إنّه بعد مُدَّه يطير ... ومن إيديني يروح !
هو نعمة من فضل ربي , ويقولوا : النعمـة زوَّالـه




لي قلبٍ من كثر حُبه على : فراش التعب : مطروح ,
لا هو " ميت ".. ولا " عايش " .! ووالله إن مـااات أشواله




وحبي من طرف واحد , غلا صادق بدون مزوح
وإذا هو طاح ؟ قداامـي .. نزلَّـه / قلبي / و : شــاله .!!




شكالي وكنت له أسمع . . . وقلبي دوم له / مفتوح
يطمِّني عن " أخباره " , وشنهي آخر أعمالـه


وإذا شفته خطا بـ حقي بدون أعذار ؟ .. هو مسموح ,
في نياته ولا يدري .! وطيبة قلبه همَّالـه .

في جَياته ....... يروح الهم , ويبدِّل ( دمعتي ) بـ فروح
تمنيت البشر مثله . . . وكل من حولي أمثاله .!:$

من الله حُبه في قلبي حشى مالي ترى مصلوح ,
عسى يكبــر ويذكرني ويسمِّي بـ " إسمي " : إعيالـه .


\

/

\


ارق التحـيآ

[asmhan]

ذووووووووووووووق يعطيك العافيه ياعسل : )

[мżσση]

أخاف إنّه بعد مُدَّه يطير ... ومن إيديني يروح !
هو نعمة من فضل ربي , ويقولوا : النعمـة زوَّالـه


قصيده أليييييييمه أبعدتي في طرحك الرائع

مودتي~

[محمودى]

رائع

و اكثر من رائع

دام نبضك و جميل حرفك

بانتظار جديدك

تحياتى

[سمو المشاعر]

يسعدك المولى ع هالطرح الرائع
تسلم يدينك يالغلا
يعطيك ربي الف عافيه
خــآلص وديَ

[ــــــــ]

منورين يالغوالي الله لا يحرمني من طلتكم

[جبرني الوقت]

كافي جروح..}
صح لسانك يالغاليه ..
ابيات بقمة الروعه
الله يعطيك العافيه
كلمة شكر قليله في حقك
اوراق الافندر انثرها على متصفحك
ورده جوريه تعطر يومك

جبرني الوقت/مر من هنا

[ــــــــ]

الله لا يحرمني من تواجدك
وروعة كلامك منوووره خيوو

دمت بود

[مومهم اسمي]

أخاف إنه بعد مده يطير ... ومن إيديني يروح !
هو نعمة من فضل ربي , ويقولوا : النعمـة زوَّالـه


رآآآآآآآآئــــــع
بجد قصيــده رووووعـــ ـــــه
وذووق اكثر من رآآآآئـــع يالغلآإآإآإ باختيـــارك

ربي يسعــدكـ .. لاتحرمينا من تميـــــز طرحـــك

[๑яâmâ๑]

رووعة
يسلم ذووقك ياعسل ,,