◄▓▒-->●❤زِنْزَانَةُ مَشَاعِرِيْ ... ❤<--▒▓►

[سمو المشاعر]

لا تسألني امانه ليه انا جيتك
في داخلي شي قال إنك وحشتيني



شي ٍ اخذني ووداني على بيتك
إبلا شعور امشي وادل العناويني



من يوم رحت تراني ماتناسيتك
وانت بعد ياعيوني مانسيتيني



وش فيها لاجيت كلي شوق وضميتك
ودي اضمك غلا واشوفك بعيني



غلاك ونبرات صوتك مع تناهيتك
صاروا في عمري ياعمري شي روتيني



كلمة احبك قليله مهما حبيتك
احساسي اقوى من احساس المحبيني



ودي اوصف شعوري يوم لاقيتك
لكن تضيع الحروف ان جيتك وجيتيني



تبيه بإختصار انا تعاطيتك
مدمن وربي على الادمان باليني



من قبل اعرفك وانا ياما تمنيتك
هواك عن شوفة الترفات معميني



واليوم في داخل الشريان حطيتك
برضاك تسري في كل الشراييني



لا تسألني امانه ليه انا جيتك
في داخلي شي قال انك وحشتيني



شي ٍ لو انك تحسه وسط بيتك
طلعت من باب بيتك ثم حضنتني


اح ـبك