في بيت بو نايف..
كانت الاجواء رايقه ماكان فيه الاصوت التلفزيون ووموطي عليه كانوا قاعدين بالصاله الي كان يتخللها اشعه الشمس الذهبيه الي تزيد من جمال وروعه البيت وتخليها تفتح النفس
ام نايف : يمه يا نجلاء كيف الحمل معك .
نجلاء : الحمدلله يمه تمام ..
ام نايف: قوووومي نتغدا وش تنتظرين ؟
نجلاء : بنتظر اخواني يمه من زمان ماتغديت معهم .
ام نايف : قوووومي كلي لك شي طيب. لا تتعبين ..
نجلاء : يمه انا مرتاحه كذا مو تعبانه تطمني .
ام نايف : بنتي واعرفك مهمله في الاكل
نجلاء : لا تحاتين يمه .. انا اكل عن عشر ههههههههه
"شوووي ويسمعون صوت وراهم"
..:: يامرحبااااااااااااااااااااااا مليووووووووووووون نجووووول ام كرش هنا
نجلاء : يوووووووووووووه نيوووف ياهلا والله
ويروح نايف ويسلم على امه ويبوس راسها .. ويسلم على اخته
نايف: وينك يانجووول من زمان عنك .. اشتقنالك كل هذا تغلي ..
نجلاء: هههههههه مانتغلى حتى انت وحشتنا
نايف: لو وحشتك كان دقيتي وسالتي ..
نجلاء : اسأل امي اني دايم اسال عنك بس تقول انك مشغول بدراستك
نايف: ليه تسالين امي ماعندي جوال انا .. شوفي لك عذر ثاني يام كرش.
نجلاء : يوووووووه والله ان زوجي يقولي بالكرش صايره حلووووه ..
نايف : هههههههههههههه لا عاد فهذي يبالغ تلقينه حايمه كبده .
نجلاء : بنشووووفك لما تتزوج ونشوف زوجتك بكرشتها وش بتقول عنها
ام نايف: الله يبلغني في ذاك اليوم اللي اشوف نايف متزووووج
"اكتفى نايف بالابتسامه واعتذر منهم وطلع لغرفته"
نجلاء : يمه نايف كلمك مره انه يبي تدورين له على وحده اوشي من هالقيل ؟
ام نايف: لاااا والله .. ومن افتح معه الموضوع يقووول مو وقته لما يخلص دراسته يقول انه راح يفكر
نجلاء: الله يووووفقه ويسعده مع بنت الحلال اللي تقدره
"وشووووي ويدخلوووون البنات"
نجود: هذي اخر مره امر بنتك فيها "وتتأفف"
بسمه : اي انشااء الله يصير خير
نجود: يا..
"لفت وشافت نجلاء"
نجود بفرحه : هيوووووووووووو نجول اليوم عندنا وش الطاري
نجلاء بدلع : يوووووه ليه الكل مستغرب وجودي ..
بسمه : لانك من زمان ماجيتي كله تعبانه والا مشغوله والا الحبيب مايرضى
نجلاء : ههههههههههههه بنام عندكم هاليومين وبتشبعووووون مني .
نجووووود فتحت عيونها عالاخر : والحبيب وينه ؟؟
نجلاء : رايح ينبع عنده اجتماع
نجوود : اهاااااااااا يعني راح تودينا السووووق صح
نجلاء وتعفس وجهه بحركه كيوت: لا مووو صح سووواقكم انا
نجود : تكفين عاد نبي نطلع معك من زمان ماطلعنا معك
نجلاء : هههههههههههه خلوني افكر
نجود : تكفين وش تفكيرررره يلا وافقي
نجلاء : بس بشرط .
نجود وهي تفكر ايش ممكن يكون الشرط : يااااربي قووولي
نجلاء : اي شي اطلبه منكم تسووونه .. اوكي
نجوووود : الله يصبرني .. اوكي
نجلاء بابتسامة نصر : اتفقنا
نجود تناظر بسمه : يلا قومي نروح نغير ملابسنا ونرجع نتغدا
بسمه : يلا شررررفي .. يعني ماتروحين الا معي
نجووود : بلا ثقالة دم واذا تبين تجين حياك
ام نايف : نادووووا نايف في طريقكم .
نايف وهووو نازل من الدرج : من يناديني .. ترا انا وصلت
نجود : وصل حبيب امه
نايف: ياغيوووووووووره حبيبها عندك مانع .. اشوووف الحلوووين ساكتين
نجود : لا مو ساكته شوفني اسولف معك
نايف: ما اقصدك انتي يالرجه
نجود : انت قلت الحلوين ومافي غيري حلو
نايف : انا اتكلم عن المزيووونه بسووووم
نجود ماده بووزها : قال ايش قال مزيونه شكلك احول وماتشوف زين
بسمه بعصبيه : نجوووووووووووود
نجود : خلاص بسكت وبروح عنكم وجلسوا امدحوا في بعض شكل كرتي طايح معكم
"ويضحكون عليها وتطلع غرفتها وهي معصبه منهم"
***
.......: لا يامعووود جوف الساعه جم صارت؟
سلطان وهو يكتم غيضه: يابنت الحلال ماتسوى علي قلت لك راحت علي نومه
........: اي انا مو مهمه بالنسبه لك
سلطان لاحوول: شيماء هو انا قلت كذاا وبعدين تراها واصله معي لاتزوديها
شيماء: شفيك حبيبي شنو مضايقك؟
رد مع اقتباس
المفضلات