دخلوا داخل لان السياره توقف داخل فراحوا كلهم قريب من السياره ومعهم فيصل وصل منصور لعندهم وشغل السياره وركبوا {
منصور وهو يصلح كرسي السايق : وين رايح به ذا الكرسي حشا حاطه قدام الدركسوون
فيصل: ههههههههه "وهو بعده يرجع الكرسي لورا"
وطبعا اصوات خرشه البناات ملت السياره
منصور وهو يرفع البريك : بسم الله " ويعلي صوته " اححححححححم
" سكتوا البنات"
قام وقال: هاااه وين بتروحون
وصايف: حنا قايلين لفيصل نبي ناخذ ايس كريم ونلف على الكورنيش ونرجع
منصور : بس ماطلبتوا
سهر: اقول منصوور وش طاري عليك اليووم مو من عوايدك تكون مروق هالوقت
" وفيصل طول الوقت يراقب تحركات سهرالدلووعه "
منصور: والله ياحلوه انا بكيفي اروق متى مابي زين
سهر: صدق انك سخييف
غزل بصوت واطي : فهذي صدقتي
سمعتها جنى: هههههههههه غزوول شفيك شايله على منصوور
منصور وهو يسمعهم: اي والله ياجنى مدري شفيها بنت خالتكم ثقيله طينه كذا
فيصل: هي انت شفيك شايل على البنت ؟
منصور: ابد لاني شايل ولا شي " ويكح"
"غززل تنرفزت وكرهت الساعه اللي فكرت تركب معه بسياره"
اديم: منصوور حرام عليك لاهي بثقيله طينه ولاشي
فيصل: غزل ماعليك منه والله انك شيخه البنات
منصور وهو منقهر ويرص على سنوونه: مالك دخل في بنت خالتي
فيصل:تراها تصير بنت عمي وبنت خالتي مثل ماتصير بنت خالتك
منصور: اي بس من متى تمون عليها كذا
فيصل: مثل ماتمون عليها
منصوور: اوووه
" وشغل المسجل وكان مكان السي دي شوي طالع قام ودخله يبي يشوف ايش الاغاني الي بداخله الا وصوت عبدالمجيد يملي المكان وهو يقول >>مالي غيرك ومالك الا انا حباايب يكرهك نصفي ونصفي فيك ذايب الهوى غلالالالالاب وامره الله غالب الزمك طول العمر لاجي ولا اروح كني مقيد وقيدي مو سلاسل قيدي اخلاص ووفاء ولا انت قايل لو يقوم الكون تخسف بي زلازل ما احرك ساكنٍ بك غير مسموح <<"
فيصل: ياااااااااويلي علليك يامجيييد
منصور : اي والله
"وبعض منهم سكت وبعض قعد يسمع مجيد وبعض منهم قعد يدندن معه وقفت السياره يوم وصلت من الاشاره رفع منصور يده عشان يصلح المرايه ويلفت نظره انه كل البنات فكوا اللثام ماعدا وحده فيهم ((ياويلي انا على هالعيون من هذي)) يمكن غزل لاماتوقعها غزل وفي النهايه خطر على باله انه يسوي اي شي عشان يعرف اذا هي غزل "
" غزل طبعا مافكت اللثام لانها قاعده بالمرتبه الثالثه ووراه يعني اكيد لو رفع عينه بيشوفها وهو اصلا مايستاهل يشوفها"
منصور وهو يوطي على صووت : يلا ماقلتوا لنا شتبوون نجيب لكم
" كل وحده منهم قالت وش تبي ومن ازعاجهم ماعرفوا شي"
فيصل وهو يصارخ: اييييييي شوي شوي وين نسمعكم
" سكتوا البنات"
منصور وهو على وجهه شبه ابتسامه : كل وحده تقول لنا وش تبي بالترتيب من سهر الى اخر وحده بالسياره
فيصل بصوت واطي: الى وين تبي توصل
منصور ناظر فيصل وسكت
سهر: انا ابي توفي
وصايف: انا ابي شوكلت مع سيرب وذ ناتس
اديم: انا ابي شوكلت وفنيلا
منصور: ول ماعندها وقت بنات العم جامعه ثنين في واحد ههههههههه
فيصل: هههههههههه اعقل عن اختي
اديم: صدق انك دب
منصور: لاوالله يامصلي هههههههههه
" ضحكوا البنات "
اديم : سخييف
منصور: مو اسخف منك
فيصل : بتووب ولالالا
منصور وهو يناظر بنتظر دورها يوصل: هههههه لالا كملوا
جنى: انا ابي ايس كريم البرج ابو طبقتين مع الكيك وسيرب وناتس
منصور وهو ميت ضحك : ههههههههههههههههههههههه فيصصصصل شسالفه خواتك كل وحده تزيد على الثانيه الاولى تبي شاكلت مع سيرب وناتس والثانيه جامعه فانيلا وشوكلت والثالثه ياحليلها شوكلت بس بكيك وسيرب وناتس
فيصل هنا مات ضحك وماقدر يقول شي
" والبنات يضحكون "
جنى: كلوا تبن كلكم وربي سخيفيين ليش الناس تاكل باسكن ليكون عشان شوكلت ولا فنيلا وين يطلع حلاه الاكل بدون تخبيص
اديم: غزل انا ماقلت لك هذي بتحلل اليوم الي صرحتوا لها فيها
غزل وهي تضحك بصوت عالي لاول مره : ههههههههه ماكنت ادري انه بيصير كذا
لف منصور اول ماسمع ضحكتها قام وابتسم " اااخ طلعتي مانتي بسهله"
فيصل: جنوو ماعليك منهم امري وتدلليي
جنى: فديييييييتك انا والله
نجود: الحين دوري انا ابي توفي
بسمه: انا ابي توفي ميلك شيك
منصوور: امووت على ذوق بنات العم
"استحت بسمه"
جا دور غزل وسكتت
سهر: هاه غزل ماقلتي وش تبين
غزل: انا ماحب باسكن ثقييل
منصور: كووويس توفرين والله بس ليه جايه دامك ماتبين
غزل : اصلا ماني بماخذه على حسابك وبليز منصور يكفي
" الكل استغرب من حال الثنين ماحد متحمل الثاني"
فيصل: اانا ااعرف غززل وش تحب اكييد تبين ايس كريم ماكدونالدز
غزل ومالها خلق: هههههه اي بس مابي شبعانه
فيصل: افاااا كلنا ناكل وانتي لا مايصير
منصور: انشاء الله تبين امر ماكدونالدز عشان ايس كريم ابو ريالين
غزل: انا ماقلت ابي شي
فيصل: غزل ولا يهمك مالك الا يوصلك
غزل وهي راضيه على معامله فيصل الحنون لها: تسلم والله ياولد العم
" انقهر منصوووور"
اديم: غزوووله نسيت باخذ رقمك الجديد اوكي
غزل: مايخالف عطيني موبايلك اسجله لك
" عطت اديم موبايلها لغزل وسجلت رقمها ورجعته ومنصوور ميت قهر "
" وصلوا باسكن ونزل فيصل ومنصور"
منصور بعد ماخلص طلب وطلب له هو وفيصل لف على فيصل
منصور: انت من جدك بتوديني لماكدونالدز عشان ايس كريم واحد
فيصل: حرام عليك والله تكسر الخاطر وانت شايل عليها بقوه وهي ماسوت لك شي
منصور وفخاطره "هئ وش سوت فيني قل وش ماسوت فيني هالمفعوصه"
فيصل: وين رحت
منصور: هنا بس قاهرتني
فيصل: لاتسوي لي فيها ترى بيكون على طريقنا وترى اذا ماتبي تسوق انا اسوق عنك
ممنصور:فيصلووه شسالفه الحنان فجأه على بنت العم
فيصل: ولا شي بس حالها من حال البنات
" وعلى ماخلص الطلب اخذوا الاوردر ورجعوا السياره كل واحد منهم ركب مكانه"
فيصل: كل واحد ياخذ طلبه والكيس الي لحاله هذا حق جنى
جنى: ياعسسسساي ماخلا
"منصور وهو ساكت ويرفع عيونه لغزل وهو مغتاظ منها ومايدري ليه"
"كان الكل لاهي بلايس كريم وكل واحد متلذذ على حقه شوي ويدق تليفون غزل هدوا شوي من الوضع عشان ترد"
غزل: مرحبا
...: لاوالله يابرود اعصابك وينك فيه لهالحين
غزل: ههههههههه انا طالعه مع البنات
...:وين طالعين بهالوقت
غزل: فواااز شفيك علي لاتخاف مو لحالنا معانا فيصل ولد عمي ومنصور
فواز: وين رايحين؟
غزل: رحنا نجيب ايس كريم وبنرجع ..؟؟
فواز: بتطولون ؟
غزل:لاوالله ربع ساعه عشر دقايق
فواز: اها اوكي بسرعه انا بنتظرك قدام بيت خالتي اوكي
غزل: اوووكي
فواز: يلامع السلامه
غزل:في امان الله
سهر: ياربيييه من هلاخوان شفيييه من جده جاي؟
غزل: اي ينتظرني عند باب بيتكم
"فهالوقت وصلوا لشباك ماكدونالدز وكان زحمه هاللوقت في شارع الكورنيش كانوا الشباب حاشيين الشارع بلاستعراضات والدبابات ولعب الكووره "
فيصل: غزل تبين صانداي ولا ابو ريالين
غزل: لا ابو ريالين" وتبتسم"
"طلبوا وراحوا للشباك الثاني وانتظروا خمس دقايق مع انهم ماطلبوا الا ايس كريم بس كان زحمه عشان كذا انتظروا ومنصور طول الوقت ساكت "
} اخذوا الايس كريم واول شي سوته فكت اللثام اول مافكته رفع عينه منصور عشان يشوف طريقه وجذبه البنت الي تاكل ايس كريم والبسمه على شفاهها كنها مسويه انجاز {
"مشت السياره وكانوا كل وحده تسولف مع الثانيه حتى وصلوا وسلم فواز على منصور وفيصل وكل واحد راح بيته وحط راسه ونام بعد هاليووم اللي رسم البسمه على شفاه الكل الا شخصين في طريقهم لبداية مشوار مجهول "
.
.
.
رد مع اقتباس
المفضلات