واذا كنتي بتعجنينها بالآله ,
ضيفي الحليب اول بعدين الطحين مع الزيت ,
لما تنعجن غطيها ببلاستك وخليها تتخمر ساعه
بعد ساعه جيبي صينيه للفرن وادهنينها بزيت
وشكلي العجينه مثل الصوره ( خليها اصغر من الحجم المطلوب ) ,
وبعدها خليها تتخمر لمدة ربع ساعه او ثلث ساعه
وادهنينها بصفار بيضه مخفوقه مع نقطه خل
وبعدين رشي عليها السمسم ودخليها الفرن
لما تستوي حمريها شوي من فوق ..
ولما تطلعينها من الفرن غطيها وخليها ما تبرد قطعيها واحشيها ,
لحم البرجر ,
المقادير والطريقه مع بعض
نجيب لحم مفروم ونخلط معه :
( بقدونس مفروم + بصله مقطعه قطع صغيره + ملعقه كبيره صوص الورشستر + ملعقه كبيره صوص Hp + ملعقه صغيره صوص الصويا + ملعقه كبيره جبن سائل + شوية ملح + بهارات مشكله + فلفل اسود + بيضه )
نخلطهم مع بعض ونشكلهم على اقراص برجر صغيره ,
ونحطهم بصينيه للفرن ونغلفها بقصدير وندخلها الفرن
طبعا نراعي ان احنا نكبر الحجم المطلوب لأنها بتصغر بالفرن
بس مانكبره مره ,
ولا ننسى نقلبه كل شوي وهو بالفرن
لما يستوي
الحين نسوي هالخطوات ,
اول شي نجيب الساندوتش اللي سويناه
ونحط مايونيز مخلوط مع كاتشب كطبقه اولى
بعدين شريحه جبن
بعدها اللحم
بعدها خردل ( شوي مانكثر )
بعدها مخلل
بعدها الخس
وطبقة الساندوتش الثانيه ,
ونقدمه
وبالعافيه ,
,
[ ميني برجر بالدجاج ]
بالنسبه للعجينه ,,
نفس طريقة ميني برجر باللحم ..
برجر الدجاج ,
المقادير والطريقه مع بعض
( كمية الصوص كانت لصدر دجاج واحد بس وممكن تكفي 2 )
نخلط ( ملعقتين كبيره زبادي + ملعقه كبيره صوص Hp+ ملعقه صغيره صوص صويا +
عصير ليمونه + بهارات مشكله + فلفل اسود + بابريكا + شوي ملح )
ونحط الدجاج بالخلطه ونخليه يتتبل ساعه كامله اقل شي ..
بعدها ع النار نحط شوي زيت ونحط الدجاج عليه ,
ونقلبه وبعدها نضيف مكعب ماجي ( اختياري )
ونحرك لما يذوب ,
ونخلي الدجاج يستوي نص استواء ونحطه بصينيه للفرن ونغطيه بقصدير..
وندخله الفرن لما يستوي نقطعه لشرايح مناسبه لحجم الساندوتش ,
الحين نسوي هالخطوات :
اول شي نجيب الخس ونقطعه لقطع صغيره ونخلطه مع شوي ليمون ومايونيز ,
ونجيب الساندوتش ,
ونحط شريحة جبن
بعدها الدجاج
بعدها الخس
وبعدها جزر مبشور
ونحط القطعه الثانيه من الساندوتش
ونقدمها
وبالعافيه ,
,
[ Italian Chicken Sandwich ]
الطريقه والمقادير مع بعض ,
بالنسبه للعجينه
مثل عجينة الميني برجر ,
طريقة الدجاج والمقادير مع بعض ,
نتبل الدجاج لمدة ساعه بهالخلطه ..
( ملعقه كبيره خل بلسمي + 4 ملاعق كبيره مايونيز + ملعقه كبيره دبس الرمان + نص اصبع زبده ذايبه + شوية بهارات مشكله + فلفل اسود )
وبعد مايتتبل ,
نحط الدجاج ع النار ( من غير زيت ) ..
ونحط عليه مكعب ماجي ونحركه لما يذوب ,
ولما ينشف الصوص اللي معها نضيف بصله مقطعه مكعبات صغيره ..
ونحط الملح _ كميه قليله لأن الماجي مالح ( انا ماضفت الملح مع الخلطه عشان اضيفه على البصل لأنه يخليه يذبل بسرعه ) ,
لما يذبل البصل نضيف شوي كزبره مفرومه ونحركها ونضيف شوي بهارات مشكله ..
وبعدها نضيف فليلفه ملونه ( احمر واصفر واخضر ) مقطعه مكعبات متوسطه ,
ونضيف الملفوف البنفسجي ( كرنب بنفسجي ) ..
مقطع شرايح متوسطه ,
ونضيف ربع ملعقه صغيره اوريغانو مع ربع ملعقه صغيره نعناع مجفف ( ما أكثّر عشان ما احب يبين طعمهم كثير )
ونقلبهم 5 دقايق بس ونشيلهم من النار ,
الحين نجهز الصوص حق الساندوتش ..
عباره عن :
ملعقتين صغيره زبادي
ملعقتين صغيره كريمة الساندوتشات مثل الصوره رقم 2
ملعقتين كبيره جبن سائل
ملعقتين كبيره متبل بلو تشيز
ونخلطهم مع بعض
وندهن السندوتشات فيهم
ونضيف حشوة الدجاج عليهم
ونقدمهم
وبالعافيه ,
[ بف باستري بالبادنجان ]
المقادير ..
ناخذ عجينه من البف ونحط عليها شريحه بادنجان ثم دجاج مفروم ثم جبنه موزريلا ..
ثم نقفلها بعود أسنان ..
ندخلها الفرن من تحت ثم نحمرها من فوق ..
ثم نقدمها ..
وبالعافيه ,
[كور الدجاج المقليه ]
المقادير ..
صحن دجاج مفروم + حبه خبز صامولي منقوعه في نص كاس حليب + فلفل أسود مطحون + ملح + بصل اخضر مقطع
الطريقه ..نعصر الخبزه من الحليب ونضيفها ع الدجاج مع الفلفل والملح والبصل الاخضر
نحمي الزيت .. ونحطها بطحين ثم نقليها ..
ونقدمها مع بطاطس مقلي او رز ابيض ..
وبالعافيه ,
[ Snickers Chees Cake ]
الطريقه والمقادير مع بعض ,
اول شي نسوي الطبقة الأولى ,
اللي هي نطحن 4 علب أوريو ( العلبه اللي تكون فيها 6 حبات اوريو ) ..
طبعا من غير الكريما
بعدها نفركها مع اصبع زبده ونحطها كطبقه اولى في صينية التشيز كيك ,
ونضغط عليها عشان تتماسك ..
وبعدها نسوي الطبقة الثانيه ,
بالخلاط :
اول شي نحط 9 حبات جبن كيري
ونحط ثلاثة ارباع علبة زبادي
علبة قشطه قيمر
وكاس ماء مخلوط مع ملعقتين ونص كبيره حليب نيدو وملعقه ونص طحين
وبعد ماينخلطون هذولا كلهم بالخلاط
نخفق ( بالملعقه ) بيضتين مع شوية فانيلا +3 ملاعق كبيره ونص سكر بودره ونضيفهم ع اللي بالخلاط
ونخلطهم
وبعدها نصبها في صينية التشيز كيك ع الطبقه الأولى
وبعدها نغلف الصينيه من برا بالقصدير
مثل الصوره رقم 1 ,
وبعدها نحطها بصينيه اكبر فيها ماء ( عشان نسوي للكيكه حمام مائي ) مثل الصوره رقم 2
وندخلها بالفرن ونخليها تسبح ساعه كامله
وبعدين لما تستوي مثل صور 3
نسوي طبقة التوفي
اللي هي :
نحط 3 ملاعق كبيره سكر ع النار ونحركهم لما يذوب وسصير سائل لونه ذهبي
نضيف القشطه ونحرك بسرعه لما يتجانس الخليط
وبعدها نضيفها ع التشيز كيك مثل الصور رقم 4
وبعدين نسوي طبقة السنكرس ,
اللي هي نذوب 2 سنكرس مع علبة قشطه في حمام مائي
ونضيفها كطبقه رابعه مثل الصوره 5
ونخليها بالفريز 4 ساعات او 3 ساعات ونص تقريبا ,
ونقطعها ونقدمها
بصراحه مدري وش احس فيه على الصوره رقم 3 و5 !
وبالعافيه ,
المفضلات