#الجزء_15
نهي : عشت ف بيت ابويا ، سنتين كنت قاعده معاه لغايه متوفي واتفاجاة بيه جتي بيعزيني ، وابتدات حكايتنا الحب القديم رجع وطلب يتجوزني ووافقت ومرداش غير بفرح كبير ليا ،وعزم كل الناس ، بس ياستي طبعا كان نفسه ف عيل بس محصلش نصيب رغم انو لو اتجوز حد تاني يخلف وانا لو اتجوزت حد تاني اخلف ، بس احنا الاتنين مع بعض مينفعش كان حاجه صعبه ف الاول وبعدين تخطناها لغايه متعب كان بعديها بتلت سنين تعب جامد ساعتها قرر يتجوز وانا اللي اختارتله العروسه ، بس ياستي فضلنا عايشين مع بعض وهو عدل مبنا جاب تلت ولاد وبنتين وانا يعتبر اللي ربتهم كانو بيقولولي يا ماما لغايه لما الحب اللي مبنا اتطفا فطلبت انو ابعد شويه عدي تلت سنين واحنا بعيد عن بعض ولسه انا عايشه هنا ف بيت ابويا وهو عايش برا بس بيتصل كل فترة بطمن عليا
جميله : ازاي الحب اتطفا مبينكو
نهي : علاقتنا بقت باردة بقي كل واحد يعمل حاجات اللي التاني بيحبها علشان يثبتلو انو بيحبو بس الحب اللي موجود ف العينين دا مش موجود اختفي ساعتها قررنا سوا ووقت مبيبقي مخنوق القيه بيخبط علي باباي بس اصحاب بردو ف الاول والاخر
جميله : كانت قصه حب حلوة اووي
نهي بابتسامه تذكر : حلوة جدا
*******************
نبيله: انتا لسه بتحبها
ينظر لها شوقي لحظات ثم ينظر الي الجرنال الذي كان يقرأه دون ان يرد فتركته نبيله ودخلت غرفتها ، لتاتي هدي اليه
هدي : جميله بتقولك انها مش هتروح الشغل الفترة دي ولا هتابع حاجه
شوقي متفهمنا : خلاص ماشي ، انا هاروح اشوف الشركه والاخبار هناك ايه واجي
وذهب شوقي لتبديل ملابسه
********************
نهي : كانت احلي ايام حياتي ،بحزنها وبفرحها وبخنقتها بضحكنا بكلو بس اللي حصل بئا
جميله : طيب فرفشي كدا ويلا نلبس ونتفسح وتوريني بيت جدو
نهي : طيب هاقوم البس
*******************
رقيه بشفقه : طيب ياحبيبي هتفضل عامل ف نفسك كدا
امجد وهو جالس علي مكتبه وناظر اليها : عامل ايه يانينه
رقيه : مبقتش تروح الشغل بدري ولما بتروح بترجع بسرعه وعلي طول قاعد ف في اوضتك وماسك كتب بتقرائها طول عمرك بتكره الكتب دلوقتي مبتسبهاش
امجد بحزن : زهقت يا نينه زهقت واتخنقت وتعبت بقالي اسبوعين مبشوفها ولا بتيجي الشركه ولما بتصل مبتردش بقيت اشغل نفسي مش عايز اتعلق بيها اكتر من كدا ..
رقيه : انتا بدمر نفسك كدا مش بتشغلها
امجد بخفوت: بالعكس انا بقيت اللعب ملاكمه والكابتن بيقولي اني كويس بقيت اقرأ كتير ودا حاجه كويسه جدا كمان هي بتحب القرايه اووي عايز اعرفها بحس وانا بقرأ اني بشفها قدامي ..
رقيه وهي تنظر بشفقه عليه : انا زهقانه متيجي تخرجني
امجد : من عنيا حاضر تعالي نشوف ماما ونخرج كلنا سوا
************************
نهي بحدة : لا بئا انتي تفهميني ايه المسكنات دي اللي كل شويه تخديها!
جميله بابتسامه : هقولك حاضر بس مش وقته يلا نروح الملاهي
نهي : هو مفيش يوم راحه ابدا احنا بقالنا تلت اسابيع علي النظام ..
جميله : هيبقي ف راحه لما نروح كل الاماكن ،يلا يا جميل متتحججش قوم البس
*********************
كانت تاخذ جميله والدتها وتفسحها في كل مكان وتاخذ صور كثيرة معا ومرت الايام
جميله : الف سلامه عليكي ياماما
نهي : الله يسلمك يابنتي وبعدين مالك خايفه كدا دول يومين بس اللي تعتبهم لحد دلوقتي
جميله : وانتي ناويه تتعبي ايام تانيه بعد كدا ،انتي هتقومي بكرا ونتفسح ونخرج كمان
نهي بتعب: بصي يا جميله ياحببتي عايزاكي تفرحي ومتقيديش نفسك يابنتي ،انسي كلامي بتاع زمان اللي كنت بعقدك بيه دا ،انا كنت بفكر ازاي اغيظ ابوكي ظلمتك بسبب غبي ياريتك تنسي كلام زمان وتحكمات بتاعت زمان اضحكي براحتك وصاحبي ناس كتير واتعملي بالعفويه بتاعتك دي بتاعت زمان وانسي كلام زمان انك تضحكي بحدود وتبتسمي بحدود وتصحابي مين وتحبي مين والكلام دا عيشي حياتك وحبي واتحبي انا كل يوم بعاتب نفسي علي اللي عملته فيكي سمحيني يابنتي بجد
جميله بحزن : ايه يا امي الكلام دا انتي معملتيش حاجه فيا وحشه علشان اسمحك عليها
نهي : طب خديني علي قد عقلي وسمعهالي واوعديني تنفذي اللي قولتهولك دا
جميله : مسمحاكي يا ماما وحاضر هحاول انفذه انا حجزت عند الدكتور والمعاد بكرا باليل
نهي : ان شاء الله يابنتي
جميله وهي تحضن امها : ان شاء الله لما تخفي هحكيلك علي موضوع كدا
نهي : موضوع ايه يابنتي
جميله : موضوع كبير ياامي ومحتجاكي اووي جمبي
نهي : طب متحكي يابنتي
جميله : مش عايزة اشغلك وانتي تعبانه .خفي الاول وبعدين نتكلم دلوقتي سبيني احضنك.