اشهي مكرونة باشميل بالفراخ 2015



المقادير:
- مكرونة أقلام مسلوقة
- فراخ مسلوقة و مقطعة (لو صدور بس بتبقى أحلى)"بواقي فراخ"
- زيتون
- فلفل أخضر
- طماطماية عشان الوش
- باشميل (الباشميل العادي مفيهوش مشاكل)

الطريقة:
- بعد سلق المكرونة تحطي عليها الزتون والفراخ المقطعة والفلفل الأخضر و تقلبيهم (كان عندي سوسيس فراخ فايض مش عارفة أعمل بيه إيه قطعته و حطيته برضو جنااااان)
- تحطي نص الباشميل على المكرونة و تقلبيهم سوا
- تدهني صينية (بيركس عشان الشكل بتبقى أحلى) بالزيت أو الزبدة و تحطي المكرونة كلها
- تفردي باقي الباشميل على الوش
- عشان الوش يحمر ممكن تحطي بيضة أو جبنة مودزاريلا .. بس في طريقة حماتي علمتهالي حلوة أوى .. تجيبي طماطماية و تقشريها و تقطعيها صغير و في طاسة تحطي شوية زيت و تخليها تتهري معاكي شوية و ترشيها بالملح و الفلفل و تحطيها على وش الصينية ..
- تحطيها في فرن سخن قيمة ربع ساعة كده عشان تمسك سوا .. و بعدين تحطيها على الشواية حد لما الوش يحمر ..

وبألف هنا و شفاااااااااااااااااا