بسم الله الرحمن الرحيم





لقاء الجمعه مع الأخت العزيزة عجايب

فكرة الموضوع كل جمعه رآح استضيف عضو ورآح اطرح عليه اسئلة مكونه من مجموعات


(1) المجموعه الأولى اسئلة شخصيه ( عن العضو في حيآته الواقعيه , طفولته , وضعه الحالي وهكذا )
(2) المجموعه الثانيه اسئلة عن المنتدى (كيف وصلت للمنتدى, مواقف مع الاعضاء وهكذا )
(3) المجموعه الثالثة اسئلة عآمه ( ممكن تكون سياسيه , ممكن تكون رأيه في مواقف وهكذا)
(4) المجموعه الرابعه والاخيره راح اعرض مقطع او صورة للضيف واخذ منه تعليق




رآح اعرض عليكم رد عجآيب عندما طلبت منها انها تكون الضيف الثاني والرد كان :


* خلاص زي ماتحب ماعندي مشكله :3:

الشكر لك :82:





نبدأ بالأسئلة


أسئلة شخصيه ..


بطاقتك الشخصيه ؟


اسمي غفران
عمري 21 سنه
طالبه جامعيه
بجامعة الخياس جامعة الملك عبد العزيز قسم الاعمال
احب القهوه :48: << ادري مالها شغل بس لازم اقولها :biggrin:

ايش باقي كمان ياربي :k055:
يمكن خلاص كدا :biggrin:



هواياتك ؟

السؤال دا يضحكني بصراحه :66:

امممممم وامممم :k055:
طيب نقول احب انو اصور كثير
واحب اكتشف برامج واشتغل عليها
احب السباحه مرااااا
يطلع مني شوية رسم
يمكن دي الاشياء تكون هوايات :43:


اوصفي لنا طفولتك؟


ياجمال هديك الايام :biggrin:
كنت شقيه مرا طول الوقت لعب عنيده حبتين
لدرجة كنت الوحيده بالحاره عندها بسكليته وتلعب مع الاولاد كل عصريه دا شي روتيني لازم
وبسكليتتي مميزه لونها احمر :Jm_013:<< اكششخ :biggrin:
لا واعرف اسوق بدون مامسك الدركسون كمان :43:
وكنت مبدعه بالجزمه ام كفرات :038:
احسني بدعت بالطفوله بقوه
يعني سويت اشياء ماني مستوعبه انو انا كنت اسوي كدا :5: !
الشي المميز فيا كنت بس اشرد يعني كل محد زعلني شردت :biggrin:
حتى وانا يعني صغيره مرا اربع سنوات
عادي افك الباب واطلع :66:
ياما ناس تجيبني من برا :sm1:
اكثر شي كنت اشرد من المدرسه لانو فيه ابله شريره :sm1:
بس ويجع كانو ويرجعوني
ههههههههههههههههههههههههههههههههه :55:
ويضطرو انهم يقفلو الباب بالقفل عشان حضرت جنابي :2:
واجلس اطل بالباب وهو مقفل واتبكبك وشكلي اليم احزن ههههههههههههههههههه
وينبهو ع الحارس يفتح عيونه عليا :sm1:

لمن وصلت ثالث ثانوي والاستاذات يذكروني انتي غفران اللي كنتي تشردي وتفعلي وتسوي الخ
محد نسي الشي العظيم اللي سويته
منجد اتفشل وقتها :4:
بعدين غيرو ليا الابله الشريره وجابو وحده طيبه وحبيت الدراسه ومشت اموري:66:
وحتى الابله الجديده للان تحبني الحمدلله وماتنساني ابد :41:

المهم لو اتكلم من اليوم لمن بكرا ما اخلص
بس طفوله جميله رغم انو فيها اشياء سيئه
وكبرنا وعقلنا وبقت ذكريات جميله :4:


اقرب شخص لك بحياتك؟


ناس كثير احسهم قريبين مني الحمدلله 004 004


منجم اسرارك مثل مايقولون مع مين؟


شوقي تعرف عني كثير اشياء
ع رغم اني اتعرفت عليها بفتره قصيره

+ خالتي

عجآيب ليش اخترتي هذا النك؟

حسيت انو يمثلني

ايش تخصصك الدراسي؟

موارد بشريه
وجداً احـُب تخصصي ومستمعته فيه وبكل معلومه اقراها

مين صديقة عمرك؟



تقدر تقول صديقات عمري
ريم + ندوش + لولو + الهنوف + عزه + الاء الخ


اذا عجايب واجهة مشكلة واستصعبت عليها لمين تتوجه ؟


اروح للشخص اللي اعرف انو حيوجهني صح زي ( امي ) 004


دمعه انذرفت ما تنسيها ؟ وايش سببها ؟

فيه دمعات كثير ماتنسي
بس اللي مانساها لمن دحين لمن عرفت بمرض ابويا
كانت صدمه قويه بكيت بفجعه بانو مصدومه وماني مستوعبه وبحرقه بنفس الوقت
ودحين يتعالج وان شاء الله ربنا يشفيه :( 004



أسئلة عن المنتدى ..


كيف وصلتي للمنتدى ؟


حكيت عن هالشي كثير
حقوله مرا ثانيه مدري ثالثه :rolleyes:
المهم لحد يستغرب وكذا :20:
كتبت بقوقل (صندوق المحاداثات)
وطلعلي كدا منتدى من ضمنهم فوضى اللي هوا دحين صار ينبع البحر :3457:
مريت عليها كلها اللي طلعتلي بالبحث ماعجبني منها الا فوضى
خشيت وانا بس ابتعرف ع ناس جدد واهرج معاهم وكيذا :40:

وبعدها صرت مسنتره فيذا علطول :MsgPlus_Img0491:


ايش رايك بالمنتدى بشكل عام؟


المنتدى جميل و اعضاءهه اجمل
يحاولو دايم يوصلو للقمه ودا شي احييهم عليه :57:

عضو قريب لقلبك ؟ اختاري عضو واحد

شوقي
عضو تعجبك صورته ؟

هيومز
عضو نشيط؟

هيومز +تعبني
عضو تحبي تشوفيه متواجد؟


غناوي +خيالي +شاميختو + غيومه + هيوم
+ سولافه + تعبني + شوقي + ميرو
ولا اقولكم كل الاعضاء عشان ماكون نسيت احد :57:

كيف نقدر نطور المنتدى؟



بانو يكون كل جديد فيه
من اخبار الي مواضيع تخص التكنولوجيا والبرامج
يعني اشياء تكون مطلوبه عند البحث تطلع للزائر
وغير كدا ينتشر كل جديد بالمنتدى باكاونت المنتدى باستقرام وتويتر



شقيه صحبتك في الحقيقه من قبل المنتدى او شي كذا ليش مو ضايفين بعض في الاصدقاء ؟هههههه


هههههههههههه مانهتم بدا الشي
ع اني تخاصمت معاها بداية دخولي للمنتدى
بس موفاكره هالشي هيا مانسيت ماشاء الله
واخذت موقف مني وقتها وانا طنشت :53:
بعدين مدري كيف صرنا صحبه اقوى شي :MsgPlus_Img0491:
للمعلوميه تعرفت عليها هينا ف المنتدى
تواصلنا وصرنا صحبه وطول الوقت بوجيه بعض 004 004



موقف مع عضو ضايقك ؟ بدون مجامله


اعتذر عن الاجابه



اعتذار لعضو.....؟


الحمدلله ماقد غلطت ع احد يعني مافي
ولا بيني وبين اي احد مشاكل ماشيه بالسليم الله يحفظني :2:


المبدعين بالمنتدى كثير رتبي الاسماء الآتيه حسب وجهة نظرك
شقية .. خيالي .. هايمه .. اتعبني غيابك .. عجآيب

هيوم
شوقي
خيالي
تعبني
عجايب


ليش مستمره بالمنتدى لليوم؟


بصراحه احب الاعضاء احب وجودي بينهم
احس اني مو جالسه مع ناس غريبين ناس عاشرتهم وعرفتهم وحبيتهم

وبعد خيالي انسان طيب احس يستاهل نقدملو كل خير ونكون معاه بالمنتدى
انسان محترم طيب تعامله ولا احلى معانا هو له سبب كبير بتواجدي لمن دحين
وبعدين صرت احس المنتدى شي اتعودة عليه خلاص

كلمة للأعضاء ؟



احبكم :Jm_013: 004


أسئلة عامة ..


الذكرى التاسعه لـ بيعة مولآي خادم الحرمين الشريفين الملك عبد الله بن عبد العزيز .. كلمة وتعليق؟



الله يطول بعمر الملك ويحفظ بلدنا ويحميها من كل شر 004



الشعب السعودي مثل اي شعب عنده سلبيات اذكري لنا بعض السلبيات الي لاحظتيها ؟



الواسطه اللي ضلمت كثير
بعض الناس كل شي عندهم حسد مافي ايمان بالقضاء والقدر
انقهر من الفئه اللي تحارب الهيئه
التجمهر عند الحوادث
العادات والتقاليد الخطا اللي متمسكين فيها
انتشار المخدرات والمنشطات بين الشباب نسال الله السلامه
استخدام السلاح بالاعراس وكدا اللي دايم تسبب وفيات
يروحو للاوديه وقت الامطار والسيول

خلاص يكفي بس ترا شعب فيه خير يعني :40:


كثير منا وقع في ما يسمى حب .. من وجهة نظرك هل الحب يأثر على المستقبل وعلى الحياة الشخصيه وعلى سلوكيات الشخص؟

ايوا له تاثير كبير ع حياة الشخص
ممكن يغيره للافضل وممكن للاسوا


زواج الاقارب ؟

اممممم ادا ادخلو الاهل فيهم حيكون فيه مشاكل كثير
ع العموم كلو هوا توفيق من الله


الصداقه أو المستقبل؟ وليش؟


ماني فاهمه كيف بالزبط
بس انو صعب الواحد يعيش بدون اصحابو
وبنفس الوقت يعمل لمستقبلو

قيادة المرأه للسيارةة؟

ضد هالشي وبقوه
وان شاء الله مايصير كدا عندنا
بشكل عام حيزيد الخراب :51:

زواج الرجل من اكثر من زوجه ؟



مدري شي راجعلهم مالنا دخل :h040:



يوم 15 مارس سنة 2011 بدأت الثورة السوريه .. تعليق ؟



اكثر شي يقهر انو محد وقف معاهم من العرب كلو كلام فاضي
الله ينصرهم يارب شي وربي اليم وكل يوم احداث تعور القلب

الله ينتقم من بشار اشد انتقام
الله ينتقم من كل شخص ساعد بهذا الاجرام يارب وينصرهم :4:

ودحين للاسف صارت عندهم فتنه حرب طوائف
وضايعين بينهم الاطفاء والناس المسكينه
الله ينصرهم يارب مابيدنا غير ندعيلهم



أخيراً المقطع ..

فكرة تجربة العيش في كوخ ثلجي



http://www.youtube.com/watch?v=c4eQfAvUxvY




ههههههههه الحلقه دي حلوه محد اكلها الا فراس بقنه وعادل رضوان مساكين :20:
يعني شوف هوا الموضوع حماس وكدا ونفسي اجرب الشي دا :66:
بس متاكده متاكده اول ماحط رجلي ع المكان اللي هما فيه حتحول لقالب تلججج :9:
ودا اللي مانعني من مجرد التفكير انو اروح اي مكان بارد
يعني احنا وبردنا ابو گلب تلاقوني البس دبل كيف بمكان كدا :4:
بس فيه اشياء كثيره سؤؤها كان نفسي اكون مكانهم
اما بالنسبه للبرنامج فهو جميل گلهم رهيبين اللي فيه
وفيه متعه وفايده بعد وشي يضحك خاصتن عادل دمو خفيف مرا
فكرة البرنامج بطله ومساعدتهم للناس بكل حلقه شي روعهـه
اكثر شي عجبني تغير اسم مريض السرطان الي محارب سرطان :75:
‏ برنامج يحط لك هدف يخليك تحس إنو الدنيا مو نومم وجلسة واكل
ترا في عبادهه وفي إشياء نستمتع فيها بهالحياه
_
‏‫
وبس كدا :41:

ويديك الف عافيه ع اللقاء :29:
جدا استمتعت للامانه 004 004 004
:82:



* وأخيراً أشكر الأخت عجآيب واستمتع جداً بطرح الأسئلة عليها فعلاً اوقات الصدفه تجلب معاها اجمل الأقدار والصدفه جابت لنا عجآيب للمنتدى أتمنى لك طول العمر بالتوفيق لي ولكم ..


شكراً