من طبعي ارد الإساءه { بالاحسان }
وأساير ظروف الزمان اللعيــــــنه



وأطوف الغلطه من { أفلان وفلان }
يعني من أجل { عين } تكــــرم مدينه


الكامل الله والخطا طبع { الانسان }
والدرب يفرق عن يساره ويميــــــــنه



و { ـالصاحب } ا للي لـه معزه وله شان
ان جاني بـشيـــــنه تذكــــــرت زينه



اتحمل اخطاءه معي { قدر الأمكان }
من جـــــانبي تبقى العــــــــــــلاقه متينه



واللي { يغلطني } وانا ماني بغلطان
اصـــــابعي احطها { وسط عينه }



مادامني مسلم وفي قلبي إيمــــــــــــــان
عمر{ البحر } ماشال هم السفينه



مرت علي { انواع واشكال وألوان }
بين { العقول } الناقصه والــــرزينه


عندي قناعه ان { الإنسان شيطان }
اذا يهينك { لازم } انك تهينــــــــه


يعني اذا حاجتك { بيدين عدوان }
يكفيك شر المهزله والغــــــبينه



من{ كثر ماجاني } من الناس خذلان
تحرجني حتى كلمة { الله يعـــــــــــينه }



صحيح لي { ربع وجماعه وخلان }
وأضيق لكن حاجة الناس شيـــــــــــنه

الشخص دام انه بكل شي{ خسران }
تأكد انهآ من عمايل { يديــــــــــــنه }



من مرحلة { حب ومشاعر وحرمان }
إن مالــــــعنت الحـــــب تلعـــنه سنــــــــينه


اكتب شعر واعزف من { اشواقي الحــآن }
واسلي قلوب الغــــــــــــرام الحزينـــــــــــه


ولو الشعر مخلوق في { هيئة انسان }
والله لأقول له تسلم { واقبل جبينه }.~