:rose:"



"ظلال خلّاني"

وطاحت حيلتي ما أحدٍ مسك يدّي
وعاشت حيرتي ما أحدٍ تبنّاني !

أجامل جرحهم والحظّ متردّي
وأميّل مبسمي وأشيّل أحزاني

أمرّ الماضي ودمعي على خدّي
وأعيش البارحه بـ ظلال خلّاني !

أتوه شلون والعالم ما هو قدّي
وسيع وضايق بعيني وقيفاني

أرتّب فالسوالف ضحكي وجدّي
وأدثّر بالدموع القلب و أشجاني

حنيني، كل ليله يضرب بـ سدّي
يجيّش حزني ويستعمر أوطاني

أقول إن ضاق خلقي باكر تْعدّي
يجي باكر يضمّ الهم لـ أحضاني

رخيت العذر ما فكّرت في شدّي
وشدت خيبتي بالعذر وأعياني !

تهدّج حرفي المكسور في مدّي
يودّع حلمي اللي راح وأبكاني !

حرام يمرّ صوتي ما شرح ودّي
حرام أكتب وأنا ما أميز ألحاني !

حرام
أكتب
وأنا
ما أميز
ألحاني !


قُفل :
كنت أشوف الحلم في راحة يدينا
وصرت أشوف الحلم : يبقى وعدنا

كلّ ما غنّت نوال ! أضحك علينا ..
ياه يا سخف الحنين وَ بُعدنا !


!