انتظرتك ليه طولت الغياب
وانت لامن غبت لحظات افقدك ..!



جمرة اشواقي تناديك بعتاب.!
كيف جالك قلب تنسى موعدك ؟
سيد الإحساس حسك كيف غاب؟
كيف عن دافي شعوري يبعدك؟


في ضلوعي برد وفـ: عيني سـراب..
وألف طاري عن غرامي ينشـدك



لو لمست الوجد .. غناك السحـاب..!!
وأنتثر غيم المحبه في يدك




وامطرت لك لهفتي جرح وصواب
وارتمى شوقي في حضنك وأسعدك



تدري ان الصبر في بعدك عذاآب
وتدري انك في عيوني وافقدك




ادري انك ماتأخرت بغياب..؟!
بس انا اللي دايم اسبق موعدك .!