والعرب تنظر وتسأل ياترى وشهي المصيبة

الله اكبر ياعيوني كم مـن الحسـرات نلتـي
نلتي الحسرات ما هو بالرضا لكن غصيبـة
وان صمدتي ياعيوني وان صبرتي واحتملتي
حاربك همّ الفراق وخاسر ٍ من هو حريبـه
ياظروف الوقت حنّي والله انـك قـد قتلتـي
خافق ٍ مجروحْ وجروحه من الفرقى عطيبة
يالليالي السود بالله ليه فينـي مـا عدلتـي
ليه شبيتي خفوقـي ليـه زودتـي لهيبـه
يالمشاعر لو نزفتـي واحترقتـي واشتعلتـي
كل هذا مايرجّع صاحـبٍ فـارق صحيبـه
يالحبيب في وداعـك ليـه للونـات شلت
كان ودي ترحل من دون صوت يالحبيب
يوم جيتني بعلمك يوم عندي قـد وصلت
شفت انا بعيونك آثـار ٍ لدمعـاتٍ غريبـة
اثرها الفرقى دعت لك واثرك انت ما احتملت
اثرها الفرقى علينا حكّمت سيـف الغليبـة
قد عطيتك قلبي آنا وانت بقلبـي دخلت
قلت هذا بيتك العامر بقلبـي وانزل بـه
وانت بحبك عطيت وانت بحبـك بذلت
مير خانتنا ظروفٍ ظالمـة ْ جـدا صعيبـة
والله انك يوم رحت والله انـك قـد جعلت
حالتي مثل المريض اللي يئس منّه طبيبـه
بعد مارحت وغبت بعـد ماعنـي انتقلت
انتظر موتي يجيني عمرْ ضايعْ وش ابي به
اليييييمه

:4::4::4::4::4::4::4::4::4::4::4::4::4: