في أسبوع واحد مرت علي ثلاث قضايا هي يمكن مهي غريبة على غيري ، لكن أنا أول مرة تحصل معي ،الاولى نوع من الفساد الاداري الذي يمارس ضد المعلمات ،اما الحالة الثانية شايب يتابع يوم الجمعة الماضية نجوى كرم ودنيا بطمة ، اما الحالة الثالثة رسالة من فتاة وصلت لـ "صدى" تسأل كيف تعيش بدون ونيس واطلعت عليها شخصياً وكانت مؤثرة جداً ..

في العمل أخبرني زميل بأن زوجته طلبت أجازة بدون راتب واشترط مكتب الاشراف وجود معلمة بديلة ، ويوم راح أحد اقرابها يراجع ادارة التعليم ، رجع الموظف الاجازة للرجال وفهمه انه مافية ..المسكين قام يطلب الموظف مو ناقص الا يحب رأسة ..اخر كلام ..مافي اجازة وخذ الاوراق والله يستر عليك !

المهم رجال راح واعطى المسكينة الاوراق وقال مافي اجازة ، شوفي اي زميلة لك عندها قريب يمكن يخدم في الموضوع ويمشي الاجازة ..
وبعد اسبوعان "المسكينة" تناديها المديرة "مبروك" جاء قرار الاجازة !
المسكينة في دهشة فرحانه ومستغربة .."طيب الاوراق معي!.."

[color="rgb(65, 105, 225)"]طبعاً الى مو فاهم وايش اقصد يسأل المعلمات البديلات ..
والا بقولكم معليش ..المعلمة يوقف راتبها واذا جابوا بديلة تقبض راتب المعلمة المجازاة ..بس اذا تركوا المدرسة بدون معلمة والبنات بدون شرح .....اين يذهب الراتب !!
[/color]

الحالة الثانية .. قلت ازور زميل قديم متقاعد ومن فترة طويلة ماشفت الرجال ، المهم طقت معي الجمعة الماضية ، وقلت اصلي العشاء حول بيت الرجال وازوره خفافي ، علشان اتعذر بالدوام ..

[color="rgb(65, 105, 225)"]المهم يوم جيت ابو ناصر الا والرجال متزكرت ومتضبط ، قلت هذا عنده موعد مهم ، أشوي الا وعرب ايدل يرن في المجلس ..يابوصالح الصوت الله يهديك ؟
الرجال صار مثل البوري اذا علق ، المهم مع كل دقة طبل والرجال يدق على قلبه وهات ياآهات !..
كتب الله للرجال ولي أنا الفرج بالفاصل الاعلاني ..وقتها لا اردياً فلت وايش جاك يا ولد ؟؟[/color]
المهم الرجال طلع من جمهور نجوى كرم ودنيا بطمة ومو بس كذا مصوت هو وموصى عيالة ويمكن عيال عياله يصوتون لبطمة !
مسكين الرجال وياكثر الي صوتوا وماتبرع بريال واحد للضعوف في سوريا أو المساكين في سكيرينا أو منفوحة أو العود أو الشميسي وغيرها في مدن ومحافظات المملكة التى تعج بالمساكين واهل الحاجة!


[color="rgb(65, 105, 225)"]اما الحالة الاكثر حزنا في نفسي ، كانت من فتاة ارسلت للصحيفة لتقول "نحن اربع شقيقات" متعلمات ولله الحمد ، فرحنا بحافز ولكن في نفس الوقت نترقب بكثير من الخوف انقطاع الاعانة كون اصغر واحده فينا تبلغ الـ34 عاماً ونخشى ان تنقطع الاعانه ونلجأ للوقوف عند المساجد وطلب العون ،ابونا مسن ونحن لم يتقدم لنا أحد ومنزلنا ايجار ،ولو انقطعت الاعانة اربع شقيقات "لادخل ولا حتى مجرد الحلم برجل ونيس يقبل بالزواج من اي واحده منا ونحن في هذا العمر ماذا نفعل واين نذهب !.."
[/color]
هذا جزء من رسالة الفتاة "الشؤون الاجتماعية ووزارة العمل ووزارة الاسكان والجمعيات الخيرية " وغيرهم من جهات الاختصاص كم فتاة تعاني مثل هؤلاء الاخوات ،ام أن النظام لايسمح والي مهو عاجبة يلعب بحاجبية !

خواطر يكتبها كل ثلاثاء ..مواطن على قد حاله