ارمي عقالك

[الأميره]

قـبـل لانتفـاهـم أبــي مـنـك تـرمــي عـقـالـك..

تــرى لا أنــت وجــه للرجـولـه ولا انــت قـدهـا ..

وعيـنـك هــذي تنزلـهـا لاوقـفـت انــا قبـالـك..

ولاتقاطـع فــي كـلامـي والــزم الفـاظـك حـدهـا..

لاتساهـل فـي كلامـي واحفظـه وخلـه فــي بـالـك..

أنـا بنـت ورثــت الـعـزه مــن أبـوهـا لجـدهـا ..

مايهزهـا مجـرد وجـودك كبرياهـا مايكسـره امثـالـك..

والكـرامـه قـبـل تعـرفـك راضعـتـه بـم(ه)دهــا ..

قبل لا نتفااهم ابي منك ترمي عقاالك

...الاسئله...

1/لو انت بمجلس وكلهم رجال ونشااما وقام واحد ونطل عقاله عندك وقالك بنتي لك ولا تردني

وانت متزوج او غير متزوج وش بتكون ردة فعلك؟؟

2/انت انساان تحترم الكشخه وماتحب احد يخرب كشختك مريت من عندك وسحبت عقالك وزود على كذا طيرته بالسماء وطاح بالارض وش بتسوي؟؟ <<طبعا مو اهاانه بس مزحه وجات رزحه

3/هل ترى ان العقاال من اساسيات الرزه والكشخه؟؟

4/بنظرك من يفقد السيطره على افعاله اثناء غضبه ويستخدم العقال للضرب
هل هذا من اصول التربيه ومعنى الرجوله؟؟

5/وش شعورك وانت تشوف هذي الصوره ولو انت موجود اثناء الحدث بتداافع عنها حتى لو كانت غلطانه هل يصل الى هذا الحد؟؟

6/لو قالت لك بنوته لاتهاايط ترى عقاالك خيوط وش بتسوي <<اعتقد بتعطيها مسطه تعرفها قدر العقاال<<تسونها

7/هالعقاال شكله منااسب للجلد من ودك تمسط غاابنك وتبي تجرب عليه قوتك هههههه

8/انت بمجلس وتتناقشون بموضوع حمااسي فيه اللي يعاارضك وفيه اللي يساندك

وقلت كلمه حق وسمعت من بعدها كلمات من انحاء المجلس كفو .. صح لسانك .. انشهد انك رجال ... جعل عداك العدم..وفي هالاثناء الضجيج ماحسيت الا بالعقل تجيك من كل صوب واللي يرفعها لك

وعلوم المرااجل وش بيكون رد فعلك وش وااجبك تجاه الرجاجيل ؟؟؟

9/عقاالك شااريه 100 او 180 او 50 و80 اي قيمه بس الظااهر انه غالي ويجيك ذااك النشبه الا تعطيني عقاالك ومالك الا كم دقيقه من شريته بتعطيه ولا بتقول تدل السوق هههههههههه

10/متى تسوي هالحركه تدخل العقال برااسك وتلف عليه الشماغ؟؟

وسلامتكم ونحن بانتظااار الشبااب جميعا

ودي وحبي لكم

دمتم بخير