السلام عليكم جميعاً..

جبت لكم حَلين يعني حلا اثنين ههههههه
نسميها :
( محـلا ,, حنينـي )
نسويها :
في الشتاء يقولون تدفي وتعطي الانسان طاقه ونشاط
ونسويها لا صار عندنا وحده ننفسها مهم في الفطور
يمدها بالطاقه والحيويه ويقوي عظامها وعضلاتها بعد ههههههههه

نبدأ بـ الحنيني
المقادير :
دقيق بر ( حسب الكميه اللي تبينها ) + سمن
تمر ( واقعدي طلعي النوى منه ( الفصم )
انا سويته بالتمر الجاهز ويفضل تمر السكري اطعم

الطريقه :
خطوه بـ خطوه تضبط الطبخه <<

حطي دقيق قد اللي تبين في مويه واخلطيه






نسخن المقلاة الفضيه
ثم نقصر على النار عشان لما نحط العجينه ماتحترق
واذا استوت ونضجت نقلبها وهكذا لين تخلصين منها





ثما نقطع الخبز قطع صغيره



هاتي التمر وقطعيه



ثما نضيفه فوق الخبز



هاتي سمن وحطيه على النار لين يذوب
ولا يصير حار عشان مايحرق اصابيعك



ثما نضيفه عليهم وتفركينه بيدينك زين
عشان يذوب التمر في الخبز
ملاحظه : إذا كان ناشف زودي سمن وتمي افركي ,, بصي ازاي



لين يصير كذا
وبكذا خلصنا بس خليه على نار هاديه ويقدم حار





ومطرح مايسري يمري


اما المحلا اسهل

المقادير :
دقيق بر ( حسب الكميه اللي تبين ثقيل خفيف وسط )
سمن + تمر ( حسب كمية الاشخاص )
ويستخدم التمر الجاهز مدري وش يسمونه
المهم
حطي التمر في مويه حاره واطبخيه لين يذوب
ويصير مويه بالتمر




لا تأكدتي إنه ذاب مره طفيه عشان مايطيش عليك وتعيدين من جديد
هاتي دقيق البر وحطي شوي شوي وحركي بإستمرار
لين توصلين اللي تبينه ثقيل خفيف



ضيفي ملعقه كبيره ( سمن ) وخليه على نار هـاديه
وبين وقت وقت حركيه



ملاحظه :
اذا يحتاج سمن حطي
اذا شفتي المحلا صار خفيف ( سائل ) زودي دقيق
حلاته مايصير ثقيل ابد
خفيف بس مو خفة المويه اثقل شوي

حطيه في حافظه عشان مايبرد
الطبق النهائي




للتزيين :
فلفل اسود وسمن
فهمتوا علي انا وشرحي ولا اعيّد
بالهنـا والعافيه ,, ومع السلامـه
منقول