‘،


يسعد لنا مساكم ’ صباحكم ..


حبّيت اليوم بعد بحث واستطلاع ووقت طويل ع النت انّي أكتب عن موضوع مهم ويصل للخطوره :frown: !!

اللّي هي عن لعبه ويجا أو اويجا !
طبعاً أكيد ان فيه من سمع فيها ولعب فيها وفيه من سمع باسمها لكن مايدري وشهي ..

أنا الحمدلله لا قد لعبت فيها ولا شي :biggrin:
لكن السّنه هذي كانت صديقتي تسولف معانا قالت لنا تعرفون ويجا ؟!
قلنا وشهي ذي ؟!
قالت هذي لعبه تشترينها ولا انتي تضبطينها بنفسك ..
تجيك لوحه واوراق ’
انا من الفهاوه قلت عساها ذيك حقّت وشسمه يوغي يو :biggrin: !!
قالت لا ذي شي ثاني
المهم قالت لنا انها تعلمك بأشياء وأيام تخليك تشوفين قدّامك مثلا المدرسه تتحرك فوق وتحت !!

عاد أنا حبّيت أشوف وشهي ذي وقمت من مده طويله وأنا أبحث بالنّت ..

لين لقيت المعلومات الكافيه اللي أقدر أطرح فيها موضوعي :rose:

الموضوع فيه أشياء كثيره مهمّه وراح استعرضها بترتيب ..

وشهي لعبه ويجا ومن متى وهي فيه وش قصتها بالضّبط ؟!

هي كلام كثير لكن راح اختصره لكم ..


‘،


[ أصل اللّعبه ]

طبعا مخترع اللعبه هو يهودي :frown:
ومخترعه ومعروفه من زمان !!
طبعا اللعبه اخترعت بواسطه السّحره يحضرون الارواح والجن فيها عن طريق ارقام وحروف !
وفيه لها مسمّى اللي هو ( خادم الأرقام ) وبالانجلش ( ouiaja )
طبعا اللعبه الاساس منها انها تعلمك الامور المستقبليه وعلم الغيب وش يبي يصير لك بعدين !!
تجيك ارقام وحروف الحروف من أ الى ي بالعربي والانجلش من A to Z ..
أول كانت تتطلّب اللعبه مجموعة من الأوراق الصغيرة والمنقوش عليها الحروف والارقام من ‘ ( صِفر .. الى .. 9 ) وثلاث أوراق ثانيه مكتوب عليها ومنقوش كلمات ( نعم ، لا ، الوداع ) ..

ويتم وضع الأوراق كلها علي شكل دائرة ويوضع الثلاث أوراق الأخيرة في منتصف الدائرة
تحديدا وباستخدام مؤشر صغير تكون اللعبة جاهزة تماما ..
بعدين اللاعبين يحومون حول اللعبه وبجو كلّه خوف ورعب :frown:
الدخول للعبه عن طريق انهم يحطون اصابعهم ع المؤشّر ويردّدون الكلمات اللازمه عشان يجيبون ويجا ..

فجأه يتحرّك المؤشّر بشكل قوي وبخفيه ويروح عند كلمه ( نعم ) !
بعدين يبدون اللاعبين بطرح أسئلتهم سواء كان شي في الماضي ولا في المستقبل وتبدا اللعبه والسّحر الأسود يسيطر عليهم :frown:

‘،

الحين عرفنا وشهي وشلون تنلعب نجي ل تقاليد اللعبه وقوانينها :biggrin: !

يقوّلك الحين اللعبه ذي من تقاليدها ان لازم اللاعبين ينتظرون لين النهايه لين المؤشر يجي لم كلمه ( الوداع ) !
واذا واحد ارتاع وقال لا والله بقوم منيب لاعب ولا شي واللعبه توها ماخلصت تجيه لعنه غامضه :biggrin: !!
تصير له اشياء غير مفسّره علميا !
زي ماقالت صديقتي يوم تقول ان مثلا المدرسه راح تشوفينها تتحرك وتصير لك اشياء مهيب مفهومه :frown:

واللعنه تتمثل في أمراض نفسية وعصبية وتوتر ويمكن الشّخص ينتهي به المطاف ل اشهار !

طبعا اذا واحد قام يبي يروح وعصّب يجون اللي معه يحاولون يقنعونه بانه مايقوم لين ينتهي الأمر ل صراع بينهم ويوصل ل القتل !
لأن هذي اللعبه تفرّق بين اللاعبين على فكره ~ !
وتسمّى بانتقام الويجا ..
وهو عباره عن ،

ويؤكد كل من مارس هذا السحر أن الأمر ينتهي بشجار عنيف يليه احداث
غريبة تخرج اما من عقلهم الباطن الذي يخيل لهم أن هذا الجن سيسعي
وراءهم للانتقام منهم واحد يلو الآخر لتركهم إياه دون أذن منه وأما
يتحول الأمر إلي ملازمة هذا الجن لاياهم وعدم تركهم سوي بعد التملك
من عقولهم تماما
!
وهذا اقتباس ثاني يروي طريقه ثانيه لدخول اللعبه عن طريق مفتاح اللّعبه ’

أخبار الحوادث اقتحمت هذا العالم المثير والغريب.. لتبعث برسالة
تحذير إلي الآباء والأمهات.. خدو بالكم من ألعاب ابناءكم.. فليست كل
لعبة بريئة!

ويجا ويجا come to play الكلمات السابقة هي بأختصار كلمة السر للدخول
إلي عالم السحر الأسود ..

‘،

طبعا فيه ناس قالوا مواقفهم وتجاربهم ..
يقولون فيه وحده غصبوها اصدقائها انها تلعب هي خايفه قامت عاد ولعبت جت قامت تبي تسأل عن أبوها المتوفّي والمعلومات جتها غريبه ومحد يعرفها الا الاب المتوفّي فالبنت انهارت وصار لها انهيار عصبي :frown:

وفيه وحده قد لعبتها مع صديقاتها تقول يوم رجعت عجزت بالليل أنام من الأصوات الغريبه اللي اسمعها والمشكله ان مصدرها مجهول !


‘،

نجي للحكم من ناحيه الشّرع ..

اللّعبه هذي حرام !
وصاحبها ومن لعبها ملعون :frown:

واحنا نعرف أحكام السّحره والكهنه والعرافين !
وحكم اللعبه يدخل من ضمنهم وكثير من المشايخ تكلّموا عنها وحذّروا منها !
ل درجه ان اللعبه صارت منتشره الحين ع النت !
واللي يلعبونها من فئه الاطفال للأسف :frown:

يعني زود على تحريمها وشدّته !
ترا أخطارها أعظم وأعظم :frown:
أولا تسبّب لك خوف ورعب والجن اللي لعبت معهم بيصيرون ملازمين لك دايم في كل مكان وزمان لأنّك انت اتّصلت فيهم !
يحاولون استكشاف مستقبلهم البعيد من خلال
لعبة تسمي 'الويجا'.. ولايعلمون أنهم دخلوا عالم السحر الأسود
وبكلمات بسيطة أستدعوا الجن خادم الحروف الذي قلب حياتهم رأسا على
عقب !

‘،

طبعا اللعبه ذي يوم شفتها قد تذكّرت ان افلام الرعب اللي كنا نشوفها كانوا يجيبون مجموعه اصدقاء اطفال ويلعبونها !
وصديقتي يوم تسولف لنا قالت انتم تعرفون الفلم المصري حق منه شلبي وهاني سلامه اللي اسمه ( ويجا )
تقول كان يتكلم عن اللعبه !

وأذكر مره يومنا صغار ..
كنا نجيب مجله ( لها )
عاد كنا نحب نختبر شخصياتنا اللي موجوده بآخر الصّفحات لكن جا مره ولقيناهم شالوه وزعلنا :frown:
وكانوا حاطّين بداله زي اللوحه مدوّره وفيها سهم من الوسط ومشروحه طريقه اللعبه انّك تسأل وهم يجاوبون على أسئلتك المستقبليه ومافهمناها شلون لأن ماكان عندنا خلفيّه عن اللعبه !

‘،

نهايه الموضوع ..

ياليت انّي من خلال المعلومات اللي جمّعتها قدرت انّي نبّهت اللي قد لعبها وللحين يمارس اللعبه ولا اللي ناوي يلعبها !
والحين هي تطوّرت وصارت تنلعب بالنّت يعني الاطفال ياغافلين لكم الله :frown:

وياليت الكل يطرح رايه وتجاربه او تجارب غيره :rose:

نشوفكم على خير (: