اعطني عينك أبغفى لي شوي
............. و اعطني بردك أبشتى بالهجير !!

و خذ من الي تحب فيني كل شي ّ
............. عادي اضحك لو فقدتك / وش يصير ؟!

خذْ منَ الصدر الدفا والرمش : فَيّ
.............. و خذ من العين الوفا .. لا تستشير !

كم نظرتك في دياجي الليل ( ضيّ )
.............. ما استفدت من البصر وانا بصير !

ايْ يحق انّ الامل يشره عليّ ،
.............. كم خذلته يوم عشمته بـ خير !!

و كم ظلمني يوم نادى : منتَ ليّ
............... و كم صغرت بعين عذالي كثير !

وشوف وش جاب الشتا هذا قويّ ؟!
............... وصار فيني يفرش ضلوعي حصير ؟!

غير حضن ٍ سافر وصدري خليّ
................ و مْتعريّ للصقيع بلا سرير !!

منهو غيرك لا طواني البرد طيّ ،
................ البسه واتلحف انفاسه و ادير ،

للشتا ظهر الدفا و اكويه كيّ !
............... واحبسك في مرقدي جنبي تصير

ودي القى بك نفَس واحد وفيّ ،
............... و ودي القى غير هجرك لي مصير !

ليتْ آنا انت / ميت بس حيّ !
............... وتاخذ احساسي و تتركني أطير !!































لبى انتِ يَ هنو :29:
ليت فيه منتس اثنين بالمنتدى :29:
وربك وحششتك اكبررر :18:
بالمناسبه كل عام وانتِ بخير لعيد الاضحى والسنه الجديده :3:
ادري ماشوفك بالمسن الاحسنه بالسنه :7:
منوره مزونتي 004