هل ضميرك في فراقي مستريح
من غلاك افزّ لا جالـك مجـال
واذرف الدمعه وانا قلبي جريح
صورتك بين الحقيقه والخيـال
ماتفارق ناظري وابكي واصيح
ساحر ٍ قلبي بحسنك والجمـال
يامليح وكـل ماتحـوي مليـح
اللباقـه والشياكـه والــدلال
والحلا والذوق والهرج الفصيح
بيّنات ٍ فيك يازيـن الخصـال
ذا كلام ٍ يابعد روحي صحيـح
لك محبه بالحشا كبـر الجبـال
والجبل لاشك راسـي مايطيـح
ماسمعت بعشرتك قيـل ٍ وقـال
أعشقك واهواك لو طبعك شحيح
كل ماشفتك يراودنـي سـؤال
هل ضميرك في فراقي مستريح ...!؟
هل ضميرك في فراقي مستريح ...!؟
هل ضميرك في فراقي مستريح ...!؟
المفضلات